Міністэрства ўнутраных спраў абнародавала імёны і прозвішчы яшчэ пяці жыхароў Глыбоччыны, асуджаных за пратэсты  2020 года. Звяртае на сябе ўвагу ўзрост асуджаных: самаму старэйшаму - 32 гады, наймаладзейшай - 24.

Пляцоўку каля маста абгарадзілі, будаўнікі абсталёўваюцца на доўгатэрміновую працу. А ўсяго гэтага маглі б і не быць, каб не настойлівасць аршанцаў. Яшчэ ў 2022 годзе мост (пуцеправод) над чыгуначнымі рэйкамі прызналі аварыйным, у 2023 годзе забаранілі па ім хадзіць. І так бы яму стаяць пад замком і далей, каб грамадскасць не нагадвала мясцовым уладам пра гэтую праблему. Аршанцы складалі петыцыі, нагадвалі пра зачынены мост падчас сустрэчаў з уладамі, пісалі пра яго каментарах да артыкулаў у дзяржСМІ пра паспяховае развіццё рэгіёна.... Мост сапраўды неабходны, бо, каб трапіць на аўтобусны прыпынак, у краму ці на працу на мясакамбінат, трэба неяк пераадолець перашкоду: чыгуначныя рэйкі, якія ляжаць унізе, паміж двума даволі высокімі ўзгоркамі. 

У праграме прагучалі абсурдныя абвінавачванні і беспадстаўныя абагульненні. Маўляў, рэдактар атрымліваў нямецкія грошы за прапагандаванне жыцця ў ФРГ ў недзяржаўнай газеце “Вольнае Глыбокае”. А нямецкія “спонсары”такім чынам спрыялі існаванню “экстрэмісцкага” выдання. Але ўсё ў гэтай гісторыі, як кажуць,  “нацягванне савы на глобус”.  

Віцебскі гарсавет правеў выяздную нараду па пытаннях захавання культурна-гістарычнай спадчыны. Лазнева -аздараўленчы комплекс па вул. Воінаў-Інтэрнацыяналістаў у Віцебску, які ўжо другое дзесяцігоддзе абяцаюць «вось-вось адчыніць», ужо таксама можна лічыць гістарычным аб’ектам. У пэўным сэнсе гэта жарт, але на пасяджэнні гарсавета пастанавілі выдаткаваць на “даўгабуд” чарговы грашовы транш - 800 тысяч рублёў. Нагадаем,старшыня Віцебскага гарвыканкама Аляксей Героеў абяцаў адкрыццё лазневага комплекса сёлета ў чэрвені. Чэрвень распачнецца ўжо праз тры дні...