"Пашчыравалі" і раённыя суды, і суд Чыгуначнага раёна Віцебска. Нагадваем механізм, паводле якога дзенічае сістэма: рэгіянальныя пракуратуры няспынна займаюцца маніторынгам Інтэрнэту, "вылоўліваюць крамолу" і складаюць пазовы ў суды. Апошнія, у сваю чаргу, пракуратурам не пярэчаць і спраўна прызнаюць інтэрнэт-рэсурсы "экстрэмісцкай інфармацыйнай прадукцыяй". Паміж пракуратурамі і судамі ідзе негалоснае спаборніцтва, хто болей "выкрые экстрэмістаў". Таму барацьба вядзецца за колькасць, а інтэрнэт-рэсурсы, змест якіх прызнаны "экстрэмісцкім", могуць не мець да канкрэтнага рэгіёну ніякага дачынення.