На Аршаншчыне яго памятаюць і як удзельніка ўшанавання памяці ахвяраў сталінскіх рэпрэсій: ён браў удзел у памінальных імпрэзах на Кабыляцкай гары (гэта месца масавых расстрэлаў пад Оршай).

12 чэрвеня на сайце МУС абнавілі пералік асобаў, “датычных да экстрэмісцкай дзейнасці”. Ен папоўніўся адразу на 40 чалавек.

Такім чынам, два рэгіянальныя суды “падвысілі рэйтынг” сваіх раёнаў, што да пошуку і прызнання інтэрнэт- рэсурсаў “экстрэмісцкімі”.

Паводле звестак за апошнія 6 гадоў – з тое пары, як пачаў фармавацца Рэспубліканскі спіс экстрэмісцкіх матэрыялаў -  пракуратуры і суды гэтых раёнаў праявілі найбольшы імпэт у пошуках  “экстрэмізму”. Нагадваем, што пракуратуры займаюцца пошукам “экстрэмісцкіх” інтэрнэт-рэсурсаў без увагі тэрытарыяльнасці: паміж імі ідзе адмысловае спаборніцтва выключна па колькасці зноўдзенага “шкоднага” кантэнту. На кожны так рэсурс складаецца прадстаўленне, якое перадаюць у суд. І суды ў абсалютнай большасці выпадкаў проста зацвярджаюць меркаванне пракуратуры, абвяшчаючы сайты, каналы, і  акаўнты ў сацсетках “экстрэмісцкай інфармацыйнай прадукцыяй”.

Падчас рамонту дома №2 па вул.Марата ў Оршы быў знішчаны мурал, намаляваны да 90-годдзя Уладзіміра Караткевіча. Тарцавая сцяна гэтага дома выходзіць на вуліцу імя пісьменніка-земляка, і менавіта на ёй быў малюнак, зроблены аршанскім мастаком Дзмітрыем Талкачовым. На мінакоў “глядзеў” партрэт славутага беларускага пісьменніка, а таксама жыхары і госці горада маглі разгледзець на мурале  фрагменты  рукапісаў і малюнкаў Уладзіміра Караткевіча.

Віцебская актывістка ў справе прасоўвання прарасейскіх ідэй абурылася тым, што  следчыя цікавяцца тым, хто аплочваў навучанне былых і цяперашніх студэнтаў універсітэта, прызнанага «экстрэмісцкім фармаваннем». Гэтую сітуацыю Мірсалімава параўноўвае з судамі за даўнія рэпосты і падпіскі на незалежныя медыя, “которые в то время не только не были запрещены, но официально у нас работали, а высшие чиновники давали им интервью”. І цалкам рэзонна тлумачыць гэтыя захады жаданнем “свести счёты со своими политическими оппонентами”.

Следчы камітэт паведаміў, што зараз будзе ўзмоцнена сачыць і рэагаваць на матэрыялы і каментары ў сацсетках, асабліва ў Threads і TikTok. На думку ведамства, вялікая колькасць паведамленняў там утрымлівае дэзінфармацыю па пытаннях грамадскай бяспекі, работы дзяржаўных органаў, эканамічнай і сацыяльнай сітуацыі, распальванне сацыяльнай варожасці і  загадзя ілжывыя паведамленні аб небяспецы. Аднак менавіта такія публікацыі, прысвечаныя сацыяльным і камунальным недахопам, змушаюць на іх  рэагаваць адказныя структуры і дзяржСМІ – тады, як простыя звароты ў 115.бел або ў рэдакцыі ці на “гарачыя лініі” ужо не дзейнічаюць.

Вядома пра некалькі выпадкаў пратрусаў у былых студэнтаў Еўрапейскага гуманітарнага універсітэта, якія або скончылі ЕГУ, або не завяршылі вучобу і сышлі. Падчас або пасля ператрусаў следчыя дапытвалі маладых людзей і іх бацькоў. У прыватнасці, падрабязна распытвалі, хто плаціў за навучанне.    

Раённая газета “Зара” апублікавала з гэтай нагоды бравурны артыкул пра тое, як падлеткі  “станут живыми системами точного земледелия”, займаючыся праполкай і дапамогуць работнікам  ЖКН “привести в порядок газоны, дорожки и площадки возле домов”. Намесніца начальніка раённага аддзела адукацыі падкрэслівае, што такія віды дзейнасці для 12-14-гадовых школьнікаў уводзяцца ўпершыню, і што гэта верне “трудовому воспитанию его исконный смысл”, стане для падлеткаў «экзаменом на прочность». Але наколькі ўсё гэта законна, і што стаіць за гучнымі словамі? Пра гэта разважае юрыст і праваабаронца Алег Мацкевіч, які даўно вывучае праблему прымусовай працы ў Беларусі.

Папярэджанні пра адказнасць па арт.361-2 КК РБ (Фінансаванне экстрэмісцкай дзейнасці) вывесілі там, дзе можна прыстрашыць найбольшую колькасць мясцовых жыхароў - у цэнтральнай частцы Віцебску і каля вышэйшых навучальных установаў.