Імпрэза для абраных: з нагоды Дня маці на Віцебскай бройлернай птушкафабрыцы арганізавалі свята для 65 работніц
У лік запрошаных трапілі шматдзетныя маці і «жанчыны з актыўнай грамадскай пазіцыяй». Мерапрыемства арганізавалі пярвічная арганізацыя ГА «Белорусский союз женщин» і прафсаюз прадпрыемства. Трое жанчын, якія выхоўваюць па шэсць і болей дзетак, атрымалі да свята падарункі – коўдры.
Лёзненскія камунальнікі ўсталявалі відэаназіранне, каб змагацца з «несанкцыянаваным смеццем»
За смецце, якое людзі «не даносяць» да вызначанага месца, або пакідаюць не там, дзе трэба, прадугледжаны адміністрацыйны штраф памерам да 1200 рублёў. Але камунальныя службы шкадуюць парушальнікаў, разумеючы, што ў райцэнтры невялікія заробокі. Нават калі відэакамеры зафіксавалі супрацьзаконныя дзеянні, спярша праводзяць «прафілактычную гутарку». Наколькі гэта эфектыўна?
Можна замяраць узровень патрыятызму: у Віцебску прадалі памятную стэлу з імёнамі загінулых у мінулай вайне
Стэла ў памяць пра 93 работнікаў фабрыкі, якія загінулі ў гады Вялікай Айчыннай вайны, знаходзіцца на тэрыторыі ліквідаванага ААТ "КІМ". На электронных таргах, арганізаваных камітэтам "Віцебскаблмаёмасць", прададзена трансфарматарная падстанцыя, якая належала прадпрыемству. Разам з падстанцыяй прададзена доля ў добраўпарадкаванні тэрыторыі, дзе і ўнаходзіцца стэла.
Жыхары аграгарадка Тулава просяць абсталяваць прыпынкі
Павільёнаў з дахамі і давачкамі на прыпынках «вул. Юбілейная» і «вул. Цэнтральная» проста няма. Звароты да мясцовых уладаў з гэтай нагоды не прыносяць плёну. Чарговы раз пра гэтую праблему жыхары аграгарадка згадвалі падчас грамадскага прыёму ў старшыні Віцебскага райвыканкама Сяргея Ягорава. І атрымалі чарговую порцыю абяцанняў.
Ксёндз Павел Лемех з Шуміліна вымушана пакінуў Беларусь
Айцец Павел Лемех быў затрыманы сёлета 8 траўня разам з айцом Анджэем Юхневічам. Ён выйшаў на волю пасля адміністрацыйнага арышту, прысуджанага яму паводле ч. 2 арт. 24.23 КаАП, але пазней пакінуў Беларусь пад пагрозай палітычнага пераследу. Анджэй Юхневіч застаецца пад вартай у віцебскім СІЗА-2.
Актывіст запытаўся, чаму так шмат людзей прыцягваюць да адміністрацыйнай адказнасці за «экстрэмізм у інтэрнэце»
Дзмітрый Карняенка хацеў пачуць тлумачэнні пра тое, чаму назіраецца дзіўная тэндэнцыя: па ч.2 арт.19.11 КаАП у Віцебскай вобласці пакаралі ўжо больш за дзесятак асобаў, уганараваных званнем «Чалавек года Віцебшчыны» - здавалася б, самых адданых уладам людзей. Ці гэта ўзнагароджаныя страцілі сваю «высокую якасць», ці заканадаўства занадта строгае да тых, у каго знайшлі даўнія падпіскі на інтэрнэт-рэсурсы, прызнаныя пазней «экстрэмісцкімі».
Віцебскі ідэолаг перайменаваў свой відэаблог. І выступае цяпер ад імя абласной газеты
Спярша Святаслаў Міхайлаў, галоўны спецыяліст ідэалагічнай работы і па справах моладзі Віцебскага аблвыканкама, назваў свой відэаблог даводлі няўцямна - «Свята место». «Трыбуну» для відэавыступаў - свой канал на відэахостынгу YouTube - яму прадаставіла абласная газета «Витебские вести». А цяпер ужо і назва відэаблога гучыць і выглядае іначай - «Вести не молчат».
Жыхары праблемнай вуліцы ў Тулава скардзяцца старшыні райвыканкама
Старшыня выканкама Віцебскага раёна Сяргей Ягораў правёў сустрэчу з мясцовым насельніцтвам. Большасць тых, хто прыйшоў на прыём, - жыхары вуліцы Навасёлаў. Самі яны ўжо даўно не «навасёлы», і таму распавялі пра праблемы дамоў, узведзеных яшчэ ў 1980-я гады. Сяргей Ягораў паабяцаў асабіста агледзець жытло насельнікаў Тулава, перш чым аддаць адпаведныя распараджэнні.
У Віцебску запачаткавалі новую вайскова-прыкладную гульню «Натиск»
І гэта зусім не «Зарніца», у якую гулялі некалькі пакаленняў беларусаў. У дзіцячых летніках выхаванцы са смехам здзіралі папяровыя пагоны ў «ворагаў» і перахоўвалі сцяг свайго «падраздзялення»... Удзельнікі «Натиска» - студэнты розных ВНУ Віцебска - рыхтуюцца да самай сапраўднай вайны. Ідэю арганізатары «падгледзелі» на Гомельшчыне: там ужо два гады праводзіцца вайскова-прыкладная гульня «Прорыв».
Плошчу сцяга і герба ў Віцебску адкрыюць са спазненнем: за год не справіліся
Увогуле, спачатку гэта будзе нават не плошча, а «специальным образом организованное общественное пространство». Плошчай яно стане толькі пасля адкрыцця, калі пляцоўку афіцыйна аформяць як элемент гарадской вулічна-дарожнай сеткі. І здарыцца гэта ўжо ў наступным, 2025 годзе, бо з запланаванымі працамі сёлета не спраўляюцца. Магчыма, на Плошчу сцяга і герба перанясуць і абласную Дошку гонару.