Браслаўчане звярнулі ўвагу на якасць ямачнага рамонту дарожнага пакрыцця ў вёсцы Рубеж, што на Браслаўшчыне. «Раней аб'язджалі ямы, а зараз гарбы. Зразумела, што ўвесь асфальт пабіты, але гэта ж таксама не рамонт!” – усклікае браслаўчанка.

Регіянальная пракуратура ўнесла старшыні Вітаблвыканкама Субоціну прадстаўленне, па выніках разгляду якога былі прыняты меры для ўстаранення парушэнняў заканадаўства пры аказанні дзяржмедустановамі дапамогі насельніцтву. Акрамя таго, выканкамамі прыняты дадатковыя меры па замацаванні маладых спецыялістаў па месцах працы. За недагляды ў працы прыцягнуты да дысцыплінарнай адказнасці 10 службовых асоб.

Спецыялісты Лепельскага раённага ЦГіЭ зрабілі санітарны нагляд гандлёвых аб'ектаў горада з максімальным выкарыстаннем мер прафілактычнага і папераджальнага характару. Піша мясцовая раёнка.

Там створаная так званая мабільная група з прадстаўнікоў райвыканкама, праваахоўных і кантрольна-наглядных органаў, прафсаюзаў, якая павінна аказваць практычную і метадычную дапамогу наймальнікам у выкананні заканадаўства аб ахове працы. Летась яны 63 разы наведалі арганізацыі і  выявілі 532 парушэнні, 12 % якіх  ліквідавалі ў рабочым парадку. Большасць з іх не патрабавала значных фінансавых выдаткаў. Іх прычына – неналежны кантроль за выкананнем работнікамі і службовымі асобамі патрабаванняў па ахове працы. Пра гэта паведаміў начальнік упраўлення па працы і сацыяльнай абароне Мёрскага райвыканкама Вячаслаў Бялько.