Катэгорыя: Вясна

У пятніцу, 15 траўня, па ўсёй Беларусі працягваюцца суды над людзьмі, якія выходзілі на мясцовыя акцыі пратэсту: у падтрымку экаактывістаў Берасця ("кармленне галубоў") і ў падтрымку блогера Сяргея Ціханоўскага, а таксама над людзьмі, якія выказваліся пра сацыяльныя праблемы ў стрымах блогера Ціханоўскага. У Беларусі ў перыяд з 6 траўня былі затрыманы каля 120 чалавек, якія прыходзілі на сустрэчу з блогерам Сяргеем Ціханоўскім, выходзілі на акцыі ў яго падтрымку пасля затрымання блогера ці ўдзельнічалі ў іншых акцыях пратэсту, такіх як "кармленне галубоў" ці акцыя "Моладзевага блоку" ў Мінску.

Катэгорыя: Вясна

Старшыня ЦВК Лідзія Ярмошына. Фота: Радыё Свабода" Заявы аб рэгістрацыі ініцыятыўных груп грамадзян па вылучэнні кандыдатаў у Прэзідэнты Рэспублікі Беларусь па стане на 14 траўня ў ЦВК падалі 34 грамадзяне.

Катэгорыя: Вясна

Cуд Маскоўскага раёна Мінска 15 траўня разглядзеў адміністрацыйныя справы маладафронтаўцаў Дзяніса і Максіма Урбановічаў, Віталя Трыгубава паводле артыкула 23.34 КаАП (парушэнне арганізацыі ці правядзення масавых арганізацый) за пікет 25 сакавіка.  Такім пікетам міліцыянты з РУУС Маскоўскага раёна Мінска палічылі ўскладанне кветак 25 сакавіка да будынку, дзе была абвешчана незалежнасць БНР, і фотаздымак з бел-чырвона-белым сцягам, зроблены тады ж. У матэрыялах справы гэты фотаздымак фігураваў як асноўны доказ іх віны. Прычым Максіму Урбановічу ў віну ставіцца тое, што ён трымаў нават не сцяг, а шалік з гербам “Пагоня” і надпісам “Беларусь жыве вечна”. 

Катэгорыя: Вясна

Скрыншот з відэароліка Рускай службы BBC Руская служба BBC выпусціла медыя-праект аб смяротным пакаранні ў Беларусі.

Катэгорыя: Вясна

Сёння, 15 траўня, у судзе Ленінскага раёна г. Брэста нарэшце распачалося судовае паседжанне у дачыненні да сябры ПЦ “Вясна” Уладзіміра Вялічкіна. Суддзёй выступае Дзмітры Шурын.

Катэгорыя: Вясна

Затрыманні пратэстоўцаў у Гомелі. Фота Белсат У траўні 2020 году ўлады Беларусі пачалі шырокія рэпрэсіі супраць грамадзянскай супольнасці. Па ўсёй Беларусі былі адвольна затрыманыя і асуджаныя да штрафаў і арыштаў больш за 120 чалавек. Праваабарончая супольнасць Беларусі патрабуе спыніць пераслед мірных дэманстрантаў, праваабаронцаў і журналістаў і вызваліць тых, хто адбывае арышт.

Катэгорыя: Вясна

У пятніцу, 15 мая, а 11 гадзіны супрацоўнікі міліцыі затрымалі сябра магілёскага аддзялення "Вясны" Сашу Райкана (Алеся Буракова). Яго затрымалі на кватэры, дзе ён жыў. Супрацоўнікі міліцыі павезлі праваабаронцу ў Ленінскае РАУС Магілёва. Імаверна, яго будуць апытваць па акцыям, якія праходзілі ў Магілёве 5 і 6 траўня. 

Катэгорыя: Вясна

Грамадскае аб'яднанне "Экадом" праінфармавала Камітэт па пытаннях выканання Орхускай Канвенцыі аб новых выпадках пераследу актывістаў у Беларусі, якія рэалізуюць свае правы па Канвенцыі, а таксама аб адсутнасці з боку дзяржавы прынятых мераў па недапушчэнні практыкі пераследу і прыгнёту актывістаў. Аб гэтым паведамляецца на сайце арганізацыі. 

Катэгорыя: Вясна

Васіль Курушын на пікеце ў 2019 годзе. Фота: mspring.online У Магілёве ў другой палове дня 14 траўня затрыманы актывіст Народнай грамады Васіль Курушын.

Катэгорыя: Вясна

Аляксандр Ільінец пасля вызвалення. Фота "Віцебскай Вясны" Віцебскі актывіст Аляксандр Ільінец быў пакараны 5 суткамі адміністрацыйнага арышту за ўдзел у "кармленні галубоў", якое суд палічыў "несанкцыянаваным пікетаваннем" (арт. 23.34 КаАП), паведамляе "Віцебская Вясна". 13 траўня Аляксандар Ільінец быў вызвалены з-пад арышту і выйшаў на волю.