Палітвязень Арцём Латышаў, асуджаны па справе «віцебскіх перфомансаў», падвяргаецца “ціску”
Арцёма, 1 чэрвеня, чацвёрты раз запар змясцілі ў штрафны ізалятар ВК-2 у Бабруйску. Да гэтага ён прабыў там 30 сутак, пасля чаго вярнуўся ў атрад. Перад апошнім памяшканнем у ШІЗА ад Латышава супрацоўнікі калоніі запатрабавалі прыбраць санвузел, тым самым паспрабаваўшы надаць яму "нізкі статус", аднак Латышаў адмовіўся. Гэта, верагодна, і прычынілася накіраванні ў штрафны ізалятар.
Кадравы дэфіцыт у бальніцах хочуць «закрыць» студэнтамі: на Віцебшчыне ствараюць студэнцкі медычны атрад
Практыка стварэння будаўнічых студэнцкіх атрадаў падтрымліваецца ў Беларусі яшчэ з савецкіх часоў. Але сёлета вырашана стварыць не будаўнічы, а медычны студатрад. Упершыню ў Беларусі яго ствараюць у Віцебску, прычым адмыслова для працы на Полаччыне – у Наваполацкай гарадской бальніцы і ў двух полацкіх медустановах. Удзельнікі працоўнага праекту «Медыкус» будуць працаваць у якасці малодшага (санітары) і сярэдняга медычнага персаналу.
Жыхары Чашнікаў звярнуліся да мясцовых уладаў з патрабаваннем рамонту дарогі і аварыйнага маста
У Чашніцкі райвыканкам праз рэсурс "Зручны горад" з петыцыяй звярнуліся 34 жыхары рэгіёна з просьбай добраўпарадкавання небяспечнага ўчастка дарогі, які злучае Чашнікі з мікрараёнам Папяровай фабрыкі. На думку грамадзянаў чыноўнікі павінны знайсці грошы, каб дарожныя службы ліквідавалі дэфекты дарожнага пакрыцця і тым самым гарантаваць бяспеку руху транспарту і пешаходаў.
Усіх медыкаў Наваполацкай бальніцы, асуджаных «на суткі» па адміністрацыйных артыкулах, звольнілі «за прагулы»
17 траўня адбыліся затрыманні супрацоўнікаў Наваполацкай гарадской бальніцы, чацвёра з іх былі асуджаныя паводле арт. 24.23 КаАп і 19.11 КаАП да арыштаў на 10 і 15 сутак. «Хапун» у медычнай установе некаторыя звязваюць з распаўсюджаннем інфармацыі пра палітзняволенага Віктара Бабарыку, які быў дастаўлены з наваполацкай ПК-1 у хірургічнае аддзяленне. Усе справы разбірала суддзя суду Наваполацкага суду Зінаіда Балаболава. Па звестквах Тэлеграм-канала «Белые халаты», усіх асуджаных да арыштуў звольнілі з працы.
Сярэднявечны асветнік Васіль Цяпінскі і «Белая Русь»: што да чаго?
Усім раённым цэнтрам Віцебшчыны загадана мець сваё «брэндавае свята». У Глыбокім, да прыкладу, гэта «Вішнёвы фэст», у Гарадку – імпрэза ў гонар аўтара паэмы «Тарас на Парнасе» Канстанціна Вераніцына. У Чашніках таксама вырашылі ўшанаваць славутага земляка – Васіля Цяпінскага-Амельяновіча, сярэднявечнага гуманіста-асветніка, пісьменніка і кнігавыдаўца, які нарадзіўся каля 1530 г. у мястэчку Цяпіна (цяпер вёска за 6 км ад райцэнтру). Праўда, ушанаванне культурніцкага дзеяча часоў ВКЛ ператварылі ў ідэалагічны вінегрэт, каб раённаму начальству было прасцей даць справаздачу пра патрыятычнае выхаванне ў рэгіёне.
