Анэстэзіёляга аддзяленьня рэанімацыі Віцебскай гарадзкой клінічнай больніцы хуткай мэдычнай дапамогі (БХМД) Расьціслава Савіцкага хочуць пакласьці «на абсьледаваньне» для прызыву ў войска. Праблему прызыву на тэрміновую службу свайго «асноўнага анэстэзіёляга-рэаніматоляга» падняў загадчык аддзяленьня рэанімацыі БХМД Уладзімер Мартаў. TUT.BY пагаварыў з Расьціславам Савіцкім.

Віцебскі лікёра-гарэлачны завод «Прыдзьвіньне» штодзень вырабляе да 5000 літраў сьпірту для вытворчасьці сродкаў дэзынфэкцыі. Пра гэта паведаміў намесьнік старшыні Віцебскага гарвыканкаму Віктар Глушын у адказе на зварот актывісткі БХД Тацяны Севярынец. Чыноўнік сьцьвярджае, што на сёньня ўсе ўстановы аховы здароўя гораду забясьпечаныя лекавымі сродкамі ў поўным аб'ёме.

20 красавіка начальнік галоўнага ўпраўленьня адукацыі Віцебскага аблвыканкаму Дзьмітрый Хома паведаміў, што ў першы дзень па вакацыях за парты селі 35,5% вучняў вобласьці. Настаўнік адной зь віцебскіх школ на ўмовах ананімнасьці расказаў «Віцебскай Вясьне», што ў ягонай навучальнай установе ў некаторых клясах на ўроках прысутнічалі толькі адзінкі…

Пэтыцыя з патрабаваньнем адмовіцца ад немэтазгодных выдаткаў з гарадзкога бюджэту на працы, якія каштуюць мільёны рублёў, будзе накіраваная 21 красавіка ў Віцебскі гарвыканкам і гарадзкі Савет дэпутатаў. Зварот падпісалі больш за 300 віцяблян.

Уначы 17 красавіка ў Віцебску заўчасна памёр дэмакратычны актывіст і праваабаронца Аляксандар Мікулін. Яму было 58 гадоў. Ліквідатар наступстваў аварыі на ЧАЭС, былы міліцыянт, сябра цэнтру «Прававая дапамога насельніцтву», Беларускай сацыял-дэмакратычнай партыі (Грамада) і ГА «Гавары праўду» – яго добра ведалі і паплечнікі, і тыя, каму ён, як юрыст, дапамагаў бараніць у судох свае правы.

На віцебскую блогерку Вольгу Жураўскую («Снимать разрешено») завялі чарговую адміністрацыйную справу за дробнае хуліганства (арт. 17.1 КаАП). Яе абвінавачваюць у тым, што, знаходзячыся ў будынку Упраўленьня СК па Віцебскай вобласьці яна «спрабавала стварыць неабгрунтаваную паніку» і «кашляла на службовых асобаў».

Напрыканцы сакавіка журналіст і культуроляг зь Віцебску Георгій Каржанеўскі прыляцеў з Партугаліі. Праз тыдзень у яго падскочыла тэмпэратура – тэст на каронавірус даў станоўчы вынік. Мужчына расказвае, што ляжаў у пакоі з мужам мэдсястры, якая ў 47 гадоў памерла ад COVID-19. Кажа, што ягоны лечачы ўрач таксама захварэла…

Упраўленьне працы, занятасьці і сацыяльнай абароны насельніцтва Аршанскага райвыканкаму інфармуе інфармуе аб магчымасьці працаўладкаваньня на Аршанскі льнокамбінат. Запрашаюць працаўнікоў, якія маюць спэцыяльнасьць «швачка» альбо маюць досьвед працы на швачным абсталяваньні – каб шыць засьцерагальныя маскі, паведамляе «Аршанская газэта».

Некалькі аддзяленьняў Віцебскага абласнога клінічнага цэнтру псыхіятрыі і наркалёгіі, які разьмяшчаецца ў пасёлку Віцьба пад Віцебскам (у народзе – «дзявятка»), перапрафіляваныя для лячэньня хворых на пнэўманію. Пра гэта «Віцебскай Вясьне» на ўмовах ананімнасьці паведаміў наш чытач.

Палітвязень Міхаіл Жамчужны ўжо ня ў Віцебску. Яго этапавалі ў папраўчую калёнію №9 у Горках, дзе ён адбываў пакараньне раней. Гэта вынікае зь ліста, які атрымаў нядаўна ад палітвязьня віцебскі праваабаронца Леанід Сьвецік.