Катэгорыя: Вясна

У Гродзенскім абласным судзе 9 лістапада працягнулі разгляд крымінальнай справы супраць старшыні першаснай арганізацыі Беларускага Незалежанага прафсаюза працаўнікоў ААТ "Гродна Азот" Андрэя Ханевіча. Гэта ўжо трэцяе пасяджэнне. Абвінавачанне запрасіла 5 гадоў калоніі. Разгляд справы пачаўся 31 кастрычніка. Андрэя Ханевіча абвінавачваюць паводле арт. 369-1 (Дыскрэдытацыя Рэспублікі Беларусь) і арт. 361-4 (Садзейнічанне экстрэмісцкай дзейнасці) Крымінальнага кодэкса.

Катэгорыя: Вясна

У Магілёўскім абласным судзе 21 лістапада ў парадку першай інстанцыі будзе разгледжана справа супраць 20-гадовай былой студэнткі Дануты Перадні па тых жа артыкулах Крымінальнага кодэкса (ч. 3 арт. 361, ч. 1 арт. 368 Крымінальнага кодэкса), па якіх яе ўжо асудзілі 4 ліпеня ў судзе Кіраўскага раёна да шасці з паловай гады калоніі. 11 кастрычніка судовая калегія ў Магілёўскім абласным судзе разглядзела апеляцыйную скаргу Дануты. Юрысты "Вясны" адзначаюць, што крымінальная справа супраць Дануты не была падсудна раённаму суду, таму суд Кіраўскага раёна не мог разглядаць яе — гэта парушэнне заканадаўства.  Згодна з ч. 1 арт. 268 Крымінальна-працэсуальнага кодэкса абласному, Мінскаму гарадскому судам падсудныя крымінальныя справы аб злачынствах супраць міру і бяспекі чалавецтва, злачынствах супраць дзяржавы, а таксама аб злачынствах, за якія можа быць прызначана смяротнае пакаранне. Дануце, акрамя абразы Лукашэнкі (арт. 368 КК), ставяцца ў віну заклікі да дзеянняў, скіраваных на прычыненне шкоды нацыянальнай бяспецы (ч. 1 арт. 361 КК), які адносіцца да злачынства супраць дзяржавы (глава 32 Крымінальнага кодэкса). А значыць крымінальную справу супраць Перадні мог разглядаць толькі абласны ці Мінскі гарадскі суд. Чаму суд Кіраўскага раённага суда разгледзеў гэтую справу —- невядома. 

Катэгорыя: Вясна

У судзе Слонімскага раёна 10 лістапада асудзілі Дзяніса Воўчака паводле ч. 1 арт. 368 (Абраза Лукашэнкі) і ч. 3 арт. 203-1 (Незаконныя дзеянні ў дачыненні да інфармацыі аб прыватным жыцці і персанальных дадзеных) Крымінальнага кодэкса. Справу разглядаў суддзя Аляксандр Ярмолік.

Катэгорыя: Вясна

У судзе Жабінкаўскага раёна 3 лістапада асудзілі Наталлю Ляцко за рэпост допіса з асабістымі дадзенымі сілавіка паводле арт. 188 (Паклёп) і ч. 3 арт. 203-1 (Незаконныя дзеянні ў дачыненні да інфармацыі аб прыватным жыцці і персанальных дадзеных) Крымінальнага кодэкса. Справу разглядаў суддзя Віктар Новік. Суд Жабінкаўскага раёна

Катэгорыя: Вясна

У Мінскім гарадскім судзе 10 лістапада распачаўся суд над 20-гадовым палітзняволеным мастаком і сіратой Андрэем Раптуновічам. Яго судзяць за намер паехаць ва Украіну і далучыцца да батальёна Каліноўскага (ч.1 арт. 13 арт. 361-3 Крымінальнага кодэкса), а таксама за рэгістрацыю ў плане "Перамога" (ч. 3 арт. 361-1 КК). Пад вартай хлопец утрымліваецца ўжо паўгады. Справу разглядае Сяргей Хрыпач. 

