Да змаганне за колькасць падпісчыкаў абласная газета падключыла 10 суб'ектаў гаспадарання. Так, чытачы, якія падпісаліся на выданне на паўгода, могуць прэтэндаваць на зніжку, калі купляюць кур і парнікі, замаўляюць новыя пластыкавыя вокны ці рамантуюць лядоўні.

Праўда, апрача наяўнасці паўгадавой падпіскі, чытачы мусяць выканаць і яшчэ адну ўмову: падпісацца не менш як на два акаўнты выдання ў сацыяльных сетках. На жаль, газета не публікуе статыстыку, колькі чалавек звярнуліся ў рэдакцыю па бонусныя карты.

У мінулыя гады «Витебские вести» заваблівалі падпісчыкаў, праводзячы розыгрышы прызоў сярод тых, хто падпішацца на газету на паўгода. У 2020, 2022 і 2022 гадах разыгрывалі разнастайныя гаспадарчыя прылады і посуд, у 2023-м – пасцельную бялізну і пледы. Прычым у 2020-м годзе падпісчыкаў чакалі 52 прызы, а ў 2023 -м – толькі 21.

Марыя Якімёнак