Тых, хто аддае перавагу замежным вытворцам, Карына Яроцкая лічыць рэтраградамі: маўляў, “многие до сих пор живут стереотипами тридцатилетней давности, полагая, что всё импортное – гарантия качества”. І нахвальвае беларускую эканоміку, якая "дазваляе" мець у асартыменце 70-80% тутэйшай прадукцыі.

У адпаведнасці  з рашэннем Аршанскага райвыканкама №1114 ад 22 чэрвеня 2026 года, спыняецца функцыянаванне батанічнага помніка прыроды мясцовага значэння Дэндрасад і геалагічнага Аланцьеўская града. Прычына — неадпаведнасць крытэрыям абвяшчэння помнікаў прыроды. Асаблівы пацярпець можа Дэндрасад, бо ён асабліва вымагае догляду. да таго ж гэта не толькі помнік прыроды, але і сведчанне чалавечага таленту і руплівай працы на карысць роднага краю.

У міліцыі вырашылі загнаць асобаў, якія стаяць на ўліку, на працу ў сельскай гаспадарцы. На практыцы гэта выглядала так: беспрацоўнага, які стаіць на ўліку, да прыкладу, у Крымінальна-выканаўчай інспекцыі, выклікалі на “прафілактычную гутарку” у ГАУС і пасля “выхаваўчай працы” змушалі падпісаць дамову падраду з канкрэтнай гаспадаркай. Такім чынам на час уборачнай кампаніі меркавалася забяспечыць сельгасарганізацыі дадатковымі кадрамі.

Віцебскі аблсавет прыняў рашэнне павялічыць штомесячныя выплаты маладым спецыялістам, якія працуюць у сельскай гаспадарцы. Такія выплаты маладыя людзі на працягу першых трох гадоў працы атрымліваюць з абласнога бюджэту, і раней сума складала 1 тысячу рублёў. Цяпер будзе 1 600. Аднак разлічваць на даплату змогуць толькі тыя маладыя спецыялісты, якія заключылі працоўныя кантракты не менш як на 5 гадоў.