Катэгорыя: Вясна

У судзе Фрунзенскага раёна Мінска 10 лістапада пачалі разглядаць новую крымінальную справу супраць гітарыста «Крамбамбулі» і Pomidor/off Уладзіслава Плюшчава.Гэтым разам музыку вінавацяць паводле трох артыкулаў Крымінальнага кодэкса: арт. 369 (Абраза прадстаўніка ўлады); арт. 188 (Паклёп); ч.3 арт. 203-1 (незаконныя дзеянні ў дачыненні да інфармацыі аб прыватным жыцці і персанальных дадзеных). Справу разглядае суддзя Андрэй Млечка. Тры месяцы таму, 4 жніўня, Плюшчава ўжо асудзілі да двух гадоў калоніі з канфіскацыяй яго асабістага аўтамабіля, а таксама прызначылі штраф у памеры 6 400 рублёў. Абвінавачаны Уладзіслаў Плюшчаў — знакаміты беларускі музыка, які граў у гуртах "Крамбамбуля", ZET, Pomidor/off и Hasta la Fillsta. Палітвязня затрымалі 12 красавіка гэтага года. Сілавікі пад прымусам запісалі з ім "пакаяльнае" відэа і асудзілі на 25 сутак за тое, што "хадзіў на маршы ў 2020-м" і быў падпісаны на "экстрэмісцкія" каналы. Але па сканчэнні сутак гітарысту прад'явілі абвінавачванні па трох крымінальных артыкулах: арт. 188 Крымінальнага кодэкса, арт. 369 Крымінальнага кодэкса і ч. 1 арт. 179 Крымінальнага кодэкса. Пазней праваабаронцам стала вядома, што ў траўні з яго справы выключылі абвінавачванне па ч. 1 арт. 179 "Незаконны збор альбо распаўсюд інфармацыі аб прыватным жыцці".

Катэгорыя: Вясна

У Расіі працягваюць затрымліваць беларусаў праз палітычны пераслед на Радзіме і выдаваць іх беларускім уладам. Спартоўцу і антыфашысту Андрэю Казіміраву цяпер 23 гады, але ён ужо праз шмат што прайшоў: раненне на акцыі пратэсту ў родным Брэсце, два затрыманні ў жніўні 2020-га, статус абвінавачанага за "масавыя беспарадкі", пераезд у Расію і абвяшчэнне ў міждзяржаўны вышук, затрыманне ў Маскве, год у расійскім СІЗА, атрыманне абароны ад ЕСПЧ ад экстрадыцыі ў Беларусь, восем месяцаў хавання ў Расіі і пераход мяжы з Літвой. Казіміраў — першы затрыманы ў Расіі беларус, якога Праваабарончы цэнтр "Мемарыял" прызнаў палітвязнем. Андрэй толькі нядаўна апынуўся ў бяспецы і распавёў "Вясне", што яму давялося перажыць за гэтыя два гады. Андрэй родам з Брэста, сам раней займаўся спортам: быў у зборнай па хакеі на траве, захапляўся змяшаным адзінаборствам. Пасля заканчэння каледжа паступіў у польскі ўніверсітэт, але потым узяў акадэмічны адпачынак, каб зарабіць на вучобу. Падарожнічаў па Еўропе: жыў у Эстоніі, Літве, Іспаніі. Потым вярнуўся ў Польшчу — працягнуў навучанне і працаваў у кавярні адміністратарам. Падчас пандэміі вярнуўся дадому ў Брэст і не змог з'ехаць з Беларусі, бо былі зачыненыя межы. У жніўні 2020 года далучыўся да акцый пратэсту ў родным горадзе.

Катэгорыя: Вясна

У судзе Мёрскага раёна 10 лістапада ў закрытым рэжыме распачаўся суд над 69-гадовай былой настаўніцай беларускай мовы і літаратуры з Мёраў Эмай Сцепулёнак. Пенсіянерку ўтрымлівалі за кратамі амаль год. У сярэдзіне верасня жанчыне змянілі меру стрымання і перавялі на хатні арышт. Яе затрымалі 29 верасня 2021 года за каментар у сацсетках па «справе Зельцэра». Эму Антонаўну абвінавачваюць паводле двух артыкулаў Крымінальнага кодэкса: арт. 368 (Абраза Лукашэнкі) і арт. 369 (Абраза прадстаўніка ўлады). Судовы працэс вядзе суддзя Ірына Яскевіч. Эма Антонаўна Сцепулёнак

Катэгорыя: Вясна

Крысціна Чаранкова. Фота з сацыяльных сетак. Гомельскі абласны суд 10 лістапада пачынае разгляд крымінальнай справы палітзняволенай з Мазыра Крысціны Чаранковай. Дзяўчыну абвінавачваюць у распальванні іншай сацыяльнай варожасці паводле ч. 1 арт. 130 Крымінальнага кодэкса.

Катэгорыя: Вясна

Суд Партызанскага раёна Мінска 17 кастрычніка вынес прысуд жыхару Смалявіцкага раёна Максіму Дзіваку, абвінаваціўшы яго ва ўдзеле ў маршы пратэсту ў верасні 2020 года ў Мінску.