Віцебск - у лідэрах па дарагоўлі жытла
У 2013 годзе Віцебск стаў лідэрам сярод рэгіёнаў па тэмпах росту цэнаў на нерухомасьць, паведамляе Інтэрфакс. Цягам году кошт квадратнага мэтру жытла ў горадзе над Дзьвіной узрос на 30,8% - з 800 да 1066 даляраў. Такім чынам, па цэнах на жытло Віцебск апярэдзіў астатнія абласныя цэнтры і цяпер саступае толькі Менску.
Кошт чалавечага жыцьця – 300 у.а.
Рабочы сёмага цэху ААТ «Полацак-Шкловалакно» памёр на тэрыторыі прадпрыемства. Няшчасьце здарылася 10 лютага. Да пэнсіі работніку заставалася дапрацаваць адзін месяц. Паводле калектыўнай дамовы, у выпадку сьмерці работніка адміністрацыя выплачвае фінансавую дапамогу на пахаваньне ў памеры 20-ці базавых велічынь (цяпер гэта менш за 3 мільёны беларускіх рублёў, або каля 300$) і забясьпечвае транспарт.
Перанос месца прыпынку грамадзкага транспарту ля «Піраміды» – рэакцыя ўладаў на пікет апазыцыі?
Віцебскія ўлады, якія ня першы год рупяцца пра тое, каб усяляк абмежаваць магчымасьці правядзеньня якіх-кольвек масавых акцыяў праціўнікамі дзеючага палітычнага рэжыму, здаецца, памыліліся, калі вызначалі месцы, забароненыя для пікетаў з мэтай збору подпісаў выбаршчыкаў па вылучэньні кандыдатаў у дэпутаты мясцовых саветаў дэпутатаў. Акцыя апазыцыі ўсё-такі адбылася – пікет у самым цэнтры гораду! І пасьля гэтага, здаецца, чыноўнікі зрабілі аргвысновы…
Жыхары Воршы маюць праблемы з ацяпленьнем
Жыхары некалькіх кватэр дому №54 па вуліцы Міра ў Воршы літаральна замярзаюць. Пра гэта ў сваім лісьце ў рэдакцыю сайту Orsha.eu паведаміў адзін зь яго наведвальнікаў. Падаем тэкст гэтага ліста:
У Расеі загінуў гастарбайтар з Полацку
У пошуках лепшай долі беларускія работнікі ўсё часьцей апошнім часам вымушаныя зьяжджаць з краіны на заробкі. Безумоўна, фінансавыя ўмовы ў той жа Расеі значна лепш за прапанаваныя на Радзіме. Паводле ацэнак экспэртаў, у цяперашні час за мяжой працуе да мільёна беларусаў. Нажаль, нярэдка пошук “доўгага рубля” заканчваецца для нащих суграмадзян трагедыяй. Зусім сьвежы прыклад - гібель палачаніна на будоўлі ў горадзе Лузе (Ленінградзкая вобласьць).
На выканкамаўскіх нарадах, прысьвечаных праблемам сельскай гаспадаркі, абавязаныя прысутнічаць пракурор і начальнік міліцыі
Такое рашэньне прыняў кіраўнік Глыбоцкага раёну. Цяпер на кожным паседжаньні па пытаньнях сельскай гаспадаркі, што праводзяцца ў райвыканкаме, абавязкова павінен прысутнічаць пракурор і кіраўнік раённай міліцыі. Гэта зьвязана з дрэнным станам спраў у сельскагаспадарчай вытворчасьці.
Віцебскія бібліятэкі адмовіліся ад падпіскі на «Нашу Ніву», «Народную волю» і «БелГазету»
У Віцебскай абласной бібліятэцы імя Леніна адмовіліся ад падпіскі на гэтыя выданьні на 2014 год. Бібліятэкаркі кажуць, што гэта загад аблвыканкаму – абласнога ўпраўленьня ідэалягічнай працы, культуры і па справах моладзі. Прынамсі, так яны тлумачаць сытуацыю незадаволеным наведнікам, якія пытаюцца, куды падзеліся газэты.
Палова інвэстыцыйных праектаў у Віцебскай вобласьці - праблемныя
Гэта выявіў маніторынг, праведзены Камітэтам дзяржкантролю Віцебскай вобласьці. Усяго ў рэгіёне больш за сотню інвэстпраектаў. Іх пасьпяховае ўвасабленьне ў жыцьцё - гэта новыя вытворчасьці, працоўныя месцы, павелічэньне падатковых паступленьняў у бюджэт. Але 32 зь іх ня ўкладваюцца ў намечаныя тэрміны, а 14 і зусім не прасунуліся далей за падпісаньне дамоваў пра намеры.
Узбуджаная крымінальная справа аб зрыве тэрмінаў мадэрнізацыі «Віцебскдрэву»
За парушэньне тэрмінаў мадэрнізацыі ААТ «Віцебскдрэў» распачатая крымінальная справа, паведаміў генэральны пракурор Беларусі Аляксандар Канюк. Расьсьледаваньне гэтай справы ўжо распачатае, ідзе пракурорская праверка. Яна выявіць вінаватых у няўдалым абнаўленьні вытворчасьці, вызначыць суму нанесенай шкоды. Пракуратура вызначыць таксама, чаму мадэрнізаваны завод не запрацаваў ва ўстаноўленыя тэрміны.
Жыхары Мёраў абураюцца вайсковымі вучэньнямі
У Мёрах працягваюцца вайсковыя вучэньні. Дзеля іх правядзеньня вайскоўцам былі аддадзеныя спартовая школа і стадыён, на якіх усталявалі блёкпосты, у выніку чаго жыхары гораду ня могуць займацца спортам. Гэта выклікае вялікае незадавальненьне ў жыхароў Мёраў, кажа каардынатар аргкамітэту па стварэньні партыі «Беларуская хрысьціянская дэмакратыя» Багуслаў Мацук.