Суд у Паставах за захоўванне 5 «экстрэмісцкіх» улётак канфіскавалі аўтамабіль
Суддзя суда Пастаўскага раёна Наталля Максімовіч 4 красавіка, разгледзеўшы справу аб адміністрацыйным правапарушэнні, прадугледжаным ч.1 арт. 19.11 КаАП, у дачыненні да мясцовага жыхара Андрэя Стабулянца, аштрафавала яго на 740 рублёў і канфіскавала аўтамабіль, у якім, на думку ўладаў, правапарушальнік захоўваў улёткі экстрэмісцкага зместу.
Полацкі навуковец Ігар Бортнік зноў не выйшаў з-за кратаў
Родныя і сябры чакалі, што па сканчэнні другога запар арышту на 13 сутак ён выйдзе на волю. Аднак па сканчэнні гэтага тэрміну, 21 сакавіка яго не вызвалілі. Застаецца верагоднасць, што ён асуджаны да чарговага арышту або перазатрыманы ў межах чарговай справы. Першыя два аршыты, прысуджаныя кандыдату філасофскіх навук, супрацоўніку Полацкага гісторыка-культурнага музею-запаведніка , былі на 10 і 13 сутак.
Наваполацкія міліцыянты складаюць пратаколы за віншаванні з Днём волі
Жыхара Наваполацка асудзілі на 13 сутак за віншаванне з Днём волі ў Фэйсбуку трох- і чатырохгадовай даўніны. Паводле судовай пастановы, апублікаванай у агульнарэспуліканскай базе дадзеных, грамадзянін І. 25.03.2019г. «змясціў пост з фотавыявай герба «Пагоня» і подпісам: «Сябры, віншую з Днём волі!» У 2020 г. віншаванне выглядяла як «фотавыява герба «Пагоня» на фоне БЧБ-сімволікі і подпісам: «Са святам, сябры! З Днём волі!» Суд кваліфікаваў гэта як несанкцыянаванае пікетаванне.
Падобна, што Статкевіч, Знак і Лосік працяглы час знаходзяцца ў ШЫЗА
Пра гэта ўскосна сведчаць тыя факты, што ад палітвязняў ужо доўгі час няма лістоў. Ліставанне са штрафнога ізалятару забароненае. Атрымаць пацверджанне гэтага ўдалося толькі наконт Максіма Знака: адміністрацыя калоніі «Віцьба -3» паведаміла ягонай жонцы і адвакатцы Надзеі, што палітвязень насамрэч утрымліваецца ў ШЫЗА. Пра гэта піша "Рыдыё свабода".
Палітвязня Яўгена Рубашку пераводзяць на турэмны рэжым
Палітзняволенага анархіста Яўгена Рубашку, які родам з Глыбокага, пераводзяць на турэмны рэжым.
Адбылася апеляцыя па справе "Вясны". Прысуд застаўся без зменаў
У Мінскім гарадскім судзе 21 красавіка адбыўся разгляд апеляцыйных скаргаў і пракурорскага пратэсту на прысуд па справе "Вясны" суда Ленінскага раёна Мінска ад 3 сакавіка, якім тром палітзняволеным праваабаронцам Алесю Бяляцкаму, Валянціну Стэфановічу і Уладзіміру Лабковічу прызначаны жорсткія тэрміны ад 7 да 10 гадоў калоніі.
Настаўніцу беларускай мовы з Вушачаў пакаралі за «распаўсюд экстрэмісцкіх матэрыялаў»
Праваабаронцам не вядома, якое пакаранне прызначыў Ірыне Леснічэнка Вушацкі раённы суд, але жанчына спрабуе абскардзіць пастанову суду першый інстанцыі. Пасяджэнне ў Віцебскім абласным судзе прызначана на 3-га траўня. Таксама не вядома, ці пакінулі спадарыню Ірыну на працы: апошнім часам было вельмі шмат прэцэдэнтаў, калі настаўнікаў, асуджаных паводле арт. 19.11 КаАП, неўзабаве змушалі звольніцца «па ўласным жаданні» пад пагрозай звальнення «за прагулы», калі пакараннем быў арышт, або за неадпаведнасць пасадзе настаўніка.
Заяўка «гуляе» ад аднаго да другога, а пытанне не вырашаецца
Несвоечасовае рэагаванне на звароты – адна з прычын нараканняў на работу службы 115. Дзржкантроль па Віцебскай вобласці агучыў вынікі сваёй тыднёвай праверкі.
Затрыманні ў Наваполацку і ў Навалукомлі
На наваполацкіх прадпрыемствах «Нафтан» і «Палімір» цягам тыдня затрымалі 10 чалавек. Пра гэта паведаміў «нафтанаўскі» закрыты тэлеграм-канал. Затрыманым прысудзілі адміністрацыйныя арышты, і выказваецца меркаванне, што па адбыцці работнікі будуць звольнены. Пра масавыя звальненні даходзяць звесткі і з Навалукомлю: кажуць, што за апошні час каля 100 супрацоўнікаў Лукомскай ДРЭС звольніліся нібыта «па ўласным жаданні», але такі масавы добраахвотны сыход работнікаў не выглядае на натуральную з'яву.
Экстрэмісцкай прызналі групу ў «Одноклассниках», створаную Аленая Янушкоўскай
Віцебская відэаблогерка Алена Янушкоўская набыла шырокую вядомасць, стварыўшы відэаканал «Настоящая Беларусь», дзе паказвала хібы мясцовага жыцця насуперак «прыгожай карцінцы», якую паказваюць на беларускім тэлебачанні. Паралельна яна стварыла групы ў розных сацыяльных сетках, каб інфармаваць найбольшую колькасць сваіх падпісчыкаў. Цяпер група ў «Одноклассниках» пад назовам «Елена Янушковская НАСТОЯЩАЯ БЕЛАРУСЬ» залічана ў спіс экстрэмісцкіх інфармацыйных матэрыялаў.