Катэгорыя: Вясна

Шостага верасня ў Мінскім гарадскім судзе будзе агучаны прысуд адразу дзесяці палітзняволеным: каардынатарцы Валанцёрскай службы "Вясны" Марфе Рабковай, валанцёру Андрэю Чапюку, актывістам анархісцкага руху Акіхіру Гаеўскаму-Ханадзе, Аляксандру Францкевічу, Аляксею Галаўко, Аляксандру Казлянку, Паўлу Шпетнаму, Мікіце Дранцу, Андрэю Марачу, Данілу Чулю. Палітзняволенай праваабаронцы пагражае да 20 гадоў калоніі. 17 верасня будзе ўжо два гады як яна ўтрымліваецца за кратамі ў СІЗА-1. "Вясна" сабрала ўспаміны пра Марфу яе сукамерніц і тых, з кім яна сустракалася падчас зняволення. Вось, што распавядае былая вязніца "Валадаркі", якая ўтрымлівалася з Марфай у камеры вясной:

Катэгорыя: Вясна

У Мінскім гарадскім судзе 1 верасня асудзілі па "справе Зельцэра" палітзняволеную Наталлю Нікіціну, якая амаль 30 гадоў адпрацавала лекаркай. За каментары ў сацсетках яе прызналі вінаватай па арт. 369 (абраза прадстаўніка ўлады) і ч. 1 арт. 130 Крымінальнага кодэкса (распальванне іншай сацыяльнай варожасці). Суддзя Валянціна Зенькевіч прызначыла Наталлі адзін год і 10 месяцаў пазбаўлення волі, а таксама штраф у 200 базавых велічыняў (6400 рублёў ці амаль 2500 даляраў).  Жанчыну затрымалі 29 верасня 2021 года наўпрост на працы — у Мінскім цэнтры дзіцячай псіхіятрыі і псіхатэрапіі. За некалькі гадзінаў да затрымання ёй паведамілі пра звальненне. Наталлю затрымалі па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцара. За кратамі ў жодзінскай турме яе ўтрымлівалі амаль 11 месяцаў. У Наталлі двое сыноў. 

Катэгорыя: Вясна

Суд Наваполацка Віцебскай вобласці ў сярэдзіне ліпеня спыніў крымінальную справу па дыфамацыйным артыкуле 369 Крымінальнага кодэкса (абраза прадстаўніка ўлады). Прычына — смерць абвінавачанага. Тым не менш, суд канфіскаваў ноўтбук памерлага, з якога, паводле версіі абвінавачвання, былі пакінуты каментары. Вядома, што мясцовы жыхар знаходзіўся пад падпіскай аб нявыездзе, але суду так і не дачакаўся. Яму ставіліся ў віну тры "абразлівыя" каментары ў дачыненні да чыноўнікаў. Иллюстративное фото Ілюстратыўнае фота

Катэгорыя: Вясна

Мікіта Слепянок У Гомельскім абласным судзе 2 верасня працягваўся разгляд крымінальнай справы адміністратара культурна-гістарычнага Telegram-канала Rezystans палітзняволенага Мікіты Слепянка. Юнака абвінавачваюць у стварэнні экстрэмісцкага фарміравання і кіраванні ім (ч. 1 арт. 361-1 Крымінальнага кодэкса).

Катэгорыя: Вясна

Праваабарончы цэнтр "Вясна" на працягу жніўня фіксаваў тэндэнцыю на павелічэнне крымінальнага пераследу грамадзян па палітычных матывах. ПЦ» Вясна " вядома пра не менш як 98 грамадзян, асуджаных у жніўні па палітычных матывах. Суадносіны вядомых праваабаронцам жанчын і мужчын, асуджаных за жнівень у крымінальным парадку, складае 19.39% і 80.61% адпаведна. Ілюстрацыйнае фота.

