Апроч таго, на былым вайсковым аэрадроме сканцэнтраваная вялікая колькасьць танкаў і іншай вайсковай тэхнікі. Кажуць, што яго будуць выкарыстоўваць пад палігон для стрэльбішчаў, у той час як аэрадром для гэтага не прыстасаваны, ён знаходзіцца непасрэдна ля гораду і за 50 мэтраў ад трасы Мёры-Дрыса.
«Так і да бяды нядоўга. Нейкая гульня мускуламі. Каму яна трэба?» – задаецца пытаньнем Багуслаў Мацук. Паводле яго словаў, вайскоўцы самі ня ведаюць, колькі будуць працягвацца вучэньні.
Багуслаў Мацук таксама распавёў, што 5 лютага разам з журналістамі былі затрыманыя і двое актывістаў БХД – Сяржук Васільеў і Валер Валажонак.
Што тычыцца праблемы з ацяпленьнем (паводле паведамленьняў мэдыяў, 20 студзеня ў Мёрах здарылася буйная аварыя цеплавых сетак), у выніку якой замярзаюць дамы больш як тысячы жыхароў, то 6 лютага грамадзкі актывіст Язэп Цітовіч падаў у мясцовы райвыканкам подпісы за хутчэйшае вырашэньне праблемы.