Але інтэрнэт- карыстальнік можа быць прыцягнуты да адказнасці, калі аказвае падтрымку ў папулярызацыі канала, інакш кажучы, рэпосціць матэрыялы, пералічвае грошы, «залівае» туды інфармацыю. У якасці спагнання для фізічнай асобы ў такім разе прадугледжаны штраф ад 10 да 30 базавых велічынь, грамадскія работы ці адміністрацыйны арышт, да індывідуальнага прадпрымальніка сума штрафу павялічваецца да 50-100 базавых, юрыдычнай асобы – 100-500. Ва ўсіх выпадках можа быць таксама канфіскаваны прылады і сродкі здзяйснення названага парушэння.

Са спісам матэрыялаў, прызнаных у Беларусі экстрэмісцкімі, можна азнаёміцца ў асобным раздзеле сайта Міністэрства ўнутраных спраў, піша «раёнка». Дарэчы, у гэтым спісе няма ніводнага ўласна Вушацкага інтэрнэт-рэсурса. Таму запалохванні пакараннямі маюць самы агульны змест.

Лявон Каляда