Вымушаная палітэмігрантка з Полацку просіць дапамогі – яна часова не можа працаваць пасля інфаркту
Інфаркт у Кацярыны Мірзоевай здарыўся ўжо ў эміграцыі, калі жанчына-пенсіянерка толькі-толькі пачала наладжваць жыццё за мяжой. Яна знайшла працу, зняла жытло, але падвяло здароўе. Цяпер Кацярына стараецца яго аднавіць, але пакуль не можа працаваць, каб зноў мябе ўтрымліваць.
У 2020 годзе жанчына актыўна выказала сваю пазіцыю, выступіўшы на стрыме ў Ціханоўскага, потым узяла ўдзел у мітынгах у некалькіх райцэнтрах. Калі пачаліся масавыя паслявыбарчыя пратэсты, Кацярына збірала перадачы для затрыманых. Потым пачаліся пагрозы, а праз пэўны час жанчына атрымала папярэджанне пра магчымае затрыманне. 19 лютага 2021 года Кацярына пераехала ў Кіеў, спадзеючыся выляцела “пераседзець пару месяцаў”. Але не атрымалася, і жанчына апынулася ў Польшчы.
Тут яна пачала весці Youtube-канал "Всё сначала", які ў лютым 2025 г. быў прызнаны "экстрэмісцкім".
"Цяжка было не таму, што ўсё прыйшлося пачынаць з нуля, а душыла крыўда: усё жыццё адпрацавала ў сваёй краіне, нічога дрэннага не зрабіла, а гэтая ўлада вымусіла з’ехаць. Але крыўдай нічога не зменіш. Вывучыла мову, уладкавалася працаваць няняй. Праца цяжкая, але па-чалавечы добрая, хоць і ўставала рана, ехала праз увесь горад, працавала па восем гадзін, часам больш. І спраўлялася. Я па жыцці не баюся працы: працавала няняй, была сядзелкай, пякла кулінарныя вырабы, працавала на зямлі, усё цягнула сама.
Але жыць і працаваць як раней не дае здароўе. Першы інфаркт быў яшчэ ў 2009 годзе. У 2022 годзе – зноў падазрэнне на інфаркт, патрапіла ў бальніцу. А 5 студзеня гэтага года здарыўся другі інфаркт. Пасля яго ўжо не магу працаваць фізічна, як раней. Слабасць, абмежаванні: нельга падымаць цяжкае, рабіць рэзкіх рухаў. Самае простае становіцца праблемай. Кубак нават не магу ўзяць – падае з рук. Зараз я вельмі шмат працую над сваім аднаўленнем: раблю практыкаванні, строга выконваю ўсе рэкамендацыі лекараў, але хутка гэта не адбываецца"- піша Кацярына Мірзоева..
Зараз на самыя надзённыя патрэбы ёй неабходна €3 000. Збор абвясціў BYSOL.
Марыя Белагаловая
Экс-палтвязень Дзмітрый Казлоў (блогер Шэры Кот) даведаўся, што яго пашпарт ануляваны
Былы палітзняволены Дзмітрый Казлоў, які 11 верасня 2025 года быў вызвалены і прымусова вывезены з Беларусі, праверыў статус свайго беларускага пашпарта. Вынік уразіў: дакумент прызнаны несапраўдным.
“Экстрэмісцкай” прызналі старонку віцебскага палітэмігранта Змітра Піменава
Старонку "Dzimitriy Pimenau" у Facebook прызнаў экстрэмісцкай інфармацыйнай прадукцыяй далёкі ад Віцебшчыны суд Кармянскага раёна Гомельскай вобласці. Судовае рашэнне было прынята 27 сакавіка, сёння інтэрнэт-рэсурс уключылі ў Рэспубліканскі спіс экстрэмісцкіх матэрыялаў.
Суды Віцебшчыны зноў "зрабілі ўнёсак" у Рэспубліканскі спіс экстрэмісцкіх матэрыялаў
У абноўлены 30 сакавіка Рэспубліканскі спіс экстрэмісцкіх матэрыялаў на сайце Міністэрства інфармацыі дадалі 6 інфармацыйных рэсурсаў, прызнаных судамі Віцебскай вобласці "экстрэмісцкай інфармацыйнай прадукцыяй". Ніводзін з іх не мае дачынення да Віцебшчыны.
