- Вы тут:
-
Галоўная
- Вясна
- Катэгорыя: Вясна
Апошняя сітуацыя з рэпрэсіямі над удзельнікамі акцый “кармлення галубоў” і сустрэч з блогерам Ціханоўскім прадэманстравала новы “стыль” паводзінаў у дачыненні да затрыманых актывістаў: іх судзяць, прызначаюць штраф, а потым, адразу пасля судовага паседжання, затрымліваюць ізноў і адвозяць у ІЧУ, каб потым быць асуджанымі па іншаму эпізоду ў межах аднаго і тако ж артыкула КаАП. Напрыклад, 10 мая на чарговай нядзельнай акцыі “кармлення галубоў” у Брэсце былі затрыманы праваабаронцы Уладзімір Вялічкін і Раман Кісляк. Яны правялі два дня ў Ізалятары часовага ўтрымання ў чаканні судовага паседжання, якое ўрэшце адбылося 12 мая у судзе Ленінскага раёна г. Брэста. Рашэннем суда яны былі прызнаныя вінаватымі ў здзяйсненні правапарушэнняў, прадугледжаных арт. 23.34 КаАП (Парушэнне парадку арганізацыі або правядзення масавых мерапрыемстваў), і пакараныя штрафамі. Пасля вынясення рашэння суда яны былі зноў затрыманыя прама ў будынку суда. Пазней стала вядома, што ў дачыненні да іх вядзецца адміністрацыйны працэс па усё тым жа арт 23.34 КаАП. Такім жа чынам у зале суда, пасля вынясення рашэнняў аб штрафах былі затрыманыя і іншыя брэсцкія актывісты: Валер Фамінскі, Дзяніс Малышэка, Уладзімір Мароз, Віталь Казак і Уладзімір Дземенціюк.
- Катэгорыя: Вясна
У Брэсце працягваюцца суды над праціўнікамі завода АКБ, якія кожную нядзелю выходзяць на цэнтральную плошчу горада на акцыю па "кармленні галубоў". Таксама суды чакаюцца над праваабаронцамі Раманам Кісляком і Уладзімірам Вялічкіным. Цікава, што многіх днямі судзілі ўжо паводле артыкула 23.34 КаАП, але пасля суда, дзе ім прысуджалі вялікія штрафы, іх зноўку затрымлівалі і адвозілі ў ІЧУ. Сярод такіх — праваабаронца "Вясны" Уладзімір Вялічкін, праваабаронца Раман Кісляк, актывісты Дзяніс Малышэнка, Валеры Фамінскі, Уладзімір Мароз, Віталь Казак. У 11:00 адбыўся разгляд адміністрацыйнай справы паводле артыкула 23.34 КаАП актывіста Уладзіміра Мароза. Суд Ленінскага раёна аштрафаваў актывіста на 30 базавых велічыняў (810 рублёў).
- Катэгорыя: Вясна
Па апошніх звестках палітвязень Міхаіл Жамчужны, які адбывае пакаранне ў Горацкай калоніі, адчувае сябе нармальна і перадае словы падзякі за падтрымку, якая яму аказваецца з волі.
- Катэгорыя: Вясна
Па дадзеных, якімі Праваабарончы цэнтр “Вясна” валодае па стане на 13 траўня, у Беларусі ў перыяд з 6 траўня былі затрыманы каля 120 чалавек, якія ўдзельнічалі ў акцыях пратэсту, прыходзілі на сустрэчу з блогерам Сяргеем Ціханоўскім ці выходзілі на акцыі ў яго падтрымку пасля затрымання блогера. Міліцыя склала прыкладна такую ж колькасць патаколаў (каля 120) за парушэнне заканадаўства аб масавых мерапрыемствах (па арт. 23.34 КаАП). Пад пераслед трапілі таксама праваабаронцы і журналісты, якія назіралі ці асвятлялі акцыі.
- Катэгорыя: Вясна
Абсерваторыя па абароне праваабаронцаў, партнёрская праграма Міжнароднай федэрацыі за правы чалавека (FIDH) і Сусветнай арганізацыі супраць катаванняў (OMCT), заклікае спыніць пераслед супраць экалагічнай актывісткі і праваабаронцы ПЦ “Вясна” Алены Маслюковай, і “рашуча асуджае” ператрус у яе кватэры і незаконную канфіскацыю абсталявання ў кантэксце рэпрэсій супраць экалагічнага руху ў Светлагорску.
- Катэгорыя: Вясна
Як паведамляе праваабаронца з Оршы Ігар Казмерчак, сёння днём ў Дубоўна быў затрыманы Міхаіл Чамурака. Мужчына паспеў паведаміць праваабаронцу пра сваё затрыманне, пазней яго адвезлі ў Оршу.
- Катэгорыя: Вясна
У сераду, 13 траўня, суд Савецкага раёна Мінска асудзіў актывіста Пятра Маркелава на 10 сутак адміністрацыйнага арышту. Суддзя Вера Галоўкава абвінаваціла актывіста па двум адміністрацыйным артыкулам: 17.1 (хуліганства) і 23.4 КаАП (непадпарадкаванне) за тое, што ён "з хуліганскіх памкненняў ляжаў на лаўцы". Судовы працэс адбываўся праз відэасувязь Skype. Па інфармацыі "Моладзевага блоку", трансляцыя з Пятром Маркелава адбывалася з ЦІП.
- Катэгорыя: Вясна
Юрыст Праваабарончага цэнтра "Вясна" Павел Сапелка ў новым выпуску блога "Слова аб праве" у "Белгазеце" аналізуе практыку дыстанцыйнага вядзення адміністрацыйнага працэсу ва ўмовах пандэміі каранавіруса. У перадапошні дзень красавіка УУС Гомельскага аблвыканкама паведаміла аб інавацыйным прарыве ў адміністрацыйным працэсе: упершыню выдалена разгледжаныя дзве справы аб адміністрацыйных правапарушэннях: "праграмнае забеспячэнне з закрытым кодам", патэнцыйны правапарушальнік - у міліцыі, суддзя - у сваім кабінеце. Вынайшлі ўсё гэта не спантанна. Яшчэ ў пачатку красавіка УУС і Гомельскі абласны суд абмеркавалі такую магчымасць і вызначылі нават мэтавую групу: асобы, да якіх прымененае адміністрацыйнае затрыманне.