Пакуль гэта ўсяго толькі чарговае абяцанне. Папярэдняе прагучала восенню мінулага году. 6-га лістапада старшыня Віцебскага гарвыканкама Аляксей Героеў правёй выяздную нараду ў  лазнева-аздараўленчым комплексе па вул. Воінаў-Інтэрнацыяналістаў у Віцебску, які ўжо другое дзесяцігоддзе абяцаюць «вось-вось адчыніць». Тады ён казаў, што аб’ект адчыняць у першым квартале 2025 года.

У пералік "асобаў, схільных да экстрэмісцкай дзейнасці", 14 сакавіка ўключылі  ўраджэнцаў Віцебска Аляксандра Рандарэнку і Максіма Старасценку, аршанца  Андрэя Фалькова  і глыбачаніна Сяргея Міхалевіча. Трое з іх, апрача Рандарэнкі, асуджаны за ўдзел у пратэстах 2020-га года.

У пералік "асобаў, схільных да экстрэмісцкай дзейнасці, уключылі 57-гадовага глыбачаніна Сяргея Міхалевіча. Сёлета ў лютым яго судзілі па ч. 1 арт. 342 Крымінальнага Кодэкса (арганізацыя і падрыхтоўка дзеянняў, якія груба парушаюць грамадскі парадак або удзел у іх). На сайце ведамства пазначана "судзімасць не пагашана", і гэта дае падсьавы меркаваць, што мужчына асуджаны да "хіміі".

14 сакавіка ў  пералік асобаў, датычных да экстрэмісцкай дзейнасці, дадалі  імя і прозвішча  аршанца Андрэя Фалькова. З дадзеных у гэтым спісе  вядома, што суд Заводскага раёна Мінска прызнаў мужчыну вінаватым паводле ч.1 арт. 342 Крымінальнага Кодэкса  (арганізацыя групавых дзеянняў, якія груба парушаюць грамадскі парадак, альбо актыўны ўдзел у такіх дзеяннях). Па гэтым артыкуле, як правіла, судзяць удзельнікаў пратэстаў 2020 года, і Андрэй Фалькоў, падобна,  браў удзел у акцыях пратэсту ў сталіцы.