Пасля хвалі затрыманняў, якая прайшла ў ПДУ 23 траўня больш як дзясятку супрацоўнікаў былі прысуджаны арышты і штрафы па «палітычных» адміністрацыйных артыкулах: арт. 24.23 КаАП (несанкцыянаванае масавае мерапрыемства, пад якім сілавікі цяпер разумеюць размяшчэнне фотаздымкаў у інтэрнэце) і 19.11 КаАП (распаўсюд так званых «экстрэмісцкіх» матэрыялаў). Адміністрацыя ВНУ вырашыла пазбавіцца ад «ненадзейных» супрацоўнікаў.

Ад Віктара Бабарыкі, як і ад шэрагу іншых палітвязняў, даўно нічога не чуваць - да яго не пускаюць блізкіх і сваякоў, ад яго не даходзяць лісты. Больш за 50 дзён невядома нават тое, дзе ён. На суд над сынам яго не даставілі, хаця той падаваў хадайніцтва аб выкліку бацькі ў якасці сведкі, а дзяржаўныя СМІ пісалі, што Віктара нават зацвердзілі ў спісе сведкаў.

Суддзя суда Полацкага раёна Яніна Марцулевіч 30 мая аштрафавала на 1110 рублёў выкладчыку Полацкага дзяржуніверсітэта Ганну Нанос за распаўсюд “экстрэмісцкіх” матэрыялаў у сацыяльных сетках. У 2020 годзе "правапарушальніца" была занесена на Дошку гонару ў раздзеле "Гонар універсітэта".

З пачатку 2023 года ў пунктах пропуску Віцебскай мытні службовымі асобамі мытні было выяўлена 11 выпадкаў пакідання грашовых сродкаў у дакументах, прад'яўленых грамадзянамі для праверкі службовай асобе мытні.

Як стала вядома, 13 чэрвеня лепельскія міліцыянты затрымалі ўладальніка аграсядзібы “Поўсвіж”, музыку і збіральніка фальклору Васіля Шкіндзера.

Газеты Віцебшчыны нібыта спаборнічаюць у тым, каб напісаць пра праблемы людзей з абмежаванымі магчымасцямі так, каб не сказаць анічога. «Віцебская вясна» ужо згадвала Сенненскую «раёнку», якая асвятляла «правы інвалідаў» такім чынам, што так і засталося незразумелым, ці заўважаюць іх дзейныя ўлады. Цяпер і віцебская гарадская газета «Витьбичи»вырашыла адгукнуцца на надзённую тэму – распавяла пра тое, што на адмысловай сесіі Верхнядзвінскага райсавету абмяркоўвалі «пытанні стварэння даступнага асяроддзя для людзей з інваліднасцю». Але ні пра высновы, зробленыя дэпутатамі, ні пра планы, выкананыя альбо не, чытачам не паведамілі.

З дапамогай інфармацыі з Банку судовых рашэнняў удалося даведацца падрабязнасці пра дзяўчыну, з якой знялі «пакаяннае» відэа, уключанае ў анімацыйны ролік – ноў-хаў віцебскага тэлеграм-канала, блізкага да сілавікоў. Відэаролік быў змантаваны такім чынам, што замест твараў рэальных людзей глядач бачыць анімаваныя эмадзі. Дзяўчына ў відэароліку распавядае пра сваю віну: маўляў, карысталася на працы тэрмакубкам за выявай герба «Пагоня» і надпісам «Жыве Беларусь». За гэта яе прызналі вінаватай у несанкцыянаваным пікетаванні і асудзілі да трох сутак арышту.

Яўген Гуцалаў - той самы аматар бегу на доўгія дыстанцыі, які за 10 дзён «на сваіх дваіх» перасёк Беларусь з поўначы на поўдзень. Яшчэ адно ягонае захапленне – гэта падарожжы. Але апошнія з іх былі вымушаныя: увосень 2021г.  ён пакінуў Беларусь, бо супраць яго распачалі крымінальную справу за абразу дзяржаўных сімвалаў. Падставай стала сатырычнае відэа, якое Яўген размясціў у сябу ў Інстаграм. Гуцалава шукаў Следчы камітэт, але мужчына тым часам ужо быў у Турцыі. Тады яго падалі ў міжнародны вышук.

Полацкая падатковая інспекцыя дала актуальныя каментары наконт падаткаў у сферы мастацтва, пракату інвентару і зборы металалому.

У Віцебскай вобласці ў бягучым годзе па крымінальным артыкуле 427 (Службовая падробка) судамі першай інстанцыі былі асуджаны не менш як 30 чалавек. Больш за палову пакараных гэта работнікі сельскай гаспадаркі, якія падраблялі справаздачныя дакументы, каб схаваць гібель жывёлы. Гэта пацвярджаецца апошнімі статыстычнымі данымі. За студзень-красавік 2023 года здыхата кароў і маладніка у рэгіёне ў параўнанні з аналагічным перыядам 2022 года павялічылася на 312 галоў (8,3%).