У Вушачах на штогадовую «лятучку» збіралі кіраўнікоў рэгіянальных СМІ
Гэткая завядзёнка існуе ўжо некалькі гадоў: рэдактараў газет Віцебскай вобласці склікаюць на нараду ў адным з райцэнтраў, каб падзяліцца досведам. Рэгіён, дзе праходзіць сустрэча, абіраюць паводле дасягненняў мясцовай газеты. Сёлета было вырашана збірацца ў Вушачах, гасцей прымала рэдакцыя раённай газеты «Патрыёт». Тэматыка сустрэчы была прысвечана прасоўванню кантэнту ў лічбавым асяродку і ўзаемадзеянні журналістаў з экспертнай супольнасцю.
Пытанні газіфікацыі, добраўпарадкавання і водазабеспячэння турбуюць жыхароў Браслаўшчыны
Генеральны дырэктар ВРУП «Віцебскаблгаз», дэпутат Віцебскага аблсавета па Браслаўскай выбарчай акрузе № 53 Аляксандр Бранцэвіч на мінулым тыдні ў Браславе правёў прыём грамадзян.
У Шаркаўшчынскім раёне засталося 6 сярэдніх школ і 6 дашкольных устаноў
Таксама там, як і ў іншых раёнах Віцебскай вобласці, не хапае педагогаў. У мінулым годзе ў Шаркаўшчынскі раён прыехаў толькі адзін малады спецыяліст у сферы педагогікі.
Чытачам газеты «Витьбичи» расказалі, чаму Беларусі неабходны прэзідэнт
А паколькі прэзідэнцкую пасаду цягам апошніх 30 гадоў займае адзін і той самы чалавек, у чытачоў павінна стварыцца ўражанне, што менавіта ён – самы неабходны... У якасці эксперта па гэтым пытанні журналістка Наталля Драздова распытала кандыдата гістарычных навук, чальца таварыства палітолагаў Дзяніса Юрчака. Ён вядомы ў Віцебску скептычным стаўленнем да тых момантаў у гісторыі Беларусі, дзе лёсавызначальную ролю адыгрывала народнае меркаванне. Гутарка прысвечана 30-годдзю прэзідэнцкіх выбараў, у выніку якіх краінай нязменна кіруе Аляксандр Лукашэнка.
Санітарныя лекары рэкамендуюць як падарожнічаць бяспечна для здароўя
Кіраўніцтва Віцебскага абласнога цэнтра гігіены, эпідэміялогіі і грамадскага здароўя 17 чэрвеня размясціла на сайце медустановы спіс 9 рэгіёнаў свету і 200 краін, у якіх апошнім часам рэгістраваліся выпадкі інфекцыйных захворванняў небяспечных для жыцця і здароўя людзей. На думку медыкаў, гэтую інфармацыю павінны ўлічваць грамадзяне, якія збіраюцца сёлета адправіцца ў падарожжа ці на адпачынак за межамі Беларусі.