Падобна, за хабарніцтва затрыманы дырэктар віцебскага УКБ
Тэлеграм-канал “Витебск, я гуляю” звярнуў увагу на паведамленне МУС пра затрыманне 40-гадовага “кіраўніка дырэктара будаўнічага прадпрыемства”. Паводле высновы рэсурса, затрыманы - Артур Строд, дырэктар Віцебскага ўпраўлення капітальнага будаўніцтва. І яго затрыманне звязанае з самым скандальным гарадскім аб’ектам - лазневым комплексам “Южный”, які 14 гадоў быў знакамітым віцебскім “даўгабудам”. Апошнія два гады мясцовыя ўлады абяцалі яго адчыніць любым коштам, і адкрыццё адбылося літаральна тыдзень таму.
Трох жыхарак Лёзненскага раёна судзілі за "распаўсюд экстрэмізму"
Выглядае, што 19 чэрвеня лёзненскія міліцыянты праводзілі "спецаперацыю". У гэты дзень былі выяўлены падпіскі на "экстрэмісцкія" Telegram-каналы адразу ў трох жанчын - жыхарак Лёзна, аграгарадкоў Зубкі і Надзёжына.
Жыхара Бешанковічаў будуць судзіць за татуіроўку, зробленую ў турме 18 год таму
Пракуратура Віцебскай вобласці накіравала ў суд Віцебскага раёна справу 37-гадовага мужчыны, які, паводле следства, “неаднаразова публічна дэманстраваў нацысцкую сімволіку”. Пад ёй маецца на ўвазе татуіроўка на безыменным пальцы левай рукі, якую мужчына набіў яшчэ ў 2007 годзе ў месцах пазбаўлення волі.
Што падарыў Віцебску “мецэнат года” Андрэй Сідараў?
28 чэрвеня ў абласным цэнтры адбылося ўганараванне званнем “Віцябчанін года”. Традыцыйна яно адбываецца ў некалькіх намінацыях, і сярод іх - званне “Мецэнат года”. І ўжо другі год запар гэтае званне надаюць Андрэю Сідараву, дырэктару прыватнага вытворча-гандлёвага ўнітарнага прадпрыемства «Витстройтехмаш». У гараджан пытанне: за якія заслугі ён атрымаў гэтае званне? Дарэчы, Андрэй Сідараў атрымаў яго ўжо трэці раз: упершыню яго назвалі самым выбітным мецэнатам у 2017 годзе.
Праваабаронцы прызналі палітзняволеным Вячаслава Малышава - ураджэнца Віцебшчыны
Яго імя і прозвішча з’явілася ў абноўленым 27 чэрвеня 2025 года пераліку асобаў, “датычных да экстрэмсісцкай дзейнасці” на сайце МУС. З тры дні да гэтага, 24 чэрвеня, Вячаслава Малышава ўключылі ў пералік асоб, “якія маюць дачыненне да тэрарыстычнай дзейнасці” - гэты спс складае КДБ.
«Витебский Курьер NEWS» просіць падтрымкі
Анлайн-выданне спрабуе выжыць у няпростых акалічнасцях эміграцыі. Раней галоўны рэдактар і заснавальнік Аляксандр Корнышаў прасіў разавай дапамогі праз сацыяльныя сеткі, але цяпер стабільная праца выдання вымагае больш рэгулярнага фінансавання. «Витебский Курьер NEWS» плануе не проста выжыць і працаваць далей, але і гатовы запусціць новыя праекты. Рэдакцыя запускае збіраецца аформіць юрыдычную асобу за мяжой і наладзіць працу ў новых фарматах. Для гэтага на BYSOL адкрыты адмысловы ЗБОР .
Год таму пайшоў з жыцця віцебскі праваабаронца Леанід Свецік
Яго сэрца спынілася 28 чэрвеня 2024 года далёка ад радзімы - у Варшаве, дзе праваабаронца некалькі год жыў у вымушанай эміграцыі. Леанд Свецік нарадзіўся 5 студзеня 1965 года ў Крычаве, там, на могілках побач з бацькамі, і знайшоў свой апошні спачын. Аднак лёс шчыльна звязаў яго з Віцебшчынай, дзе ён пакінуў па сабе добрую памяць.
Яшчэ двое жыхароў Віцебшчыны абвешчаны “экстрэмістамі”
У абноўлены 27 чэрвеня “пералік асобаў, датычных да экстрэмісцкай дзейнасці”, трапілі 36-гадовы аршанец Максім Зайцаў і ўраджэнец пасёлка Янавічы, 45-гадовы Вячаслаў Малышаў. Іх прозвішчы і пералік “злачынстваў” апублікаваны на сайце МУС.
BYSOL абвясціў збор для аршанкі Наталлі Говоравай, якой удалося ўцячы з "хіміі" ў Польшчу
Цяпер 43-гадовая жанчына з трыма дзецьмі жыве ў шэлтары для беларускіх уцекачоў. Пакуль афармляюцца дакументы для легалізацыі ў Польшчы, яна не мае права працаваць. Таму сям'я аказалася ў складаным матэрыяльным становішчы. Сродкі патрэбны на самае неабходнае: на курсы польскай мовы, арэнду жылля і найпростыя бытавыя выдаткі.
Пяць гадоў за кратамі трымаюць палітвязня Ігара Лосіка
Стваральніка канала «Беларусь галаўнога мозгу» арыштавалі 25 чэрвеня 2020 года ў Баранавічах — яшчэ да пачатку пратэстаў, — асудзілі да 15 гадоў калоніі ва ўмовах узмоцненага рэжыму і накіравалі ў наваполацкую ПК 1. Лосіка прызналі вінаватым паводле ч. 1 арт. 293 Крымінальнага кодэкса — Арганізацыя масавых беспарадкаў і арт. 130 Крымінальнага кодэкса — Распальванне варожасці ці варажнечы.