Хто адкажа за сарай? Жыхары віцебскага двара шукаюць дапамогі, каб знесці небяспечны аб'ект
Вуліца Жасткова ў Віцебску – гэта так званы «ціхі цэнтр». Некаторыя дамы пабудаваныя тут яшчэ ў 1930-х, але ў іх зроблены капітальныя рамонты, і мясцовыя жыхары забяспечаны ўсімі сучаснымі дабротамі. Але сляды «старога быту» на гэтай вуліцы засталіся: у прыватнасці, двухпавярховыя цагляныя сараі, дзе насельнікі калісьці захоўвалі дровы для пячнога ацяплення. Пабудовай у двары дома №18 людзі ўжо даўно не карыстаюцца, і з цягам часу яна стала небяспечнай.
У Віцебску за «садзейнічанне экстрэмісцкай дзейнасці» будуць судзіць Валянціну Крыштопенка, яна мае першую групу інваліднасці
Жанчыну вінавацяць паводле ч. 1 арт. 361-4 КК (садзейнічанне экстрэмісцкай дзейнасці). Падставай для крымінальнага пераследу сталі інтэрв'ю тэлеканалу, прызнанаму ў Беларусі «экстрэмісцкім фармаваннем». Валянціна Крыштопенка была сведкай на судовым працэсе над Вячаславам Лазаравым і Таццянай Пыцько, якіх судзілі за супрацоўніцтва ў «Белсатам». А потым супраць яе самой завялі крымінальную справу.
«Чакаюць, пакуль здарыцца бяда?» Жыхары Лёзненшчыны ўжо паўгода патрабуюць адрамантаваць аварыйны мост
Жыхары вёсак Дабрамыслі і Перамонт заклапочаны станам маста цераз рэчку Чэрніцу – гэты мост злучае населеныя пункты. Пытанне пра яго стан сёлета ў красавіку абяркоўвалася на сесіі дэпутатаў Дабрамыслянскага сельсавета, яго старшыня асабіста выязжаў на месца і абяцаў дапамагчы. Але з той пары калі нешта і змянілася, то толькі да горшага: дарога да маста разбіта, і няма нават самых мінімальных прыкмет рамонта.
На гэтым тыдні дваіх віцяблян пачалі судзіць за абразу Аляксандра Лукашэнкі
Паводле ч. 1 арт. 368 Крымінальнага Кодэкса судзяць 56-гадовага Паўла Іванова і 20-гадовага Арцёма Янкіна. Падставай для абвінавачання сталі каментары ў інтэрнэце. Іванова затрымалі, меркавана, сёлета ў чэрвені. Апошнія допісы Янкіна ў сацыяльных сетках зроблены восенню 2023 года.
У Вушацкім філіяле «Белтэлекама» правялі праверку «на экстрэмізм». Вынік – 4 суды
Падобна, што ў Вушачах прайшоў «хапун», падчас якога у жыхароў райцэнтра правяралі тэлефоны. Прынамсі, нешта падобнае адбылося ў мясцовым філіяле «Белтэлекама». Колькі дакладна людзей затрымалі, каб скласці пратаколы па ч.2 арт.19.11 КаАП, невядома. Бо раённы суд практычна ніколі не паведамляе парадак сваёй працы ў раскладзе электроннага судаводства. Тым не меньш, некаторыя звесткі праваабаронцам вядомыя.
На гэтым тыдні на Віцебшчыне прайшлі 10 судоў па «экстрэмісцкіх» адміністрацыйных справах
Звесткі пра іх вядомыя з адкрытых крыніц. Але не выключана, што наш пералік – далёка не поўны. Бо іншым разам прозвішчы затрыманых «за распаўсюд экстрэмізму» на трапляюць у судовыя расклады, і іх судзяць на працягу 72 гадзін проста ў ізалятары часовага ўтрымання. Ведаюць пра гэта толькі найбліжэйшыя сваякі. І мы раім ім скарыстацца бяспечнай магчымасцю, каб падзяліцца такой інфармацыяй з праваабаронцамі.
Telegram-канал «Книга guBAZA» распавёў пра «хапун» у Глыбокім
Затрыманні адбыліся напрыканцы мінулага тыдня і працягваліся некалькі дзён. Па звестках землякоў, затрымана 12 чалавек, у тым ліку краязнаўца і даўні грамадскі актывіст Павел Лаўрыновіч. Частку затрыманых адразу адвезлі ў Віцебскі следчы ізалятар. Ім інкрымінуюць арт. 342 КК (арганізацыя, падрыхтоўка або ўдзел у дзеяннях, якія груба парушаюць грамадскі парадак).
Віцебскую праваабаронцу Ірыну Траццякову «павіншавалі» на Telegram-канале віцебскіх сілавікоў.
18 верасня ў Ірыны дзень нараджэння. І якраз у гэты дзень на Telegram-канале «Северная століцы» з'явіўся абраззлівы допіс пра праваабаронцу. Выглядае, што праца Ірыны Траццяковай не засталася незаўважанай, раз аўтары Telegram-канала вырашылі скарыстацца самымі бруднымі метадамі. У допісе жанчыну ўпікнулі тым, што яна ратуе жыццё сваёй мамы, збіраючы для яе грошы на аперацыю на сэрцы.
17 верасня на Віцебшчыне прайшлі два суды па «народных» адміністрацыйных артыкулах
Гэта вынікае з інфармацыі судовых раскладаў. Насамрэч падобных адміністрацыйных спраў магло быць і болей, бо не ўсе суды Віцебскай вобласці падаюць звесткі пра сваю працу для размяшчэння на сайце Вярхоўнага суда. Таксама часта здараюцца выпадкі, калі суды па «народных» адміністрацыйных артыкулах у раскладах не згадваюцца ўвогуле, а працэсы праводзяцца «явачным парадкам» - цягам 72 гадзін пасля затрымання «правапарушальніка». Але прынамсі пра гэтыя два выпадкі вядома дакладна.
Рэдактар глыбоцкай «раёнкі» зноў палівае брудам журналістаў, якія працуюць за мяжой
Гэтым разам Андрэй Панкрат вырашыў схітраваць: абражаць апанентаў, не называючы іхных імёнаў і прозвішчаў. У артыкуле «Замежную дзейнасць глыбачаніна прызналі экстрэмісцкай» вядзецца пра «М.» і «Л.». Але па гэтых літарах ды геаграфічных арыенцірах лёгка пазнаць вядоўцаў праграмы «Обычное утро» Канстанціна Місуна (Каверына), які паходзіць з Глыбокага, і Людмілу Лабунскую (Міласлаўскую), якая нарадзілася ў вёсцы Крулеўшчына суседняга, Докшыцкага раёна.