Вядома, што кіраўніка «Вясны» і нобелеўскага лаўрэата этапавалі ў канцы красавіка ў горацкую калонію № 9. Але нават афіцыйнага падцвярджэння яго знаходжання там дагэтуль няма. Тым не меньш, там пакутваюць разам з Бяляцкім, як мінімум яшчэ 10 палітзэкаў. У свой час, ў калоніі адбыў доўгі тэрмін палітвязень жыхар Віцебску Міхаіл Жамчужны.

З другога паўгоддзя 2022 года на ААТ "Полацк-Шкловалакно" значна пагоршылася эканамічная сітуацыя. Гэта з-за таго, што прадпрыемства стала ахвярай уведзеных санкцый з боку развітых краін свету і несумленнай канкурэнцыі на расійскім рынку з боку профільных кітайскіх прадпрыемстваў.

Як паведамляе сайт мясцовай раёнкі mijory.by, выкананне на Мёршчыне плана па экспарце турыстычных паслуг у 2022 годзе і задачы на сёлета сталі тэмай пасяджэння міжведамаснага каардынацыйнага савета па пытаннях развіцця турызму пры райвыканкаме. Мясцовыя ўлады знаходзяцца зараз у чаканні замежных турыстаў у сувязі з прыцягненнем бязвізу.

У Віцебску правялі панэльную дыскусію пра тое, як выхоўваць моладзь на прыкладах подзвігаў старэйшага пакалення. Паколькі ветэраны мінулай вайны сыходзяць, ідэалагічныя работнікі вобласці вырашылі, што цяпер вучнёўская і студэнцкая моладзь павінна сустракацца з былымі воінамі -інтэрнацыяналістамі. Прычым апошнія мусяць не чакаючы запрашэнняў з боку кіраўніцтва навучальных установаў, асабліва ВНУ, самім ініцыяваць сустрэчы з маладымі людзьмі ў межах разнастайных мерапрыемстваў патрыятычнага характару», піша гарадская газета «Витьбичи».

У Медыяцэнтры Віцебскай вобласці па ініцыятыве праўладнага грамадскага аб’яднання «Патрыёты Беларусі» прайшоў «круглы стол» на тэму «Інфармацыйная бяспека». У якасці экспертаў былі запрошаны сталічныя журналісты Ксенія Лебедзева, Станіслаў Яскевіч і Юлія Арцюх. Што такога здарылася ў сусветнай палітыцы ў 1993 годзе, ні госці, ні ініцыятары імпрэзы не ўдакладнілі. Але пра ідэалагічныя атакі гаварылася шмат, прычым арганізатары былі вымушаны прызнаць, што ў 2020 годзе ні ўлады, ні праўладныя грамадскія структуры не здолелі кіраваць грамадствам, саступіўшы «ідэалагічным апанентам».

Суддзя суда Віцебскага раёна Міхаіл Зубеня 26 красавіка прызнаў вінаватай у распаўсюджванні ў сацыяльных сетках экстрэмісцкіх матэрыялаў маці трох малалетніх дзяцей жыхарку аграгарадка Тулава Крысціну Бяляеву, і пакараў яе штрафам у памеры 740 рублёў.

Для ліквідацыі надзвычайных сітуацый Чашніцкі райвыканкам 21 лютага прыняў рашэнне стварыць або папоўніць ужо існуючы рэзерв матэрыяльных рэсурсаў. Для гэтых мэт з мясцовага бюджэту было зрасходавана не менш як 75 тыс. рублёў.

У пяці калоніях Віцебскай вобласці і СІЗА №2 зараз адбываюць пакаранне не менш за 250 палітвязняў. Практычна ўсе яны скардзяцца на праблемы з перапіскай, асабліва з тымі людзьмі, якія не ўваходзяць у кола блізкіх сваякоў.

У Беларусі пачалі адраджаць ваенізаваную камсамольскую гульню часоў Савецкага саюзу. Гульня «Арляня» — масавая ваенна-спартыўная гульня, у якой бралі ўдзел школьнікі 8—11 класаў, навучэнцы ПТВ і тэхнікумаў. Гэта аналаг піянерскай ваенна-спартыўнай гульні «Зарніца».

Суддзя Віцебскага абласнога суда Святлана Іванова 10 траўня пакінула без зменаў пастанову суддзі суда Полацкага раёна і г. Полацка Яны Марцулевіч у дачыненні да начальніцы аддзела прававой і кадравай працы Ірыны Базылёвай. На думку суддзі Івановай, суд першай інстанцыі правільна пакараў правапарушальніцу штрафам у 1110 рублёў за распаўсюд «экстрэмісцкіх» матэрыялаў. Цяпер пастанова набыла моц і Базылёвай давядзецца ўнесці грошы ў рэспубліканскі бюджэт.