Да наяўнага Палаца спорта, адчыненага ў 1999 годзе,  прыбудуюць у паўтары разы большую па плошчы  "Витебск-арену", дзе ўласна лядовая арэна разлічана на 4,2 тысячы гледачоў ( тая, што ёсць у “старым” будынку, змяшчае 1900 гледачоў). Колькі новы гмах будзе каштаваць бюджэту, гараджанам не кажуць. Віцябляне адзначаюць, што цяпер у горадзе побач апынуліся ажно тры “знакавыя” аб’екты сучаснасці: Плошча герба і сцяга і адразу два лядовыя палацы.

Школа на вул.Путна больш не прыме вучняў: вырашана, што дзеці будуць вычыцца у іншых школах горада. Віцебскі гарвыканкам прыняў рашэнне № 1703 «О реорганизации государственного учреждения образования «Средняя школа № 10 г. Витебска» с 01.09.2026 путем присоединения к государственному учреждению образования «Средняя школа № 5 г. Витебска имени Г. И. Богомазова». А ўсё пачалося з таго, што ў школе 1937 года пабудовы ледзь не абвалілася столь – не вытрымалі кроквы.

Старшыня Віцебскага гарвыканкама Аляксей Героеў  зявіў, што новы аб’ект стане “гандлёвым цэнтрам высокага ўзроўню”. Праўда, праекта яшчэ няма – толькі “карцінкі” з выявай футурыстычнага гмаха “са шкла”, як сказаў кіраўнік горада. Пра тое, наколькі гэтыя выявы могуць аказацца далёкімі ад рэальнасці, сведчыць яшчэ адзін факт: на іх прысутнічае ўжо збудаваны Сафійскі сабор, які абяцалі ўзвесці “на ўзор полацакага”. Але на карцінках – тыповая “мураўёўка”...

Гэта дом №28 на вул. Камсамольскай, уключаны ў Дзяржаўны спіс гісторыка-культурных каштоўнасцей Рэспублікі Беларусь.  На сайце гандлёвай пдяцоўкі «Белюрзабеспячэнне» пазначана, што ўласнікам будынка з'яўляецца Таварыства з абмежаванай адказнасцю  "СК-ЕвроИнвест" – віцебская будаўнічая кампанія, якая 10 гадоў таму набыла ахітэктурны помнік, заабавязаўшыся рэканструяваць яго пад гатэль "Брыстоль", захаваўшы ўсе архітэктурныя асаблівасці. З тае пары будынак так і застаўся ў стане поўнага заняпаду.