Заасфальтаваную дарогу даўжынёй менш за кіламетр дзяржСМІ падаюць як «гісторыю поспеху»
Шумілінская раённая газета «Герой працы» з захапленем апісвае, як «па просьбах вяскоўцаў адрамантавалі дарогу». Тае дарогі, якая знаходзіцца ў Каўлякоўскім сельсавеце, усяго 853 метры. Безумоўна, новы асфальт на вёсцы – справа патрэбная. Але «раёнка» пішы пра гэтую падзею так узнёсла, як быццам бы пра палёт у космас.
Справа зрушылася з месца: небяспечныя прыступкі каля Лядовага палаца ўсё ж абяцаюць адрамантаваць
На стан прыступак каля Лядовага палаца віцябляне пачалі скардзіцца яшчэ сёлета ў ліпені. Тады ў Віцебску якраз прайшоў «Славянскі базар», да якога цэнтр горада штораз прыводзяць у парадак. Але Лядовы палац – не ў цэнтры, і яму не пашанцавала. І толькі цяпер падобна, што падыход да ўстановы, якая заклікана папулярызаваць любімы від спорта Аляксандра Лукашэнкі, усё ж такі адрамантуюць.
26 лістапада ў Віцебскім абласным судзе будуць разбіраць справу палітвязня Іосіфа Дулебы
Калісьці ён быў адным з першых кіраўнікоў Віцебскай гарадской арганізацыі БНФ. Але адышоў ад партыйнай дзейнасці ў 2000-х. Цяпер 56-гадовага мужчыну вінавацяць за ўдзел у экстрэмісцкім фармаванні: яго прозвішча двойчы фігуруе ў "эстрэмісцкім спісе" МУС.
У пералік "асобаў, датычных да экстрэмісцкай дзейнасці", дадалі палітвязня, аршанца Аляксандра Камлёнка
Паводле звестак на сайце МУС, Аляксандр Камлёнак прызнаны вінаватым паводле ч.1 арт. 368 КК (Абраза прэзідэнта Рэспублікі Беларусь) і ч.1 арт. 361-2 КК( Фінансаванне дзейнасці экстрэмісцкага фармавання). Першапачаткова яго вінавацілі яшчэ і паводле арт. 369 КК (Абраза прадстаўніка ўлады).
Зачынены будынак віцебскай школы №10 будуць абследаваць да канца снежня
Нагадаем, 12 лістапада ада з найстарэйшых школ горада (1937 года пабудовы) была зачынена, бо «в ходе подготовительных работ к текущему ремонту актового зала была установлена необходимость дополнительного обследования стропильной системы и перекрытий здания», - паведамляў Віцебскі гарвыканкам. Насамрэч у актавай залі рухнула балка, на шчасце, ніхто не пацярпеў.
У віцебскіх шматпавярхоўках збіраюцца заварыць смеццеправоды. Рэакцыя гараджан неадназначная
Гаворка пра тое, каб заварыць смеццеправоды ў шматпавярховых дамах, у Віцебску заводзілася не аднойчы. Але гэтым разам усё ўсур'ёз: пра такі намер паведаміла гарадская газета «Віцьбічы». Гараджане дзеляцца сваімі меркаваннямі на гэты конт у гарадскіх пабліках, і сярод усіх выказаных пераважаюць думкі пра тое, што горад не гатовы да такога кроку – бо катэгарычна не хапае па-сучаснаму абсталяваных плацовак для збору смецця.
Міністэрства інфармацыі ўключыла ў пералік "экстрэмісцкай інфармацыйнай прадукцыі" старонку жыхара Чашнікаў у "Одноклассниках"
Але на сайце ведамства пераблыталі яго імя. Таксама "экстрэмісцкім" прызнана старонка мужчыны ў TikTok. Гаворка ідзе пра 48-гадовага спартоўца з Чашнікаў Канстанціна Чарнова, якога на сайце Мінінфарма чамусьці «перахрысцілі» ў Аляксея.
Супрацоўнікі Мінстэрства па надзвычайных сітуацыях рассылаюць віцяблянам памяткі пра супрацьпажарную бяспеку
У межах кампаніі «Не прожигай свою жизнь» супрацоўнікі Віцебскага раённага аддзела па надзвычайных сітуацыях наведваюць жыхароў, якія знаходзяцца ў «групе рызыкі» - да прыкладу, зложываюць алкаголем. Паколькі такія людзі найчасцей не адчыняюць дзверы прадстаўнікам МНС і іншых дзяржаўных структур, вырашана дасылаць ім памяткі наконт супрацьпажарнай бяспекі поштай.
Людзі ўладам – пра праблемы, а ўлады людзям - пра выбары
Менавіта так прайшла сустрэча Старшыні Аршанскага райсавета Анны Хамутоўскай са старэйшынамі вёсак Бабініцкага раёна. На сайце раённай «Аршанскай газеты» выйшаў артыкул з апісаннем імпрэзы, а яго неназваныя аўтары, падобна, нават не задумаліся, як «апускаюць» аўтарытэт дэпутацкага корпуса.
Віцебскія ўлады вымушаныя распачаць праграму «Подвалы»
Яна будзе тычыцца выпраўлення праблем, з якімі людзі прыходзяць на прыём да дэпутатаў, - скаргаў на ваду ў скляпеннях, падтапленні, антысанітарны стан, старую электраправодку і гэтак далей. Прычым гэтыя праблемы з'явіліся далёка не зараз, але менавіта цяпер улады імкнуцца прадэманстраваць свой клопат пра простых людзей – хаця б на ўзроўні прыгожых абяцанняў.