Затрымаць удалося "мінімум 277 чалавек, з іх 26 непаўналетніх дзяцей", як паведамляюць афіцыйныя крыніцы. Верагодна, камусьці ўдалося схавацца ў лесе і не трапіць у тыя 3 аўтобусы, якія прыгналі для транспарціроўкі людзей на разбіральніцтва і складанне пратаколаў. Сярод ночы затрыманых прывезлі ў раённы Дом культуры, але 26 дзяцей разам з бацькамі размясцілі ў фізкультурна-аздараўленчы цэнтры «Старт», "дзе для іх былі створаны нармальныя бытавыя ўмовы і арганізавана дзяжурства брыгад хуткай медыцынскай дапамогі", як сцвярджаюць афіцыйныя крыніцы.

Асобную ўвагу прыцягнула геаграфія ўдзельнікаў. Сярод затрыманых было выяўлена 68 замежных грамадзян (67 з якіх — жыхары Расійскай Федэрацыі і адзін грамадзянін Ізраіля). Некаторым замежнікам пагражае дэпартацыя. 

Ліна Магілянская