Аляксандра Субоціна, змешчанага з пасады кіраўніка Віцебскай вобласці, Лукашэнка паабяцаў “загрузіць на ўсю катушку” . Падчас прызначэння ён чарговы раз негатыўна выказаўся пра стан  Віцебскай вобласці, заявіўшы, што яна “патрабуе прарыву”.  Былога кіраўніка праблемнага рэгіёна ён прызнаў “добрым чалавекам” і паабяцаў “загрузіць на ўсю катушку” на іншай працы, якая  будзе “тычацца знешняга контура нашай краіны і іншых накірункаў”.

Віцебскі аблвыканкам ужо некалькі год запар абвяшчае конкурс грамадскіх ініцыятыў, па выніках якога праекты-пераможцы атрымліваюць фінансавыя сродкі на іх рэалізацыю. Летась улады абвясцілі, што  маюць намер падтрымаць 11 праектаў- пераможцаў. Але некаторыя з іх дагэтуль не рэалізаваныя, і куды пайшлі бюджэтныя грошы, не зразумела. Тым не менш, абласныя ўлады ўжо абвясцілі новы конкурс – на 2026 год.

Сёння на сайце МУС аднавіўся спіс асобаў, “датычных да экстрэмісцкай дзейнасці” . З яго стала вядома пра яшчэ траіх жыхароў Віцебскай вобласці, асуджаных паводле  арт. 361-4 (Садзеянне экстрэмісцкай дзейнасці) па так званая “Справе Гаюна”.

Бракуе як шэраговых супрацоўнікаў, так і рэдактарскіх кадраў. Ужо 4 месяцы не могуць знайсці рэдактара ў абласную газету «Витебские вести», і асобна – рэдактара інтэрнэт-рэсурсаў гэтага СМІ. Шукаюць намесніка рэдактара ў гарадскую газету «Витьбичи». Самы востры недахоп журналістаў – таксама ў віцебскіх выданнях. Бо перш чым туды возьмуць на працу, чалавека мусіць праверыць ідэалагічны аддзел аблвыканкама, высветлўшы, ці не браў прэтэндэнт удзел у пратэстах 2020 года, ці не з’ехалі за мяжу яго сваякі і ці не трапляў ён пад увагу міліцыі і судоў за “няправільныя” падпіскі.