Катэгорыя: Вясна

Ігар Леднік. У судзе Ленінскага раёна Мінска 2 верасня пачынаецца разгляд крымінальнай справы палітзняволенага сябра БСДП з Барысава Ігара Ледніка. Ветэрана партыйнага руху абвінавачваваюць у паклёпе на прэзідэнта (ч.2 арт. 367 Крымінальнага кодэкса).

Катэгорыя: Вясна

Віталь Рогач. Мінскі гарадскі суд  11 жніўня вынес прысуд Віталю Рогачу. Яго абвінавацілі ў арганізацыі і падрыхтоўцы дзеянняў, якія груба парушаюць грамадскі парадак (ч. 1 арт. 342), распальванні расавай, нацыянальнай, рэлігійнай альбо іншай сацыяльнай варожасці або варажнечы (ч. 1 арт. 130) і абразе прадстаўніка ўлады (арт. 369 Крымінальнага кодэкса).

Катэгорыя: Вясна

У Мінскім гарадскім судзе вынеслі чарговы прысуд па "справе Зельцэра". 32-гадовага палітзняволенага Івана Рагатнёва асудзілі па "справе Зельцэра" да аднаго года і сем месяцаў калоніі ва ўмовах агульнага рэжыма. Яго абвінавацілі па ч. 1 арт. 130 Крымінальнага кодэкса (распальванне іншай сацыяльнай варожасці). Справу ў закрытым рэжыме разглядала суддзя Святлана Бандарэнка. 

Катэгорыя: Вясна

У Віцебскім абласным судзе 26 жніўня вынеслі прысуд 34-гадоваму Аляксею Рэзнікаву – чатыры з паловай гады калоніі ва ўмовах агульнага рэжыму. За пасты і рэпосты "ВКонтакте" яго абвінавацілі па пяці артыкулах Крымінальнага кодэкса: ч. 1 арт. 130 (распальванне іншай сацыяльнай варожнасці), ч. 1 арт. 130-1 (рэабілітацыя нацызма), ч. 1 арт. 368 (абраза Лукашэнкі), арт. 369 (абраза прадстаўніка ўлады) і арт. 370 (здзек з дзяржаўных сімвалаў). Вядома, што Аляксей працаваў раней за мяжой, але вясной з-за цяжкага стану ягонай маці ён вярнуўся да дому, дзе і быў затрыманы. Праз тры дні пасля арышту сына памерла ягоная маці. Мужчына застаўся без сваякоў і знаходзіцца больш за чатыры месяца пад арыштам ў віцебскім СІЗА № 2. Суддзя Яўген Буруноў разглядаў справу ў закрытым рэжыме.  Паводле версіі абвінавачвання, Аляксей Рэзнікаў "падзяляючы і прытрымліваючыся ідэй сацыяльнай нецярпімасці да прадстаўнікоў улады, выказваючы адкрытую праяву непрыязнасці, размясціў у агульнадаступных акаўнтах сацыяльнай сеткі "ВКонтакте" публікацыі з фотавыявай кіраўніка дзяржавы і надпісамі ў яго адрас, у якіх утрымліваліся рэзка негатыўная ацэнка асобы прэзідэнта Беларусі, ілжывыя выдумкі, якія абражаюць яго чалавечую годнасць, зневажальныя пажаданні, злучаныя з непавагай".

Катэгорыя: Вясна

Перад прыездам у Грузію Аліна Стэфановіч інстыктыўна ўставала на досвітку і чакала 7:00. Улетку мінулага года беларуская міліцыя прыехала да яе сям'і роўна а 7-й гадзіне раніцы, правяла дома ператрус і арыштавала мужа Аліны. Пасля гэтага яны больш не бачыліся. Аліна паводле прафесіі перакладчыца, шмат гадоў супрацоўнічае з грамадскімі і медыйнымі арганізацыямі, а ейны муж Валянцін Стэфановіч з'яўляецца віцэ-прэзідэнтам Міжнароднай федэрацыі за правы чалавека (FIDH) і намеснікам старшыні "Вясны", адной з вядучых праваабарончых арганізацый Беларусі.