21 студзеня 2022 года Дэпартамент па гуманітарнай дзейнасці Кіраўніцтва справамі Прэзідэнта Рэспублікі Беларусь чарговы раз адмовіў кіраўніцтву Евангельскай царквы Новалукомля ў рэгістрацыі атрыманай гуманітарнай дапамогі на суму 25625 шведскіх крон (2800 долараў ЗША) ад дабрачыннай арганізацыі "Ос-Хельпен" (Швецыя) і запатрабаваў вярнуць увесь тавар назад адпраўніку за кошт членаў царкоўнай арганізацыі. 

Супрацоўнікаў міліцыі цікавіла, ці наведвае актывістка тэатральныя пастаноўкі віцебскага тэатру імя Якуба Коласа, ці яна глядзела спектакль «Ціль», што быў зняты з рэпертуару адразу пасля прэм’еры 21-га лістапада. А таксама ці не брала яна ўдзел у «партызанскай» акцыі салідарнасці са звольненым дырэктарам і акторамі, якія страцілі працу пасля ўдзелу ў пастаноўцы, паведамляе Беларускае Радыё Рацыя. 

Актывістка Станіслава Цярэнцьева, якая апошнія некалькі месяцаў жыве ў Грузіі, не змагла трапіць у Расейскую Федэрацыю. Улады гэтай краіны не прапусцілі віцяблянку праз дзяржаўную мяжу, заявіўшы, што Станіслава ўяўляе пагрозу для бяспекі дзяржавы. Аб гэтым інцыдэнце дзяўчына паведаміла ў сваім акаўнце на facebook.

Аўкцыён на права заключэння доўгатэрміновай дамовы на арэнду памяшкання, у якім раней размяшчаўся арт-паб «Торвальд» (вул. Талстога, 1) мае прайсці 7 чэрвеня. Арганізатарам выступае Віцебскі абласны цэнтр маркетынгу. Заявы на ўдзел прымаюць да 4 чэрвеня ўключна. Стартавы кошт на права заключэння дамовы на арэнду - 865 рублёў 70 капеек.

15 красавіка суддзя суду Першамайскага раёну Віцебску Наталля Карабліна адмовіла віцяблянцы Таццяне Івановай у задавальненні хадайніцтва ў адтэрміноўцы аплаты адміністрацыйнага штрафу. Штраф быў прызначаны суддзёй Карабліной за пікет, які правяла Іванова «шляхам вывешвання на лоджыі сваёй кватэры герба «Пагоня» на фоне бел-чырвона-белага сцяга».