Абарвалася сувязь з Мікалаем Статкевічам
Жонка зняволенага палітыка, Марына Адамовіч, напісала на сваёй старонцы ў Фэйсбуку, што ўжо 56 дзён не атрымлівае ад яго лістоў. Раней сувязь перарывалася, калі Мікалая Статкевіча каралі знаходжаннем у ШІЗА. Аднак цяпер жонка палітвязня не атрымлівае адказаў нават на лісты да адміністрацыі Глыбоцкай ПК 13, у якіх пытаецца, што здарылася з мужам.
Улады прадаюць аб'екты, звязаныя з гісторыяй і культурай. Утрымліваць іх у бюджэце няма грошай
У Віцебская вобласці шэсць аб'ектаў гісторыка-культурнай спадчыны выстаўлена на таргі ў красавіку камітэтам "Віцебскаблмаёмасць". Усяго ж на красавік прызначана 50 аўкцыёнаў. Некаторыя аб'екты будуць прадавацца з устанаўленнем пачатковай цаны, роўнай адной базавай велічыні, т.б. за 37 рублёў.
Глыбачанаў Аляксандра Шарабайку і Аляксея Азарку прызналі палітзняволенымі
У Беларусі стала на 17 палітзняволеных больш, сярод іх двое глыбачанаў – Аляксандр Шарабайка і Аляксей Азарка.
Для дзяцей з Віцебшчыны і Пскоўшчыны зладзяць вайскова-патрыятычны летнік
Яго плануюць арганізаваць на расейскай тэрыторыі (у Себежскім раёне) паблізу ад «Курган Дружбы» – савецкага помніка на памежжы Беларусі, Расеі і Латвіі. З латвійскага боку частка мемарыялу была разбурана ў кастрычніку мінулага году, бо ўрад Латвіі выступае за знішчэнне помнікаў савецкай гісторыі. У Беларусі рашэнне суседняй краіны было названа «здрадай» подзвігу ўдзельнікаў Вялікай Айчыннай вайны. І цяпер арганізацыя летніка мае на мэце «стварэнне ўмоваў дзеля супольнага вывучэння і захавання гістарычнай памяці, разумення роднасці, братэрства, адзінства народаў Беларусі і Расеі».
Праваабаронцы прызналі палітвязнем яшчэ аднаго жыхара Воршы
Беларуская праваабарончая супольнасць выступіла з заявай аб прызнанні яшчэ 17 чалавек палітычнымі зняволенымі. Сярод іх аршанец Віталь Рыжанскі, асуджаны да двух гадоў пазбаўлення волі па арт. 367 Крымінальнага кодэксу (Паклёп у дачыненні да прэзідэнта Рэспублікі Беларусь).
Глыбоцкія чыноўнікі зладзілі спаборніцтвы па кулявой стральбе і (УВАГА!) прысвяцілі іх Году міру і стварэння
У пачатку красавіка, як паведамляе сайт “Веснік Глыбоччыны” на базе ціра Сярэдняй школы № 1 імя Паўла Сухога прайшло асабістае першынства Глыбоцкага раёна па кулявой стральбе з пнеўматычнай вінтоўкі, прысвечанае Году міру і стварэння.
Яшчэ адну песню Ігара Палынскага прызналі «экстрэмісцкай»
У спіс «экстрэмісцкіх матэрыялаў», складзены МУС, трапіў відэакліп да песні «2020» ураджэнца Полацку Ігара Палынскага. Ён вымушана жыве ў замежжы, а ў Беларусі тым часам толькі на працягу сакавіка былі прызнаныя «экстрэмісцкімі» ягоная старонка ВКонтакте і відэакліп да песні «Чэрці» ягонага аўтарства, выкананай полацкім гуртом «Sumarok» – яго таксама стварыў Ігар Палынскі.
У Віцебскай вобласці колькасць смерцяў на вытворчасці павялічылася на траціну
У арганізацыях рэгіёну за 2022 год агульная колькасць няшчасных выпадкаў на вытворчасці склала 220 выпадкаў (за 2021 год - 197), г.зн. вырасла на 11%. У тым ліку загінула 14 работнікаў (за 2021 год - 11), што сведчыць пра рост за год няшчасных выпадкаў са смяротным зыходам на 27%. Пры гэтым колькасць занятых у эканоміцы скарацілася больш чым на 11 тыс. чалавек.
«Аршанская газета»: Першакрасавіцкі жарт «стварыў напружанасць у грамадстве»
«Аршанская газета» – СМІ Аршанскага райвыканкаму – на поўным сур’ёзе ўзялася абвяргаць першакрасавіцкі жарт незалежнага гарадскога парталу orsha.eu. Да Дня смеху там выйшла паведамленне, што выхад на пероны станцыі Орша-Цэнтральная плануюць зрабіць платнымі ў мэтах бяспекі – каб пасажырам не заміналі розныя сумнеўныя асобы, здатныя да тэрактаў. І хаця многія адразу здагадаліся, што гэта першакрасавіцкі жарт, для астатніх назаўтра было апублікавана тлумачэнне. Аднак «Аршанская газета» вырашыла правесці на гэтай глебе ўласнае расследаванне.
На Аляксандра Шарабайку завялі крымінальную справу, але следчыя дзеянні з ім яшчэ не праводзілі
Глыбоцкага фітнес-трэнера і бодзібілдара Аляксандра Шарабайку затрымалі 13 сакавіка ў Глыбокім разам з жонкай Аленай. Затрымліваў Аляксандра Полацкі АМАП сумесна з глыбоцкай міліцыяй і невядомымі людзьмі ў цывільным адзенні, якія не прадставіліся.