Настаўнікаў рыхтуюць да выбараў: яны пішуць дыктоўку
У Беларусі гучна піяраць так званы Адзіны дзень галасавання не толькі ў дзяржаўных СМІ, але і на іншых пляцоўках. Прыдумляючы новыя мерапрыемствы пад піяр выбараў, часам нават даходзіць да абсурду.
«Прыярытэтнасць кандыдатаў у дэпутаты» і іншая дэмагогія ў якасці перадвыбарчай агітацыі
Віцебская гарадская газета «Витебские вести» надрукавала меркаванне удзельніка камісіі Савета Рэспублікі па адукацыі, навуцы, культуры і сацыяльнаму развіццю Юрыя Дзеркача, які з'яўляецца і старшынём абласнога аб'яднання прафсаюзаў. Галоўны пасыл ягоных выказванняў: «Все должны прийти на выборы и избрать достойных кандидатов». Але аргументацыя спадара Дзеркача не проста непереканаўчая – яна спрэс прасягнута дэмагогіяй, часам беспадстаўнай, а часам – проста бессэнсоўнай.
У Віцебску адмовілі ў рэгістрацыі кандыдатам у дэпутаты парламента адзінаму з вылучэнцаў ад кампартыі Беларусі
Віцебская абласная выбарчая камісія 1 лютага разгледзела скаргу на адмову Віцебскай Кастрычніцкай ВК№20 у рэгістрацыі ў якасці кандыдата ў дэпутаты парламента ад КПБ, намесніка галоўнага інжынера дзяржаб'яднання "Віцебскае ўпраўленне будаўніцтвам" Сяргея Нішчыменкі. Сябры аблВК таксама адмовілі яму ў праве на рэгістрацыю, бо палічылі, што непрадстаўленне камуністам дэкларацыі аб даходах і маёмасці з'яўляецца законнай для гэтага падставай.
На Віцебшчыне 31 чалавеку адмовілі ў рэгістрацыі ў якасці кандыдата ў дэпутаты
Кіраўнік Паставаў агітуе за мясцовага фермера, а не за кіраўніка адміністрацыі Лукашэнкі?
На Пастаўскай выбарчай акрузе №29 вылучана тры кандыдаты, сярод іх важная персона - Ігар Сергяенка, кіраўнік адміністрацыі Лукашэнкі, якога, верагодна, і прызначаць у так званую палату прадстаўнікоў. Ён пазначаны як беспартыйны і ідзе ад працоўных калектываў.
На 40 дэпутацкіх месцаў Віцебскім гарвыбаркамам зарэгістраваныя 72 кандыдата
Пасля рэгістрацыі канкурэнцыя скарацілася да 1,8 прэтэндэнта на мандат гарсавета, г.зн. у васьмі акругах у выбаршчыкаў пазбавілі права на альтэрнаціву. Паказальна, што без канкурэнцыі ў гарсавет сабраліся цяперашні яго старшыня Уладзімір Бялевіч і намеснік старшыні гарвыканкама Віктар Глушын. Ад мясцовых аддзяленняў партый вылучаны 33 кандыдаты ў дэпутаты (амаль 46% ад іх агульнай колькасці прэтэндэнтаў). На чарговы тэрмін гатовы абірацца дзесяць дзеючых дэпутатаў гарсавета.
Ва Ушацкім раёне фармаванні нізавых выбарчых камісій прайшло з адсутнасцю галоснасці
24 студзеня на паседжанні Ушацкага райвыканкама было прынята рашэнне аб утварыць 12 участковых выбарчых камісій, у якіх будуць працаваць 135 чалавек. Трэба адзначыць, што фармаванні УВК не прынялі ўдзелы працоўныя калектывы, а склады камісій улады засакрэцілі.
Патэнцыйны кандыдат у дэпутаты Віцебскага аблсавета і дзейны дэпутат гарсавета ўгаворвае землякоў ісці на выбары
Абласная газета «Витебские вести» апублікавала меркаванне Дзмітрыя Казака, дырэктара мясцовага філіяла РУП «Белтэлекам» пра тое, што «каждый гражданин Беларуси должен принять участие в выборах – выполнить свой гражданский долг, понимая, что это реальная возможность обеспечить безопасность и мирное будущее страны». Было б цікава даведацца, што для ўсяго вышэй названага зрабіў асабіста Дзмітрый Казак – ён ужо практычна адпрацаваў цэлы дэпутацкі тэрмін у якасці намесніка старшыні Віцебскага гарсавета 28 склікання. А цяпер хоча трапіць у абласны савет, балатуючыся па Віцебскай Пралетарскай акрузе №2 як вылучэнец ад Беларускай партыі «Белая Русь».
На Віцебшчыне зарэгістравана толькі 20% назіральнікаў ад неабходных
У Віцебскай вобласці тэрытарыяльныя і акруговыя выбаркамы ўжо акрэдытавалі крыху больш за 280 наглядальнікаў (20 працэнтаў ад мінімальна неабходнага) з грамадзян, якія пражываюць у межах рэгіёну. Для таго каб у кожным выбарчым участку, а іх у рэгіёне створана 693, было хаця б па два назіральнікі, неабходна знайсці яшчэ як мінімум 1100 грамадзян з актыўнай палітычнай пазіцыяй.
Выбарная кампанія ў абласны прадстаўнічы орган улады пакуль не з'яўляецца «ўзорам дэмакратыі»
У Віцебскі абласны Савет дэпутатаў сярод прэтэндуючых на дэпутацкае крэсла практычна няма канкурэнцыі, парушаны гендэрны баланс, адсутнічаюць прадстаўнікі ад рабочых і сялян, а таксама намеціўся ўнутрыпартыйны "дамоўнячок". Калі такая тэндэнцыя захаваецца пасля рэгістрацыі кандыдатаў, то можна будзе канстатаваць аб поўнай дэградацыі гэтага інстытута мясцовага прадстаўнічага органа ўлады.