Пасля навагодніх святаў, па Віцебскаму регіёну зноўку паднялася хваля затрыманняў і судовых працэсаў над грамадзянамі, якія адмоўна выказваліся ў бок работнікаў міліцыі, кіраўніка краіны, распальвалі сацыяльную варожасць ці розніцу, аказвалі садзейнічанне ў экстрэмісцкай дзейнасці.

Наваполацкая папраўчая калонія № 1, якая месціцца паміж "Нафтанам" і "Палімірам", лічыцца адной з самых жорсткіх папраўчых устаноў у Беларусі. Згодна з інфармацыяй, у калоніі налічваецца мінімум 70 палітвязняў. Сярод іх былы кіраўнік "Белгазпрамбанка" и кандыдат на пасаду прэзідэнта Беларусі асуджаны Віктар Бабарыка.

Пашыранае паседжанне Каардынацыйнай рады грамадскіх арганізацый і палітычных партый адбылося 17 студзеня ў Віцебску, у якім прынялі крыху больш за 120 прадстаўнікоў партый і прадзяржаўных грамадскіх аб'яднанняў. Такім чынам улады прадэманстравалі жыхарам Віцебскай вобласці наяўнасць свайго варыянту «грамадзянскай супольнасці», якая «пашытая» па савецкіх лякалах.

На пасяджэнні Камітэта міністраў Савета Еўропы 18 студзеня шэраг еўрапейскіх краін, якія ўваходзяць у Еўрасаюз, выступілі з заявай аб сітуацыі з правамі чалавека ў Беларусі. Свае подпісы пад дакументам паставілі таксама прадстаўнікі іншых краін.

Сёлета ў Віцебскай вобласці выпускнікамі школ і гімназій стануць каля 5,3 тыс. адзінаццацікласнікаў. Ужо летам юнакам і дзяўчатам давядзецца на сабе адчуць "аб'ектыўнасць" і "роўнасць", падрыхтаванае рэалізацыяй Указа №2 які не так даўно быў падпісаны цяперашнім кіраўніком краіны. Гэтым дакументам зацверджана новая рэдакцыя Правілаў прыёму асоб для атрымання агульнай вышэйшай і спецыяльнай вышэйшай адукацыі. Эксперты сцвярджаюць, што перад будучымі студэнтамі і іх бацькамі, верагодна, паўстануць нечаканыя перашкоды пры паступленні ў ВНУ. 

Летась працягваўся і нарастаў надзвычай глыбокі грамадска-палітычны крызіс, у вытоках якога знаходзілася ўзурпацыя ўлады і яе засяроджванне на працягу чвэрці стагоддзя ў руках А. Лукашэнкі, вынікам якой сталі слабасць дэмакратычных інстытутаў, адсутнасць найважнейшых і абавязковых дэмакратычных гарантый, павагі і выканання правоў  чалавека і асноўных свабод. Поўны тэкст агляду можна паглядзець тут. 

Праваабаронца Павел Левінаў 16 студзеня 2023 года звярнуўся ў Генеральную пракуратуру з нагоды ўтрымання "вясноўцаў" Алеся Бяляцкага, Валянціна Стэфановіча і Уладзіміра Лабковіча закаванымі ў кайданкі падчас судовага разбіральніцтва па "справе "Вясны".

Кастрычніцкім судзе Віцебска 19 снежня 2022 года асудзілі Дзяніса Хаўханава паводле ч. 1 арт. 368 (Абраза Прэзідэнта Рэспублікі Беларусь) Крымінальнага кодэкса. Суддзя Сняжана Кіндзеева асудзіла Дзяніса на адзін год і два месяца пазбаўлення волі ў калоніі ва ўмовах агульнага рэжыма. Дзяніс мае групу інваліднасці па слыху, таму ў працэсе ўдзельнічаў перакладчык з мовы жэстаў.

На пазачарговай сесіі Гарадоцкага раённага Савета дэпутатаў 18 студзеня было разгледжана кадравае пытанне. На пасаду старшыні Гарадоцкага райвыканкама аднагалосна была зацверджана дэпутат Палаты прадстаўнікоў Нацыянальнага сходу Рэспублікі Беларусь 43-гадовая Ірына Палякова. Многія жыхары Гарадка лічаць, што яе пераход з дэпутацтва ў старшыні, ёсць «праява эгаізму» і «здрада» інтарэсаў дзясяткаў тысяч выбаршчыкаў, дзеля асабістай кар'еры.

Вынікі працы Віцебскага абласнога аб'яднання прафсаюзаў за 2022 год былі разгледжаныя 17 студзеня на паседжанні прэзідыума Рады гэтага аб'яднання, якім кіруе чалец Рады Рэспублікі Юры Дзяркач. У мерапрыемстве, якое прайшло ў аблвыканкаме, прынялі ўдзел абласная і гарадская ўлада, старшыні раённых, галіновых аб'яднанняў прафсаюзаў, прадстаўнікі грамадскіх арганізацый вобласці. Радавыя члены прафсаюзаў на сходзе адсутнічалі.