71-гадовы былы палітвязень з Віцебшчыны просіць дапамогі
Гісторыя гэтага чалавека – жыхара вёскі в. Хатоля Віцебскага раёна - у 2022 годзе скаланула інтэрнэт. Пенсіянера, які нарадзіўся ва Ўкраіне і ў якога падчас вайны , развязанай Расіяй, пацярпелі сваякі, асудзілі за абразу прэзідэнта да двух гадоў зняволення. Гэты тэрмін ён адбыў «ад званка да званка», але за гэты час сур'ёзна папсавалася здароўе ўжо немаладога чалавека. Bysol абвясціў збор на ягоную падтрымку.
Апостальскаму нунцыю і віцебскаму біскупу не дазволілі сустрэцца са зняволенымі каталіцкімі святарамі
Апостальскі Нунцый у Беларусі Іньяцыа Чэфалья і біскуп Віцебскі Алег Буткевіч мелі намер наведаць у Бабруйскай калоніі палітзняволенага святара Анджэя Юхневіча, пробашча санктуарыя Маці Божай Фацімскай у Шуміліне, які служыў быў асуджаны да 13 гадоў зняволення .
Экс-палітвязень Дзмітрый Казлоў паказаў, колькі грошай зарабляў у калоніі
Яму ўдалося захаваць “разліковыя квіткі”, якія ён атрымліваў, адбываючы пакаранне ў бабруйскай ПК-2. “Обычно их на руки стараются мастера и бригадиры не отдавать, а после ознакомления забирают назад, но шило же в мешке не утаишь”, - напісаў Дзмітрый Казлоў, вызвалены 11 верасня пасля 5-ці гадоў зняволення.
Цяпер гэта называецца «далучэнне да грамадскага жыцця»
Ва ўпраўленні унутраных справаў Аршанскага райвыканкама пахваліліся “новай формай работы з катэгорыяй падуліковых гамадзян” – з тымі, хто стаіць на ўліку ў крымінальна-выканаўчай інспекцыі. Сутнасць "наватарства" – у прымусовым прыцягненні да бясплатнай працы па ўборцы горада.
У пералік асобаў, “датычных да экстрэмісцкай дзейнасці”, уключылі аршанскага лекара
Максім Куксо быў асуджаны Віцебскім абласным судом, ён прызнаны вінаватым паводле артыкула 361-4 КК РБ (чч.1 і 2)- садзейнічанне экстрэмісцкай дзейнасці. У пераліку “экстрэмістаў” на сайце МУС пазначана, што ў мужчыны “судзімасць не пагашана”, што можа азначаць “хатнюю хімію”.
Алесю Бяляцкаму сёння споўнілася 63 гады
Пяты раз пасля апошняга арышту і суда над ім стваральнік праваабарончага цэнтру “Вясна” Бяляцкі сустракае дзень народзінаў за кратамі. Лаўрэат Нобелеўскай прэміі міру, праваабаронца Алесь Бяляцкі знаходзіцца з ліпеня 2021 года, ён адбывае пакаранне ў калоніі № 9 у Горках Магілёўскай вобласці. Алесь асуджаны на 10 гадоў зняволення. Яго аабвінавацілі ў кантрабандзе і фінансаванні парушэння грамадскага парадку, але праваабаронца не прызнаў віну ні па адным з артыкулаў.
Сёлета супрацоўнікі розных пракуратур Віцебскай вобласці выявілі 95 «экстрэмісцкіх» інтэрнэт-рэсурсаў
Віцебская абласная пракуратура падала ў суд Кастрычніцкага раёна 15 пазоваў на прызнанне “экстрэмісцкай” інфармацыйнай прадукцыяй 5-ці старонак у сацыяльнай сетцы Facebook, 3-х — у Instagram, 2-х — у «ВКонтакте», адной — у «Одноклассниках», 5-ці каналаў у TikTok. Таксама найбольшы ўнёсак у выяўленне “экстрэмізму ў інтэрнэце” зрабілі пракуратуры Полацкага, Сенненскага, Чашніцкага і Гарадоцкага раёнаў.
Эксперты ААН заклікалі ўлады Беларусі даць інфармацыю пра месцазнаходжанне палітыка Мікалая Статкевіча
Нагадаем, Мікалай Статкевіч у ліку 52 зняволеных быў выпушчаны на волю з грыбоцкай ПК-13. Усіх, акрамя Мікалая, прымусова перамясцілі з месцаў зняволення на тэрыторыю Літвы. Мікалай адмовіўся ад дэпартацыі, а па дарозе да мяжы з Літвой выбіў дзверы аўтобуса і выскачыў на нейтральнай паласе паміж краінамі. Праз некалькі гадзін ён вярнуўся на тэрыторыю Беларусі. Але дзе ён знаходзіцца, дагэтуль не вядома.
Кіраўніца Саюза палякаў у Беларусі Анжаліка Борыс наведала журналіста, палітвязня Анджэя Пачобута ў наваполацкай калоніі
Яна паведаміла ў Facebook, што ад свайго ўласнага імя і ад імя Саюза палякаў напісала просьбу аб вызваленні журналіста Андээя Пачобута на імя Лукашэнкі.Паводле слоў Анжалікі Борыс, 23 верасня ёй далі магчымасць сустрэцца з Пачобутам у наваполацкай калоніі.
Беларуская праваабарончая супольнасць прызнала палітвязнем Сяргея Тулінава
Жыхар Віцебска асуджаны за за абразу Лукашэнкі, прадстаўніка ўлады і суддзі , а таксама за распальванне варожасці (ч.1 арт. 368, арт.369 , арт.391 КК РБ, ч.1 арт.130 ККРБ) , ён адбывае пакаранне ў калоніі паводле выраку Віцебскага абласнога суда. Паводле сацсетак, Сяргей Тулінаў жанаты і мае траіх малалетніх дзяцей.