«Побойтесь Бога!» У віцебскіх пабліках не сціхаюць спрэчкі пра «беларуса-бразільскі карнавал»
Мерапрыемства праходзіла ў межах фестываля «Славянскі базар у Віцебску». На здымку Сяргея Серабро з фотарэпартажа ў «Народных Навінах Віцебска» яскрава адлюстраваны падставы незадавальнення часткі віцяблян: ім не спадабалася, што шэсце ўдзельнікаў у адкрытых касцюмах праходзіла міма праваслаўных храмаў.
Тры гады таму, 14 ліпеня, адбыліся масавыя затрыманні вясноўцаў
14 ліпеня 2021 года амаль адначасова былі затрыманыя практычна ўсе сябры Праваабарончага цэнтра "Вясна", якія на той час заставаліся ў Беларусі. Былі допыты, ператрусы, нехта паспеў з'ехаць... Старшыня арганізацыі Алесь Бяляцкі, яго намеснік Валянцін Стэфановіч і юрыст Уладзімір Лабковіч, разам з дзясяткамі іншых вясноўцаў, пасля ператрусаў былі затрыманыя і кінутыя за краты за сваю праваабарончую дзейнасць.
Міністэрства інфармацыі ўжо другі раз ўнесла ў «Рэспубліканскі спіс экстрэмісцкіх матэрыялаў» партал orsha.eu
Упершыню адрас партала ў інтэрнэце быў згаданы ў спісе Мінінфарма ў чэрвені. Бо 18 чэрвеня суд Оршы і Аршанскага раёна пастанавіў лічыць экстрэмісцкай інфармацыйнай прадукцыяй некалькі «рэсурсаў orsha.eu». 12 ліпеня той самы суд прыняў асобнае рашэнне наконт партала.
Ксёндз Анджэй Юхневіч з 8 траўня знаходзіцца за кратамі. Вернікам перадалі, што ён «у знясіленым стане»
Пробашча шумілінскай парафіі Маці Божай Фацімскай трымаюць у віцебскім СІЗА паводле крымінальнага абвінавачання. Перад тым яго некалькі разоў судзілі па адміністрацыйных палітычных справах, у тым ліку за несанкцыянаванае пікетаванне - за размяшчэнне ў сацыяльных сетках фотаздымка, на якім быў бел-чырвона-белы сцяг. А таксама за выяву дзяржаўнага сцяга Украіны, размешчаную «без дазволу райвыканкама».
Студэнта юрыдычнага факультэта ВДУ асудзілі за «распаўсюд экстрэмізму»
Мікіту Сцяржанценкава, які толькі скончыў першы курс віцебскага ўніверсітэта, асудзілі паводле часткі 2 артыкула 22.9 КаАП у судзе Першамайскага раёна. Будучы юрыст спрабуе абскардзіць судовую пастанову – яго імя з'явілася ў раскладзе Віцебскага абласнога суда, разгляд скаргі прызначаны на 17 ліпеня.
У Віцебскім абласным судзе ў парадку спецвытворчасці будуць судзіць наваполацкага актывіста Андрэя Зуева
Працэс распачнецца 17 ліпеня ў 10.00 і будзе праходзіць у закрытым рэжыме. Разбіраць справу Зуева прызначылі суддзю Галіну Бондал. Актывіста, які вымушана з'ехаў з Беларусі ў 2021 годзе, 16 траўня ўключылі ў «экстрэмісцкі спіс» МУС, і цяпер будуць судзіць паводле паводле чатырох артыкулаў Крымінальнага кодэкса.
Аповед пра турму, дзе паміраў Алесь Пушкін
Гродна. Турма №1. Тут утрымліваюць палітвязняў Паўла Севярынца, Мікалая Аўтуховіча, Мікалая Дзядка – паводле звестак праваабаронцаў, у гэтай турме ўсяго 55 палітычных зняволеных. Тут правёў свае апошнія дні ў страшных пакутах мастак і перформер Алесь Пушкін. 11 ліпеня 2023 года адміністрацыя паведаміла пра смерць палітвязня. Да таго практычна цягам месяца Пушкін скардзіўся на болі ў жываце, але не атрымліваў належнай медычнай дапамогі. Калі яго ўсё ж даставілі ў лякарню, было позна: знакаміты мастак сканаў ад прабадной язвы страўніка.
У Віцебску ліквідуюць грамадскае аб'яднанне Беларуская федэрацыя спорту чанбара
У Віцебскім абласным судзе 10 ліпеня разбіралі пазоў Міністэрства юстыцыі па ліквідацыі чарговага спартовага аб'яднання. Гэтым разам непажаданой аказалася ГА Беларуская федэрацыя спорту чанбара, зарэгістраванае ў верасні 2016 года ў Віцебску. Як тады пісала БЕЛТА, «цель деятельности федерации — объединение усилий его членов для совершенствования и дальнейшего развития спорта чанбара в Беларуси, его популяризация среди населения».
На гэтым тыдні ў адным судзе – дзве «экстрэмісцкія» справы
За распаўсюд «экстрэмісцкай інфармацыйнай прадукцыі» паводле часткі 2 артыкула 19.11 КаАП судзяць Надзею Бяко ( суд 10 ліпеня) і Максіма Васілеўскага (суд 9 ліпеня). Судзяць абодвух у судзе Чыгуначнага раёна Віцебска. Суддзя – Алена Цыганкова, вядомая ў горадзе па ранейшых «палітычных» прысудах.
Фантаны на Плошчы Перамогі ператварыліся ў «купальні». Адным падабаецца, другім наадварот
Пасля апошняй рэканструкцыі віцебскай Плошчы Перамогі, дзе ў 2008 годзе знішчылі ўсе зялёныя расліны, на забрукаванай тэрыторыі з'явіліся так званыя «сухія фантаны». Або «падземныя фантаны» - калі струмяні вады б'юць з фарсунак «пад зямлёй». Такія аб'екты – зусім не дзіва ў еўрапейскіх, да і некаторых беларускіх гарадах, і найбольш яны даспадобы децям у спякотныя дні. Аднак у Віцебску, па задумцы рэканструктараў, фантаны выконваюць «ідэалагічную функцыю» - 118 струменяў павінны нагадваць пра 118 апошніх жыхароў, якія сустрэлі вызваленне горада 26 чэрвеня 1944 года ( некалькі тысяч віцяблян за некалькі дзён да гэтага нацысты пад канвоем вывелі ў канцлагеры). Дык ці не блюзнерства – купацца ў «мемарыяльным» фантане?