Па Віцебску коціцца хваля судоў «за распаўсюд экстрэмісцкіх матэрыялаў»
Калі раней «народным» лічыўся артыкул 23.34 КаАП (пазней 24.23 КаАП), згодна з якім каралі за ўдзел у несанкцыянаваных масавых мерапрыемствах, то цяпер самая распаўсюджаная прычына трапіць у суд – гэта ч.2 арт. 19.11. Ужо каторы тыдзень усе раенныя суды Віцебску разбіраюць справы мясцовых жыхароў, затрыманых за падпіскі на «экстрэмісцкія» інтэрнэт-рэсурсы, суполкі і Тэлеграм-каналы. Караюць за гэта ў асноўным «суткамі», рэдка каму прысуджаюць штрафы. Відавочная мэта такога ціску: людзей запалохваюць карнымі захадамі, каб яны «адпісаліся» ад незалежных крыніц інфармацыі, а навіны шукалі ў тэлевізары або ў дзяржаўных СМІ.
Суд "выпісаў" штраф у памеры 2590 рублёў за герб “Пагоня”на машыне
Суд Верхнядзвінскага раёна ў асобе Таццяны Куклінай асудзіў Наталлю Валынец па частцы 2 артыкула 24.23 КаАП (Парушэнне парадку арганізацыі або правядзення масавых мерапрыемстваў).
Старонку ў Фэйсбуку віцябляніна МІхаіла Ерафеева прызналі «экстрэмісцкай». За што?
Прызнанне «экстрэмісцкімі» прыватных старонак у сацыяльных сетках здараецца ўсё часцей. Што суды расцэньваюць як экстрэмізм, калі чытаюць асабістыя допісы або разглядаюць фотаздымкі? Менавіта з-за апошніх старонку Міхаіла Ерафеева суд і прызнаў «экстрэмісцкай» – падобна, суддзяў уразіла колькасць выяваў Пагоні і бел-чырвона-белых сцягоў.
Прапагандыст Вадзім Гігін распавядаў у Віцебску пра «фармаванне новай грамадзянскай супольнасці»
Старшыня Беларускага таварыства «Веды» сустрэўся з так званым ідэалагічным актывам Першамайскага раёну. Паколькі сустрэча праходзіла на Віцебскім заводзе трактарных запчастак, то слухаць праўладнага прапагандыста давялося не толькі чыноўнікам і кіраўнікам прадпрыемстваў, а яшчэ і простым працаўнікам. Што хацеў данесці людзям чалавек, роля якога – усхваляць ці прынамсі апраўдваць дзеянні ўладаў?
Супраць глыбоцкага фітнес-трэнера Аляксандра Шарабайкі распачалі крымінальную справу. Ен у СІЗА
Па звестках праваабаронцаў, крымінальная справа распачатая адразу па некалькіх артыкулах. Падставамі маглі стацца звесткі, знойдзеныя ў ягоным тэлефоне, які сілавікі забралі падчас затрымання 13 сакавіка. Тэлефон быў забраны і ў жонкі Аляксандра Шарабайкі. У ноч з 24 на 25 сакавіка, пасля адбыцця 10-суткавага арышту, вядомага ў Глыбокім трэнера і бодзібілдэра перавялі ў віцебскі СІЗА-2.
80-я ўгодкі спалення Хатыні адзначылі казённымі імпрэзамі і арыштам у Наваполацку
Тэма Вялікай Айчыннай вайны стала дамінантнай у ідэалагічных кіраўнікоў. Па ўсей Віцебскай вобласці прайшлі імпрэзы да 80-х угодкаў спалення вескі Хатынь, якая яшчэ з савецкіх часоў лічыцца ўзорам зверстваў і катаванняў у дачыненні да жыхароў Беларусі.
Міёрскія ўлады вызначылі месцы працы для асуджаных да грамадскіх работ
Міёрскі раённы выканаўчы камітэт вырашыў вызначыць пералік аб'ектаў Мёрскага раёна для адбыцця асуджанымі пакарання ў выглядзе грамадскіх работ. Рашэнне прынята на падставе арт. 178 Крымінальна-выканаўчага кодэкса Рэспублікі Беларусь. Сваё рашэнне выканкам узгадніў з аддзелам унутраных спраў і мясцовай крымінальна-выканаўчай інспекцыяй. Можна меркаваць, што ўлады рыхтуюцца часцей ужываць пакаранні ў выглядзе грамадскіх работ, каб фармальна законным чынам прымяняць прымусовую працу ў мясцовай эканоміцы.
На Вушаччыне запалохваюць пакараннямі за «падпіску на экстрэмісцкія каналы»
Праз раённую газету «Патрыет» начальнік аддзялення аховы правапарадку і прафілактыкі Вушацкага РАУС Аляксей Антуновіч нагадвае чытачам, што крымінальную адказнасць цягне за сабой падпіска на экстрэмісцкія каналы і чаты, якія маюць статус экстрэмісцкага фарміравання. Санкцыя адпаведнага артыкула (361-1) КК прадугледжвае да сямі гадоў пазбаўлення волі. Таму супрацоўнік МУС раіць перагледзець свае падпіскі і выдаліць «ненадзейныя». І хаця ў пачатку артыкула жыхароў Вушаччыны страшаць і адміністрацыйнымі пакараннямі з падпіску на каналы з экстрэмісцкімі матэрыяламі, спадар Антуновіч ніжэй тлумачыць, што толькі за падпіску «пакуль не караюць».
У Расонах за пікет у тэлеграм-канале работніка электрасетак суд арыштаваў на 10 сутак
Суддзя суда Расонскага раёна Рада Доміч 16 сакавіка разгледзела адміністрацыйную справу ў дачыненні да электраманцёра філіяла Полацкія электрасеткі «Расонскі раён электрычных сетак" Міхаіла Зянькова. Суддзя прызнала яго вінаватым у правядзенні не дазволенага мясцовымі ўладамі пікета і на падставе ч.1 арт.24. 23 КаАП падвергла яго пакаранню ў выглядзе арышту тэрмінам на 10 сутак.
На Аршаншчыне па выніках 2022 года колькасць зарэгістраваных наркаманаў знізілася на 12%
Улады прыдумалі, на іх погляд, новую эфектыўную форму прафілактыкі наркаманіі ў маладзёжным асяроддзі. Гэта-разгортванне шырокай сеткі ваенна-патрыятычныя клубаў, дзе былых нарказалежных навучаць валодаць стралковай зброяй і элементам рукапашнага баю. Такая ідэя прагучала на адкрытым пасяджэнні Аршанскага райвыканкама з удзелам міністра ўнутраных спраў Івана Кубракова, пад час якога абмяркоўваліся меры па барацьбе са злачыннасцю ў сферы незаконнага абароту наркотыкаў і прафілактыцы распаўсюджвання наркаманіі.