Палітзняволеную Яну Пінчук асудзілі да 12 гадоў калоніі
Судовы працэс распачаўся яшчэ 10 красавіка, праходзіў у закрытым рэжыме ў Менскім гарсудзе, але з допускам сваякоў падсуднай. У судовым працэсе былі задзейнічаны дзве суддзі – Любоў Сімахіна і Таццяна Фалькоўская. Апошняя пачынала судзіць Яну Пінчук, яна ж вынесла прысуд – 12 гадоў калоніі ва ўмовах агульнага рэжыму, прызнаўшы дзяўчыну вінаватай паводле пяці артыкулаў Крымінальнага кодэкса, у тым ліку у «стварэнні або кіраўніцтве тэрарыстычнай арганізацыяй.
Латвійскія мытнікі ўпусцілі ў Беларусь расіяніна, які меў у багажы 440 камп'ютарных працэсараў Baikal T1 на ўвоз якіх накладзены санкцыі
Да сакавіка 2022 года працэсары "Байкал" выпускала тайваньская кампанія TSMC. Пасля пачатку вайны замежныя кампаніі, якія выпускаюць па заказах Расіі працэсары, з-за міжнародных санкцый адмовіліся выконваць гэтыя замовы і адгружаць ужо вырабленыя чыпы, бо гэтыя прылады маюць падвойнае прызначэнне і выкарыстоўваюцца для выраба кампанентаў высокадакладнай зброі.
Віцебшчына «перазагружае адносіны» са Смаленскай вобласцю
З ініцыятывы старшыні аблвыканкама Аляксандра Субоціна, Віцебская вобласць наладжвае цесныя стасункі з памежнымі расейскімі рэгіёнамі. Ужо існуе праграма супрацоўніцтва з Пскоўскай вобласцю, якая распачалася ў 2022г., цяпер віцебскія ўлады накіраваліся на Смаленшчыну, каб «знайсці новы патэнцыял развіцця» ў міждзяржаўных стасунках. У аблвыканкаме ўжо склалі план мерапрыемстваў па супрацоўніцтве Віцебскай і Смаленскай абласцей на 2023-25гг, і мясцовыя ўлады гатовыя ініцыяваць разгляд і зацвярджэнне супольных фарматаў працы.
Прадстаўнікі грамадскасці не знайшлі парушэнняў у калоніі, дзе адбывае пакаранне палітвязень Віктар Бабарыка
Чатыры члены Віцебскай абласной грамадскай назіральнай камісіі пры галоўным Упраўленні юстыцыі аблвыканкама наведала 1 чэрвеня наваполацкую папраўчую калонію № 1», у якой утрымліваецца больш за 100 палітвязняў. Пасля завяршэння праверкі калоніі старшыня камісіі Уладзімір Каташук выказаў агульную думку аб тым, што ва ўстанове створаны неабходныя ўмовы для ўтрымання асуджаных і іх выпраўлення, а таксама тое, што падчас кантролю ўдзельнікі не выявілі парушэнняў правоў і законных інтарэсаў асуджаных.
Для барацьбы з растучай нарказалежнасцю ў моладзевым асяроддзі ў Віцебску адкрыта «Антынаркатычная пляцоўка»
Згодна са статыстыкай, у 2022 годзе ў сферы незаконнага абароту наркотыкаў праваахоўнікі Віцебскай вобласці выявілі 408 злачынстваў, 180 з іх былі ўчынены з мэтай збыту. У тым жа годзе судамі за злачынствы, звязаныя з наркотыкамі, былі асуджаныя 236 жыхароў вобласці. Аналіз правапрымяняльнай практыкі паказаў, што праблему з распаўсюджваннем і ўжываннем наркотыкаў немагчыма вырашыць узмацненнем жорсткасці пакарання за падобныя злачынствы. Для гэтага патрэбная доўгатэрміновая стратэгія.