Паводле раённай газеты «Гарадоцкі веснік», для дзяцей са старэйшай групы (5-6 гадоў) «правялі захапляльную экскурсію» і расказалі «пра цяжкасці, вялікую адказнасць і прэстыж прафесіі міліцыянта». Дашкольнікам паказалі і далі патрымаць у руках гумавыя дручкі і нават дазволілі прымерыць экіпіроўку – шлемы і бронекамізэлькі. Удзельнікамі экскурсіі сталі выхаванцы дзіцячага садка №2 – таго самага, дзе выхаваўчая работа з дзецьмі вядзецца ў ідэалагічным плане настолькі сур'ёзна, што часам выклікае шчыры рогат.

У актавай зале Лепельскага УЭС Віцебскага філіяла РУП "Белтэлекам" адбылася сустрэча інфармацыйна-прапагандысцкай групы з супрацоўнікамі арганізацыі электрычнай сувязі і Лепельскага міжраённага аддзела Дзяржаўнага камітэта судовых экспертыз. Піша сайт мясцовай раёнкі “Лепельскі край”.

Як піша сайт шаркаўшчынскай раёнкі “Кліч Радзімы”, у ААТ»Жвіранка» прайшоў так званы Адзіны дзень інфармавання насельніцтва. Інфармацыйна-прапагандысцкая група складалася з пракурора Шаркаўшчынскага раёна Максіма Лаўданскага, намесніцы начальніка ўпраўлення па сельскай гаспадарцы і харчаванні райвыканкама Ганны Мілевіч і старшыні райкама прафсаюза работнікаў аграпрамысловага комплексу Аляксандра Герната.

У гэтым праз дзяржСМІ спрабуюць пераканаць жыхароў Віцебскай вобласці – рэгіёна, дзе памяць пра афганскую вайну надзвычай балючая. «Введение советских войск в Афганистан было правильным ходом, оправданным шагом, который помог предотвратить вторжение в пограничные с ним республики Советского Союза», - заяўляе ў інтэрв'ю газеце «Витебские вести» жыхар Полацка Сяргей Пузікаў, былы «афганец». На загад ідэалагічных службаў ён, мусіць, мог бы і паказаць, «откуда на нас готовилось нападение»...

Мэта відавочная: пераканаць людзей, што адзіны гарант мірнага існавання – гэта Аляксандр Лукашэнка, і што толькі наяўныя ўладныя структуры могуць утрымаць Беларусь ад уцягвання ў баявыя дзеянні. Але пра небяспеку з боку «НАТА і яго саюзнікаў» трэба памятаць штохвіліны, і «кожны чалавек павінны зрабіць усё магчымае для ўзмацнення абароназдольнасці краіны». Працытаваныя словы належаць Валяр'яну Мацкевічу, старшыні Віцебскай абласной арганізацыі Беларускага саюзу ветэранаў вайны ў Афганістане. Абласная газета «Витебские вести» надрукавала ягонае меркаванне адносна цяперашняй палітычнай сітуацыі ў Беларусі.

Выступ аршанскага нараджэнца ў гарадскім палацы культуры быў анансаваны як «урок мужнасці» пад назовам «Зрабі слушны выбар!» А самога Талая прадставілі маладым людзям як матывацыйнага трэнера, паралімпійца, палітыка, прадпрымальніка, бацьку чацьвярых дзяцей, і «благотворителя», маючы на ўвазе ў тым ліку і ягоныя захады па незаконным перамяшчэнні ўкраінскіх дзяцей з часова акупаванай тэрыторыі Украіны, якія расследуецца паводле двух першых частак артыкулу 438 Крымінальнага кодэкса Украіны — парушэнне законаў і звычаяў вайны. За гэта Аляксею Талаю пагражае 15 гадоў або пажыццёвае зняволенне, але на сустрэчы з аршанскай моладдзю пра такі факт не згадалі.

Старшыня так званага раённага Савета дэпутатаў Валерый Драбо і пракурор раёна Андрэй Вяцюгоў завіталі на сустрэчу са старшакласнікамі СШ №2 імя М. Ізварына ў Мёрах. Як піша раённая газета “Мёрскія навіны”, яны распавядалі моладзі пра развіццё раёна, вобласці і краіны, пра ход расследавання крымінальнай справы аб генацыдзе беларускага народа ў час Другой сусветнай вайны і пасляваенны перыяд.

Старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы, член-карэспандэнт Нацыянальнай акадэміі навук Беларусі, доктар гістарычных навук, прафесар Ігар Марзалюк правёў так званую «дыялогавую пляцоўку» ў сярэдняй школе нумар 47.

Адразу ў некалькіх рэгіянальных выданнях з’явіліся артыкулы пра тое, наколькі сёлетнія навабранцы задаволеныя службай у арміі. «Настрой ва ўсіх хлопцаў выдатны, усім задаволены», - піша бешанковіцкая «Зара» пра маладых жыхароў раёна, якім даводзіцца служыць у 103-й Віцебскай паветрана-дэсантнай брыгадзе. -- «Кожны з іх чакаў прызыву, таму займаюцца ахвотна, імкнуцца засвоіць праграму ў поўным аб’ёме».

У Віцебскім дзяржаўным універсітэце правялі правялі так званую «дыялогавую пляцоўку» пад назвай «Мы адзіныя». Сабралі на спартоўцаў розных узроўняў – трэнераў, выкладчыкаў і непасрэдны тых, хто займаецца на Віцебшчыне рознымі відамі спорта. У працы дыялогавай пляцоўкі брылі ўдзел намеснік старшыні Віцебскага аблвыканкама Вячаслаў Дурноў і  старшыня Віцебскага абласнога аддзялення Беларускай партыі "Белая Русь", рэктар Віцебскага дзяржаўнага ўніверсітэта імя П.М.Машэрава Валянціна Багатырова. Спадар Дурноў заявіў, што ў 2020г. беларускае грамадства было кансалідаваным, але яно «перажыла для нас нязвыклы, незразумелы ціск звонку», і што трэба «выпрацоўваць імунітэт ад падобных выпадкаў».