Цягам мінулага года Лёзненскі раён заключыў дамовы аб супрацоўніцтве  з  4-ма раёнамі Смаленскай вобласці, а таксама з асобнымі раёнамі Пскоўскай, Ліпецкай, Разанскай і Маскоўскай абласцей.  Праўду сказаць, не зусім зразумела, якую практычную карысць з гэтага мае беларускае памежжа.

Вынікі супрацоўніцтва праглядаюцца перадусім у культурніцкай і ідэалагічнай плашчыні. Гэта патрыятычныя фестывалі, якія праводзіліся ў Смаленскай вобласці, а таксама аўтапрабегі ідэалагічнай накіраванасці і праваслаўныя чытанні. На падобныя імпрэзы лёзненцаў запрашаюць у суседнюю дзяржаву. А вось з Расійскай Федэрацыя прыязжаюць на мясцовыя мерапрыемствы не так ахвотна. Хіба толькі на маштабныя падзеі кшталту “Славянскага базару”.  

Юрый Маракоў