Яшчэ нядаўна старшыня гарвыканкама Аляксей Героеў абяцаў , што  новы аб'ект мае быць збудаваным за пару гадоў, потым загаварылі пра перспектывы на 3-4 гады. Цяпер, калі высветлілася, што праект патрабуе дапрацоўкі, стала вядома, што толькі на этап праектавання спатрэбіцца паўтара гады, такім чынам, будаўніцтва распачнецца не раней як у 2027 годзе.

Працы на будучай ”Плошчы дзяржаўных сімвалаў” абяцаюць завяршыць да канца лета. Да якой даты будзе прымеркавана адкрыццё, пакуль не кажуць. Сакрэтам для гараджан застаецца і кошт новага аб’екта інфраструктуры для раённага бюджэту.

Крама сеткі "еДИН" (ДИН па-руску - Департамент исполнения наказаний)  у Віцебску стала ўжо 17-й у Беларусі. Новы гандлёвы аб'ект знаходзіцца па адрасе вул.Ленінградская, 17А, раней на гэтым месцы была мэблевая крама. Цяпер тут прадстаўлена прадукцыя, якую вырабляюць зняволеныя беларускіх калоній. Гэта зноў-такі мэбля, у тым ліку садовая, мангалы, будаўнічыя і гаспадарчыя тавары, сувеніры, адзенне.

Генпракуратура Расійскай Федэрацыі зацвердзіла абвінавачанне а па крымінальнай справе Сяргея Ерамеева, былога супрацоўніка “Нафтана”, які ў 2020 годзе браў удзел у агульнабеларускім страйку.