26 сакавіка, падчас таго як Сяргей ішоў на прабежку, на яго быў здзейснены напад. Абараняючы сваё жыцьцё, Каваленка атрымаў чатыры нажавых раненні, быў шпіталізаваны з глыбокімі парэзамі ногі сярэдняй цяжкасці, якія прывялі да частковай страты працаздольнасці.

Напярэдадні 31 сакавіка, калі зварот Лукашэнкі быў заяўлены ў праграме дзяржаўнага тэлебачання, віцебская дзяржаўная прэса пачала публікаваць матэрыялы пра тое, «чаго чакаюць ад паслання» жыхары розных рэгіёнаў. Цяпер ракурс змяніўся: у газетах пачалі з’яўляцца публікацыі пра тое, якія ўражанні атрымалі ад паслання ўдзельнікі чыноўніцкіх дэлегацый, што слухалі Аляксандра Лукашэнку непасрэдна, і шараговыя грамадзяне – гледачы трансляцыі па БТ.

31 сакавіка 10 сутак арышту прысудзілі кандыдату філасофскіх навук Ігару Бортніку, старшых навуковых супрацоўнікаў Полацкага гісторыка-культурнага музея-запаведніка запаведніка запаведніка Касцючэнку і Шыбко асудзілі на 15 сутак. 30 сакавіка ў судзе Полацку і Полацкага раёну 15 сутак арышту прысудзілі былой супрацоўніцы музея-запаведніка запаведніка Алене Ходзікавай.

Затрыманаму ў Глыбокім бодзібілдару Аляксандру Шарабайка следчыя інкрымінуюць крымінальнае злачынства згодна арт. 368 (Абраза Прэзідэнта РБ) Крымінальнага кодэкса РБ.  Да гэтага, 13 сакавіка, Аляксандр быў арыштаваны судом да адміністратыўнага арышта на 10 сутак.

29 сакавіка выйшаў на волю актывіст  Свабоднага прафсаюза Беларускага Віктар Стукаў.. Яго затрымалі сілавікі 14 сакавіка ў Полацку з прымяненнем кайданоў.. Дома ў яго правялі  ператрус, забралі тэхніку і ўсе прадметы бел-чырвона-белага колеру. І спрабавалі запісаць з ім пакаяльнае відэа. Але ў сілавікоў нічога не атрымалася, бо актывіст спаслаўся на артыкул 27 Канстытуцыі і не стаў нічога гаварыць. Пасля яго завезлі ў Полацкі ІЧУ і на наступны дзень судзілі па частцы 2 артыкула 19.11 КаАП за лайк у сацыяльнай сетцы "Фэйсбук" матэрыяла з ютуб- канала "Радыё свабода". Хоць  прафсаюзны актывіст не прызнаў сваёй віны, але суддзя Уладзімір Бясецкі ўсё адно прысудзіў яму 15 сутак арышту.

Адбыліся суды над затрыманымі 29 сакавіка супрацоўнікамі полацкай музейнай сістэмы. Былой дырэктарцы Полацкага гісторыка-культурнага музея-запаведніка Тамары Джумантаевай, фатографу Кірылу Смалякову і электрыку ўстановы (прозвішча ўдакладняецца) прысудзілі па 15 сутак арышту «за распаўсюд экстрэмісцкіх матэрыялаў». Іх трымаюць у Полацкім ІЧУ. Асуджаны да такога ж арышту кандыдат філасофскіх навук Ігар Бортнік знаходзіцца ў наваполацкім ЦІПе.

Бешанковіцкая газета «Зара» надрукавала артыкул «Ветераны Бешенковиччины – за единение народов Беларуси и России». Але за гэтым шматзначным загалоўкам прыхавалася падзея зусім не значнага маштабу: у аддзяленні дзённага ўтрымання асобаў сталага ўзросту пры сацыяльным цэнтры абслугоўвання насельніцтва правялі імпрэзу да Дня яднання Беларусі і Расеі - дзяржаўнага свята, якое адзначаецца 2 красавіка. Мяркуючы па фотаздымку ў «раёнцы», у тык званай «дыялогавай пляцоўцы» узялі ўдзел усяго 9 чалавек, і тое – разам з запрошанымі гасцямі.

Усе мясцовыя газеты, ад абласной да раённых, цягам апошніх двух дзен размяшчаюць матэрыялы пад практычна аднолькавымі назовамі: «Чаго жыхары раену (назвы раенаў мяняюцца) чакаюць ад паслання прэзідэнта». Змест гэтых матэрыялаў адрозніваецца хіба тым, што адны пішуць, як распытвалі мінакоў на вуліцы, а другія, не ўскладняючы жыцце сваім карэспандэнтам, адразу накіроўвалі іх да чыноўнікаў, кіраўнікоў прадпрыемстваў або прадстаўнікоў праўладных грамадскіх арганізацый. Падобна, сёлета рэдакцыям быў дадзены загад стварыць ілюзію таго, што выступ Аляксандра Лукашэнкі – гэта нейкая доўгачаканая падзея, якая цікавіць усіх насельнікаў Беларусі.

Праваабарончая супольнасць прызнала палітычным зняволеным 27-гадовага жыхара Оршы, якога вінавацяць у садзейнічанні экстрэмісцкай дзейнасці паводле ч. 1 арт. 361-4 Крымінальнага кодэкса. Санкцыя гэтага артыкула прадугледжвае максімальнае пакаранне ў выглядзе шасці гадоў пазбаўлення волі. 30 сакавіка ў Віцебскім абласным судзе над Яраславам Казакевічам распачаўся суд. Працэс у закрытым рэжыме вядзе Галіна Бондал.

Затрыманыя працуюць у полацкай музейнай сістэме – Нацыянальным Полацкім гісторыка-культурным музеі-запаведніку. У іх ліку – былая дырэктарка Тамара Джумантаева, кандыдатка культуралогіі, кандыдат філасофскіх навук Ігар Бортнік, шэраговыя супрацоўнікі, экскурсаводы і нават электрык. Найверагодней, усіх затрымалі «за распаўсюд экстрэмісцкіх матэрыялаў» – паводле ч.2 артыкула 19.11 КаАП.