Справа ў тым, што абодва гэтыя аб’екты апошні раз былі добраўпарадкаваны яшчэ ў 2008 годзе. Тады ў Оршы праходзілі рэспубліканскія “Дажынкі”, да якіх капітальна адрамантавалі парк на беразе Дняпра і нават далі яму новую назву – «Сказочная страна». Тэрыторыю тады заклалі каляровай брукаванкай: яна стварала малюнак матылька, праўда, ацаніць гэтую задуму можна было хіба толькі з вышыні. А цяпер атракцыёны прыйшлі ў нягоднасць, лавачкі паламаныя, парк практычна не прыбіраецца.