Уступіў у сілу прысуд Вользе Карач і Яўгену Вільскаму, якіх судзілі ў парадку спецвытворчасці
Нагадаем, сёлета ў ліпені ў Брэсцкім абласным судзе завочна вынеслі прысуды «удзельнікам экстрэмісцкага фарміравання «Форум дэмакратычных сіл Беларусі». У яго складзе згадваліся ўраджэнка Віцебска Вольга Карач і жыхар Наваполацка Яўген Вільскі, якія цяпер знаходзяцца за мяжой. Згодна з афіцыйным паведамленнем Генеральнай пракуратуры, пасля пасяджэння судовай калегіі Вярхоўнага суда, вырак суда першай інстанцыі ўступіў у законную сілу.
Газета «Витебские вести» параўнала «методы ведения идеологической войны немецко-фашистскими захватчиками» і дзеянні «сучасных экстрэмістаў»
Журналіст газеты Яўген Карпас, прыгадваючы «нямецка-фашысцкіх захопнікаў», відавочна падмяняе гістарычныя факты: піша пра Беларускую краёвую абарону – вайсковае фармаванне, створанае ў 1944 годзе, і пра Саюз беларускай моладзі, створаны ў 1943 годзе. І настойвае, што «асобы, якія імкнуцца раз'яднаць беларускае грамадства», дзейнічаюць па тых самых прынцыпах і нават пад тымі самымі лозунгамі. Аднак прыклады журналіста сведчаць пра іншае.
Актывіст палічыў, колькі будзе каштаваць гарадскому бюджэту новая Плошча герба і сцяга ў Віцебску. Прычым гэта не поўная сума
Мясцовыя ўлады штораз падкрэсліваюць, што флагшток вышынёй 69 метраў і вагой 17 тонн падараваў гораду мецэнат, імя якога не разгалошваецца. Але выдаткі на гэтую канструкцыю, падобна, не самыя вялікія ў параўнанні з аздабленнем самой плошчы. Паводле на сайце дзяржзакупак актывіст Дзмітрый Карняенка падлічыў прыблізную суму, якую гарвыканкам гатовы выдаткаваць на новы аб'ект інфпаструктуры. І яна яшчэ не поўная.
25 жыхароў Докшыцкага раёна былі сёлета прыцягнуты да суду за «экстрэмісцкія дзеянні»
Такую статыстыку са спасылкай на старшага памочніка пракурора раёна Наталлю Піскуновіч прыводзіць раённая газета «Родныя вытокі» «Экстрэмісцкімі дзеяннямі» выданне называе правапарушэнні, якія кваліфікуюцца паводле арт. 19.11 КаАП. Пра тое, ці былі прыцягнутыя жыхары Докшыччыны да крымінальнай адказнасці па «экстрэмісцкіх» артыкулах, не паведамляецца нічога.
Справаздачна-выбарчая канферэнцыя ў Бешанковічах пацвердзіла залежны характар прафсаюзаў ад дзяржаўных уладаў
ХІ справаздачна-выбарная канферэнцыя, якая адбылася 11 кастрычніка 2024 года ў Бешанковічах, была тыповым прыкладам фармальнага правядзення мерапрыемства пад строгім кантролем як вышэйшых прафсаюзных структур, так і мясцовых уладаў. Прысутнасць старшыні Віцебскай абласной арганізацыі прафсаюза Алены Няфёдавай і начальніка ўпраўлення па працы, занятасці і сацыяльнай абароне Алены Аўчыннікавай сведчыць аб тым, што ўлады не пакідаюць па-за ўвагай унутраныя працэсы прафсаюзнай працы і фактычна ажыццяўляюць назіранне і кіраванне гэтымі працэсамі, лічыць юрыст.
Ушацкі райвыканкам вызначыў прыярытэтныя віды прадпрымальніцкай дзейнасці
Яны выкладзены ў рашэнні Ушацкага раённага выканаўчага камітэта ад 1 кастрычніка 2024 года № 1047, якое тычыцца індывідуальнай прадпрымальніцкай дзейнасці, якая арганізуецца беспрацоўнымі грамадзянамі. У гэтым дакуменце ўстаноўлены пералік відаў дзейнасці па падтрымцы беспрацоўных грамадзян і прадастаўленні ім пераваг пры арганізацыі ўласнага бізнесу. На што звяртае ўвагу патэнцыйных прадпрымальнікаў юрыст.
Праектную дакументацыю для аварыйнага пуцеправоднага маста ў Оршы за паўтара гады так і не зрабілі
Пуцеправодны мост цераз чыгуначныя рэйкі па вуліцы Шклоўскай быў закрыты для эксплуатацыі яшчэ 1 верасня 2023 года. Яшчэ раней, у траўні, было афіцыйна вызначана, што мост знаходзіцца ў перадаварыйным стане. Тады ж у мясцовай «Аршанскай газеце» з'явілася абвестка, што спецаўтабаза, якой належыць аб'ект, абвясціла конкурс на распрацоўку праектна-сметнай дакументацыі. Але яна дагэтуль не зацверджаная.
Расонская газета зноў дала слова « экспертам» - былым міліцыянтам і вайскоўцам, якія раскрытыкавалі дзейнасць польскага ўрада за падтрымку Ўкраіны
У сакавіку 2023г. газета «Голас Расоншчыны» запачаткавала праект «Слово офицера», прыцягнуўшы для абмеркавання палітычных тэмаў чатырох вайсковых пенсіянераў і былых супрацоўнікаў міліцыі. Гэтая кампанія пры ўдзеле рэдактаркі газеты, якая накіроўвала гутарку ў патрэбнае рэчышча, перыядычна займалася тым, што крытыкавала суседнія краіны, з іх усіх влучаючы толькі Расею... Але ў апошнія паўгады праект не меў працягу. І вось цяпер зноў аднавіўся.
Кіраўнік Шаркоўшчынскага райсавета пахваліўся, як паспяхова вырашаюцца камунальныя праблемы. За кошт грамадзян
Кепскія дарогі і неналежны стан утрымання могілак у Шаркоўшчынскім раёне – самыя частыя праблемы, на якія людзі скардзяцца дэпутатам усіх узроўняў. І калі першую праблему за сродкі мясцовых жыхароў вырашыць немагчыма, то другую ў рэгіёне вырашаюць менавіта такім чынам. Старшыня райсавета Сяргей Арэшкаў лічыць такую практыку цалкам нармальнай.
Чарговы раз паслухалі скаргі. У Полацку дэпутаты правялі «Дзень працы з насельніцтвам»
Мерапрыемства прайшло ў мікрараёне Баравуха. У ім узяла ўдзел дэпутатка Палаты прадстаўнікоў Святлана Адзінцова, старшыня Полацкага райсавета Іосіф Грыбовіч, дэпутаты абласнога і раённага саветаў. Пра канкрэтныя вынікі сустрэчы нічога не вядома, хаця скаргаў і заўваг ад мясцовых жыхароў паступіла шмат. Жыхары мікрараёна ўздымалі ўжо традыцыйныя пытанні: гаварылі пра кепскую якасць дарог, праблемы з асвятленнем, адсутнасць капітальных рамонтаў у жыллёвым фондзе, несвоечасовы вываз смецця. І пры гэтым – нездавальняючыю працу камунальнікаў, у прыватнасці, на вельмі маруднае рэагаванне на скаргі, пададзеныя праз службу 115.бел.