Віцебскія актывісты БХД сабралі 945 подпісаў за будаўніцтва сьмецьцеперапрацоўчага камбінату
Віцебскія актывісты аргкамітэту па стварэньні партыі “Беларуская хрысьціянская дэмакратыя” Тацьцяна Севярынец і Алена Шабуня перадалі ў Камітэт дзяржкантролю 945 подпісаў на 48 падпісных аркушах за будаўніцтва сьмецьцеперапрацоўчага камбінату. Подпісы былі сабраныя падчас мясцовай кампаніі: як падчас збору подпісаў, так і агітацыйнай кампаніі. Прымаў іх у КДК Віталь Сьцяпанаў, які ўсю размову з актывісткамі запісаў на дыктафон.
Генпракуратура адмовіла родным Ўладзіслава Кавалёва ў аднаўленьні справы
Генэральная пракуратура Беларусі адмовіла сваякам Уладзіслава Кавалёва, аднаго з двух расстраляных два гады таму па абвінавачаньні ва ўчыненьні тэракту ў менскім мэтро, у аднаўленьні справы па новаадкрытых акалічнасьцях. Пра гэта паведаміў праваабаронца Раман Кісьляк.
Чарговы хабарнік затрыманы ў Віцебску
Па падазрэньні ў атрыманьні хабару затрыманы намесьнік дырэктара адной з устаноў адукацыі Віцебску. Упраўленьнем Сьледчага камітэту Рэспублікі Беларусі па Віцебскай вобласьці распачатая крымінальная справа ў дачыненьні да намесьніка дырэктара ДУА “Віцебскі вучэбна-курсавы камбінат падрыхтоўкі, павышэньня кваліфікацыі і перападрыхтоўкі кадраў”, які атрымаў хабар за спрыяльнае вырашэньне пытаньня аб выдачы пасьведчаньня аб падрыхтоўцы кіроўцы.
Конны клюб у Полацку арганізаваў бясплатныя катаньні на конях для дзяцей-сірот
Дабрачынную акцыю «Працягні руку дапамогі дзецям» арганізаваў конны клюб «Жывое захапленьне» пры падтрымцы Дзіцячага музэю-філіялу Нацыянальнага Полацкага гісторыка-культурнага музэю-запаведніку.
На Смаленшчыне зьбіраюць подпісы за далучэньне краю да Беларусі
Ініцыятары акцыі патрабуюць правядзеньня рэфэрэндуму. На сайце грамадзкіх пэтыцыяў avaaz.org зьбіраюць подпісы за правядзеньне рэфэрэндуму аб уступленьні Шумяцкага раёну Смаленскай вобласьці ў склад Рэспублікі Беларусь. Зварот адрасуецца адміністрацыі Смаленскай вобласьці і адміністрацыі Шумяцкага раёну. Тэкст петыцыі такі:
Выдаўца «Крывінкі» аштрафавалі на 7 з паловай мільёнаў рублёў
Штраф памерам 50 базавых велічынь – максымальны паводле ч.2 артыкулу 22.9 КаАП. Суд прызнаў, што Георгі Станкевіч парушыў правілы распаўсюду газэты “Крывінка” і патрабаваньні да выдавецкай дзейнасьці. З матэрыялаў справы высьветлілася, што адміністрацыйны перасьлед Георгія Станкевіча распачаўся з ананімкі. Прычым у ёй не было ані слова непасрэдна пра газэту “Крывінка”.
Палачане пратэстуюць супраць пабудовы новай крамы (відэа)
Жыхары шматкватэрнага дому № 33 па вуліцы Кастрычніцкай у Полацку 2 красавіка пратэставалі супраць пабудовы ў двары іхнага дому крамы бытавой хіміі. Сход па скарзе жыхароў ладзілі прадстаўнікі райвыканкаму. На сходзе жыхароў прысутнічаў і прадпрымальнік, які будуе краму. Пакуль будаўніцтва прыпынілі ўлады Полацку.
Актывіст КХП-БНФ судзіцца з Гарадоцкім райвыканкамам
3 красавіка судзьдзя суду Гарадоцкага раёну Алена Віхаценка пачала разгляд скаргі Яна Дзяржаўцава на парушэньне яго законных правоў і інтарэсаў супрацоўнікамі Гарадоцкага райвыканкаму. На думку актывіста КХП-БНФ, адказныя работнікі Гарадоцкага райвыканкаму парушылі закон “Аб зваротах грамадзян і юрыдычных асоб”.
У дачыненьні да намесьніка старшыні Аршанскага райвыканкаму Івана Хурбатава заведзеная крымінальная справа
Крымінальная справа зьвязаная зь дзейнасьцю прыватнай фірмы “ТопЕвроСтрой”, заснавальнікам якой зьяўляецца сын чыноўніка. Паводле слоў відавочцаў, 2 красавіка прайшлі ператрусы дома ў чыноўніка і ў яго службовым габінэце ў райвыканкаме. Сам Іван Хурбатов затрыманы сьледчымі органамі. Які менавіта артыкул Крымінальнага Кодэксу ставіцца ў віну затрыманаму пакуль высветліць не ўдалося.
Алену Каваленку будуць судзіць за пікет
Актывістку Кансэрватыўна-хрысьціянскай партыі — БНФ Алену Каваленку, жонку былога палітзьняволенага Сяргея Каваленкі, будуць судзіць 15 красавіка за правядзеньне несанкцыянаванага пікету. 1 красавіка Алену Каваленку выклікалі ў апорны пункт міліцыі, дзе ўчастковы склаў на яе пратакол паводле артыкулу 23.34 Кодэксу аб адміністрацыйных правапарушэньнях.