Сёння - 102 гады з дня нараджэння Васіля Быкава. На ягонай малой радзіме пра гэта нават не ўспомнілі
Народны пісьменнік Беларусі нарадзіўся 19 чэрвеня 1924 года ў вёсцы Бычкі Вушацкага раёна, дзе сёння працуе яго мемарыяльны музей. У Вушачах у 2021 годзе ўсталявалі бюсты двух знакамітых ураджэнцаў гэтага краю - Васіля Быкава і Рыгора Барадуліна. Але абодва гэтыя аб’екты засталіся сёння па-за ўвагай работнікаў ідэалогіі і культуры.
Суд Чыгуначнага раёна Віцебска прызнаў “экстрэмісцкім” TikTok-акаўнт ініцыятывы "Христиане против войны"
Рашэнне было прынята 17 чэрвеня, і сёння назва гэтага інтэрнэт-рэсурса з’явілася ў Рэспубліканскім спісе экстрэмісцкіх матэрыялаў. Раней у гэты спіс быў унесены Telegram-канал ініцыятывы. "Христиане против войны" (англ.: Shalt Not Kill (Russia)) — антываенная хрысціянская ініцыятыва, створаная актывістамі рабочай групы «Хрысціянская візія» пасля пачатку ў лютым 2022 года паўнамаштабнага расійскага ўварвання ва Украіну.
У Віцебску адзначаць пачатак Вялікай Айчыннай вайны вялікім канцэртам а 4-й раніцы
Канцэрт запланаваны ў Летнім амфітэатры – на пляцоўцы, дзе традыцыйна адбываюцца мерапрыемствы Славянскага базару. Сярод выступоўцаў – самадзейныя і прафесійныя артысты з Віцебска, а ў якасці пачэсных гасцей запрошаны расейскія выканаўцы Зара і Аскар Абдразакаў. Абодва вядомыя падтрымкай Пуціна і нападу РФ на Украіну ў 2022 годзе.
Дзмітрый Паўлічэнка праводзіў “практыкум” са зброяй у дзіцячым летніку “Бароўка”
Сілавік, вядомы ўдзелам у стварэнні і кіраванні «эскадронамі смерці», навучаў дзяцей асновам рукапашнага бою і карыстання зброяй, удзельнічаў у занятках па медычнай і агнявой падрыхтоўцы. Мерапрыемства назвалі “семінарам-практыкумам”.
“Дармаедаў” насамрэч у некалькі разоў менш, чым паказвае афіцыйная статыстыка
У прыватнасці, у Бешанковіцкім раёне, дзе на сесіі райсавета прагучалі паказальныя лічбы.
. Закон аб «дармаедстве» ў Беларусі (Дэкрэт № 1) класіфікуе грамадзян як «не занятых у эканоміцы». Праваабарончыя арганізацыі, уключаючы ААН, разглядаюць гэты статус як парушэнне правоў чалавека праз прымусовы характар працы і абмежаванне доступу грамадзян да базавых сацыяльных паслуг. Фактычна грамадзян ставяць перад выбарам: працаваць там, дзе прапануе дзяржава, альбо падпасць пад эканамічныя санкцыі з яе боку.
7 чэвеня ў Санкт-Пецярбургу памёр праваслаўны манах-архімандрыт Віталій (мірское імя Віктар Радамысльскі), ягоны лёс быў звязаны з палітычным жыццём на Аршаншчыне
На Аршаншчыне яго памятаюць і як удзельніка ўшанавання памяці ахвяраў сталінскіх рэпрэсій: ён браў удзел у памінальных імпрэзах на Кабыляцкай гары (гэта месца масавых расстрэлаў пад Оршай).
Яшчэ на двух “экстрэмістаў” з Віцебшчыны стала болей
12 чэрвеня на сайце МУС абнавілі пералік асобаў, “датычных да экстрэмісцкай дзейнасці”. Ен папоўніўся адразу на 40 чалавек.
У прызнанні інтэрнэт-рэсурсаў “экстрэмісцкай” інфармацыйнай прадукцыяй пашчыравалі суды Полацка і Наваполацка
Такім чынам, два рэгіянальныя суды “падвысілі рэйтынг” сваіх раёнаў, што да пошуку і прызнання інтэрнэт- рэсурсаў “экстрэмісцкімі”.
Суды Мёрскага і Вушацкага раёнаў, а таксама суд Чыгуначнага раёна Віцебска – рэкардсмены ў прызнанні інтэрнэт-рэсурсаў “экстрэмісцкай інфармацыйнай прадукцыяй”
Паводле звестак за апошнія 6 гадоў – з тое пары, як пачаў фармавацца Рэспубліканскі спіс экстрэмісцкіх матэрыялаў - пракуратуры і суды гэтых раёнаў праявілі найбольшы імпэт у пошуках “экстрэмізму”. Нагадваем, што пракуратуры займаюцца пошукам “экстрэмісцкіх” інтэрнэт-рэсурсаў без увагі тэрытарыяльнасці: паміж імі ідзе адмысловае спаборніцтва выключна па колькасці зноўдзенага “шкоднага” кантэнту. На кожны так рэсурс складаецца прадстаўленне, якое перадаюць у суд. І суды ў абсалютнай большасці выпадкаў проста зацвярджаюць меркаванне пракуратуры, абвяшчаючы сайты, каналы, і акаўнты ў сацсетках “экстрэмісцкай інфармацыйнай прадукцыяй”.
Рамонт дома, на якім быў мурал з Караткевічам, скончаны. Малюнак не аднавілі і нават не абяцаюць
Падчас рамонту дома №2 па вул.Марата ў Оршы быў знішчаны мурал, намаляваны да 90-годдзя Уладзіміра Караткевіча. Тарцавая сцяна гэтага дома выходзіць на вуліцу імя пісьменніка-земляка, і менавіта на ёй быў малюнак, зроблены аршанскім мастаком Дзмітрыем Талкачовым. На мінакоў “глядзеў” партрэт славутага беларускага пісьменніка, а таксама жыхары і госці горада маглі разгледзець на мурале фрагменты рукапісаў і малюнкаў Уладзіміра Караткевіча.