У Наваполацку разбіраюць 2 крымінальныя справы за пратэсты 2020-га
4 сакавіка ў гарадскім судзе Наваполацка праходзяць два судовыя працэсы паводле ч.1 арт. 342 Крымінальнага Кодэкса ( арганізацыя і падрыхтоўка дзеянняў, якія груба парушаюць грамадскі парадак, аб ўдзел у іх).
За “распаўсюд экстрэмізму” судзілі жонку, цяпер мужа
4 сакавіка ў раскладзе суда Кастрычніцкага раёна Віцебска з’явілася нетыповае для Беларусі імя - Хорхе Эліэсер Даса Гайтан. Мужчыну, які працуе лекарам, судзяць паводле ч.2 арт.19.11 КаАП. У мінулым месяцы той самы суд разбіраў справу Вольгі Даса Гайтан, распачатую паводле таго самага артыкула.
Кіраўніка турыстычнай фірмы «Віцебск-МегаТур» судзяць за аватаркі ў Фэйсбуку
У раскладзе суда Першамайскага раёна Віцебска на 4 сакавіка фігуруе імя і прозвішча Андрэя Красько - дырэктара ПГУП «Віцебск-МегаТур». На яго складзены два адміністрацыйныя пратаколы - за “несанкцыянаванае масавае мерапрыемства”, якое ён нібыта праводзіў у сацсетках, і за “распаўсюд -экстрэмізму”, таксама ў Інтэрнэт-прасторы. За такое ж правапарушэнне ў гэтым судзе разбіраюцца справы яшчэ двух чалавек.
Два працэсы па палітычна матываваных крымінальных справах - у судах Віцебшчыны на гэтым тыдні
Яны пройдуць у гарадскім судзе Наваполацка і ў судзе Аршанскага раёна і горада Оршы. Пра падсудных мала што вядома, апрача звестак у сацыяльных сетках і перыядычным друку.
На прафілактычным уліку за праявы хатняга гвалту на Віцебшчыне стаяць 3,5 тысяч асобаў
Гэтая лічба толькі павялічваецца. Між тым як у названую колькасць уваходзяць толькі тыя, хто трапіў пад увагу міліцыі. Меркавана, ці не ў два разы болей хатніх дэбашыраў застаюцца па-за ўвагай супрацоўнікаў МУС, бо іх ахвяры маўчаць і церпяць. Праблема абвастраецца: ужо ад пачатку гэтага года ў Віцебскай вобласці зафіксаваны 4 забойствы на бытавой глебе.
У Оршы на гэтым тыдні 5 разоў судзілі за “распаўсюд экстрэмізму”
У два апошнія дні лютага ў аршанскім судзе па ч.2 арт.19.11 КаАП судзілі 5 чалавек. Іх справы разбірала адна й тая самая суддзя Юлія Вяршыніна - менавіта яна найчасцей разглядае палітычна матываваныя справы - прычым як адміністрацыйныя, так і крымінальныя.
Віцябляніна Іосіфа Дулебу ўключылі ў “пералік асобаў, датычных да экстрэміскай дзейнасці”
Ен асуджаны за “ўдзел у экстрэмісцкім фармаванні” паводле ч. 3 арт. 361-1 КК - вінаватым яго прызнаў Віцебскі абласны суд у асобе суддзі Яўгена Бурунова. Дулеба прадпрымаў спробу абскардзіць вырак суда першай інстанцыі, але, падобна, Вярхоўны суд пакінуў ранейшаерашэнне без зменаў. Паводле пераліку асобаў, датычных да экстрэмісцкай дзейнасці , размешчаным на сайце МУС, мужчына ўжо адбывае пакаранне. Дарэчы, на сайце міліцэйскага ведамства 28 лютага яго імя і прозвішча з’явілася ўжо ў трэці раз.
Па настойлівых патрабаванях гараджан у Віцебску распачалася праграма “Падвалы”. Але ёсць пытанні
Некалькі гадоў запар гараджане скардзіліся ва ўсе магчымыя інстанцыі на нездавальняючы стан камунікацый, асабліва ў старым жыллёвым фондзе. Са скаргамі на кепскі пах, ваду ў падвалах, нашэсці пацукоў, скочак, камароў людзі прыходзілі практычна на кожны прыём да прадстаўнікоў гарадскіх і абласных уладаў. Напрыканцы мінулага года было паабяцана, што ў абласным цэнтры будзе запачаткавана адмысловая праграма па ліквідацыі “падвальных” праблем.
27 лютага ў судзе Аршанскага раёна і г. Оршы зноў судзяць Аляксандра Францкевіча
Сёлета гэта ўжо другі суд за злоснае непадпарадкаванне адміністрацыі калоніі паводле ч. 2 арт. 411 Крымінальнага кодэкса. Справу прадстаўніка анархісцкага руху прызначана разглядаць Інна Кохава. Паўгода таму Аляксандра ўжо асудзілі да года пазбаўлення волі па гэтым артыкуле і перавялі з Ваўкавысскай калоніі ў Аршанскую ПК 8. Адміністрацыя і гэтай калоніі ініцыявала справу супраць вязня. Цяпер яму зноў могуць дадаць тэрмін зняволення.
Жыхара Віцебска Ерванда Марцірасяна будуць судзіць за непадпарадкаванне адміністрацыі Ваўкавысскай калоніі
Ерванд Марцірасян асуджаны да двух гадоў калоніі паводле часткі 1 артыкула 368 КК Рэспублікі Беларусь (Абраза прэзідэнта Рэспублікі Беларусь). У кастрычніку мінулага году мужчыну адправілі адбываць тэрмін у калонію № 11 у Ваўкавыску. 24 лютага яго будуць судзіць у судзе Ваўкавысскага раёна паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы). Справу будзе разглядаць Ганна Каралевіч.