Праваабаронцу і журналіста Ігара Казмерчака спецслужбы “пазналі” ў прапагандысцкай праграме Пратасевіча
У праграме былі паказаны кадры з мерапрыемстваў у Вільні, якія прайшлі сёлета 25 сакавіка, у Дзень Волі. Аўтар спрабаваў аспрэчыць значэнне гэтай даты ў гісторыі Беларусі і запалохваў тых, хто адзначае гэтае свята за мяжой крымінальнымі справамі, завочнымі прысудамі і канфіскацыяй маёмасці ў Беларусі. Усяму гэтаму, паводле Пратасевіча, мусяць паспрыяць “апазнанні” удзельнікаў, якія праводзяць спецслужбы. Апазнаных і названых асобаў у праграме было згадана каля дзясятка. Сярод іх – Ігар Казмярчак, які ў 2021 годзе быў вымушаны пакінуць Беларусь, і з тае пары месца свайго знаходжання не хаваў.
Праект, дзе ўдзельнікам пазначаны віцебскі актывіст Дзмітрый Карняенка, у Расіі прызнаны “иноагентом“
У мінулую пятніцу, 27 сакавіка, на сайце Міністэрства юстыцыі РФ з’явіліся абнаўленні ў спесе так званых “иноагентов“. У яго уключылі кінарэжысёра Паўла таланкіна, журналістку Марыну Скорыкаву, бізнесмена Віталя Гінзбурга , а таксама «Христиане против войны». У якасці ўдзельнікаў апошняга згаданыя Наталля Васілеўская і Дзмітрый Карняенка.
Прызненне палітвязнем: дадатковыя цяжкасці за кратамі або трэк на вызваленне?
Пасля вызвалення 19 сакавіка 250-ці беларускіх палітвязняў сярод сваякоў зняволеных “за палітыку” зноў абвастрыліся дыскусіі: ці настойваць на тым, каб пра пакаранне блізкага чалавека “ніхто не ведаў”, ці надварот – зрабіць гэты факт вядомым для шырокай грамадскасці. Паколькі вызваленні з-за кратаў апошнім часам адбываюцца пры садзеянні Злучаных Штатаў, і Спецпасланнік прэзідэнта ЗША Джон Коўл заявіў, што да канца 2026 года спадзяецца паспрыяць вызваленню ўсіх беларускіх палітзняволеных, гэтае пытанне сапраўды паўстае вельмі востра. Шукаем на яго адказ разам з юрыстам і праваабаронцам Алегам Мацкевічам.
Насельніцтва Віцебска скарацілася на больш як 1 тысячу чалавек
На 1 студзеня 2025 года колькасці насельніцтва ў абласным цэнтры складала 358 927 чалавек, а на 1 студзеня 2025 года – ужо 357 899 чалавек. Прыкладна на столькі ж скарацілася колькасць жыхароў Оршы ( 101 662 у 2025 г. і 100 422 у 2026 г.) і ў Наваполацку ( 95 370 у 2025 г. і 94 666 у 2026 г.)
У “экстрэмісцкі” спіс уключылі 19-гадовага віцебскага хакеіста
У абноўленым 27 сакавіка пераліку асобаў, “датычных да экстрэмісцкай дзейнасці”, унесена прозвішча Данііла Сачыўкі. У Віцебскім абласным судзе ён быў асуджаны,падобна, да “хатняй хіміі” – насупраць ягонага прозвішча пазначана “судзімасць не пагашана”. Найверагодней, яго прызналі вінаватым па так званай “справе “Беларускага Гаюна”: паводле чч. 1 і 2 арт. 361-4 КК РБ.
Прапагандаст з Глыбокага крытыкуе краіны Балтыі і Польшчу за мілітарызацыю і санкцыі
Рэдактар раённай газеты “Веснік Глыбоччыны” Андрэй Панкрат на сайце газеты апублікаваў артыкул пад назвай “Санкцыйны бумеранг: як брусельская палітыка ўдарае па ўласных грамадзяна”. У ім раённы прапагандыст крытыкуе палітычную і сацыяльную сферы ў Еўропе, у прыватнасці, у Літве.