Дзяржкантроль выявіў парушэньні на Мёрскім мясакамбінаце
Камітэт дзяржаўнага кантролю Віцебскай вобласьці выявіў факты неэфэктыўнага выкарыстаньня прадпрыемствамі рэгіёну дзяржаўнай падтрымкі, у сьпіс парушальнікаў трапіў і ААТ “Мёрскі мясакамбінат”. ААТ “Мёрскі мясакамбінат” не па мэтавым прызначэньні (на пагашэньне крэдыту) накіравана Br1,8 млрд, або 16% пазыкаў, дадзеных на папаўненьне ўласных абаротных сродкаў. Апроч таго, неэфэктыўна выкарыстаныя Br4,5 млрд - грошы пайшлі на авансаваньне сельгасарганізацыяў, якія маюць пратэрмінаваную запазычанасьць.
У кіраўніцтва «Нафтану» арыштавалі больш за паўмільёна даляраў
Сьледчым камітэтам працягваецца расьсьледаваньне крымінальнай справы ў дачыненьні да службовых асоб адкрытага акцыянэрнага таварыства «Нафтан». Пра гэта паведамілі ў Сьледчым камітэце. У цяперашні час пад вартай знаходзяцца 6 чалавек - 3 службовыя асобы прадпрыемства, уключаючы намесьніка генэральнага дырэктара ААТ «Нафтан», і тры прадстаўнікі суб’ектаў гаспадараньня прыватнай формы ўласнасьці.
Несумленныя падрадчыкі нажываюцца на будаўніцтве шпіталяў
Больш як на 600 мільёнаў рублёў былі завышаныя аб’ёмы будаўнічых работ на аб’ектах сыстэмы аховы здароўя ў Віцебскай вобласьці. Як паведаміў Камітэт дзяржаўнага кантролю, такая сытуацыя характэрная для будаўніцтва ўсіх сацыяльна значных аб’ектаў.
Віцябчук скардзіцца на старшыню райсуду
Жыхар Віцебску Павал Тулубенскі зьвярнуўся з заявай у Вярхоўны Суд Рэспублікі Беларусі. У сваёй заяве ён просіць кіраўніцтва вышэйшай судовай інстанцыі краіны прыцягнуць да адказнасьці і адхіліць ад займаемай пасады старшыню суду Кастрычніцкага раёну Віцебску Яўгена Бурунова. На думку заяўніка, судзьдзя Буруноў вынес у дачыненьні да яго неправасуднае рашэньне па адміністрацыйнай справе.
Віцебск застаецца ў лідэрах па коштах на жытло
Віцебск, другі па дарагоўлі жытла абласны цэнтар краіны, апошнія 12 месяцаў адчувае рэзкае зьніжэньне цікавасьці з боку пакупнікоў кватэр. Калі ў другой палове 2013 году попыт на кватэры ў Віцебску быў адным з самых высокіх у краіне, то ў мінулым квартале колькасьць зьдзелак куплі-продажу, якія зьдзяйсьняюцца, скарацілася да найгоршага за апошнія 3 гады паказчыка.
Акцыя БХД у Білеве: збор сродкаў для мясцовых уладаў
У розных пунктах віцебскіх мікрараёнаў Білева актывісты аргкамітэту па стварэньні партыі “Беларуская хрысьціянская дэмакратыя” 4 жніўня правялі акцыю па зборы сродкаў для ўладаў. “На ўсе нашы звароты, на шматысячныя подпісы гараджанаў аб будаўніцтве сьмецьцеперапрацоўчага заводу, паліклінічнага комплексу і іншых важных для Білева аб’ектаў улады стабільна адказваюць, што ў іх няма грошай”, - патлумачыла сэнс акцыі каардынатар аргкамітэту БХД у Віцебскай вобласьці Тацьцяна Севярынец.
Жыхарам Віцебску ўдалося дамагчыся «амаль цьвярозай» зоны адпачынку
Пасьля масавых зваротаў да гарадзкіх уладаў, складаньня інтэрнэт-пэтыцыяў і скаргаў у розныя інстанцыі просьба аматараў актыўнага правядзеньня часу была задаволеная: у зоне адпачынку на набярэжнай Віцьбы больш не прадаюць моцных сьпіртовых напояў.
Сярэдні конкурс у ВНУ Віцебшчыны склаў 1,4 чалавека на месца. На шэраг спэцыяльнасьцяў конкурс адсутнічаў наогул
Ва ўступных іспытах на бюджэтную форму навучаньня конкурс наогул адсутнічаў (менш за аднаго чалавека на месца) у ВДУ на спэцыяльнасьці “фізыка (навукова-вытворчая дзейнасьць)” - 0, “матэматыка і інфарматыка” - 0,4, “прыкладная матэматыка (навукова-пэдагагічная дзейнасьць)” - 0,5 , “сацыяльная пэдагогіка” - 0,9; у ПДУ з улікам правядзеньня дадатковага набору на спэцыяльнасьці “кампутарная бясьпека” - 0,5, “мадэляваньне і кампутарнае праектаваньне радыёэлектронных сродкаў” - 0,6, “тэхнічная праца і прадпрымальніцтва” - 0,7, “радыётэхніка” - 0,9.
Ірына Яскевіч: Патрэбна ўвесьці нацыянальны сэртыфікат якасьці
Гандляваць становіцца ўсё цяжэй, а ўлады не дапамагаюць, а наадварот робяць умовы працы дробных прадпрымальнікаў усё больш складанымі. Як прыгадвае старшыня стваранага прафсаюзу „Разам“ Ірына Яскевіч зь Віцебску, Беларусь знаходзіцца ў Мытным Саюзе з Расеяй ды Казахстанам, а з 2015 году ўзьнікае яшчэ Эўразійскі эканамічны саюз, а таму трэба ствараць роўныя ўмовы для прадпрымальнікаў на ўсёй гэтай прасторы.
У Віцебску прайшла сустрэча з аргкамітэтам па сьвяткаваньні 500-годзьдзя Аршанскай бітвы (дададзена відэа)
Імпрэза адбылася 25 ліпеня ў віцебскім “Эўрапейскім клюбе”. Перад прысутнымі выступіў мастак, сябра Беларускага саюзу мастакоў, ураджэнец Воршы, намесьнік старшыні аргкамітэту Мікола Купава, які распавёў пра гістарычную бітву і яе адлюстраваньне на знакамітай карціне невядомага мастака “Бітва пад Воршай”, якая захоўваецца ў Варшаўскім мастацкім музэі. Копію карціны можна ўбачыць у аршанскім касьцёле сьвятога Язэпа.