На гэтым тыдні палітзняволеная была пераведзена з Віцебскага абласнога следчага ізалятара №2 на хатні арышт. Пра гэта паведамляе інфармацыйны рэсурс #dissidentby. Хатні арышт - гэта альтэрнатыўная форма ўтрымання пад вартай, пры якой зняволены знаходзіцца ў сябе дома.

Віцебскім абласным судом 16 верасня вынесены прысуд палітзняволенаму Сяргею Канавалава па крымінальнай справе аб наўмысных дзеяннях, накіраваных на ўзбуджэнне нацыянальнай і іншай сацыяльнай варожасці, аб падрыхтоўцы да здзяйснення акта тэрарызму і наўмыснаму прывядзенню ў непрыдатны стан сродкаў сувязі. Судовы працэс у закрытым рэжыме вёў суддзя Яўген Буруноў.

У сярэдзіне верасня кірайніцтва Камітэта дзяржаўнай бяспекі ўключыў палітвязня Мікіту Палеонака ў спіс асобаў, "датычных да тэрарыстычнай дзейнасці". Цяпер у «тэрарыстычным» спісе КДБ 905 чалавек, большасць з іх палітвязні.

Ініцыятыва «Вольныя паштоўкі» распавядае пра палітвязняў праз іхныя малюнкі, дасланыя з-за кратаў. Нярэдка палітзняволеныя бавяць час за маляваннем, а малюнкі дасылаюць у лістах да родных і сяброў. Удзельнікі ініцыятывы вырашылі выпусціць паштоўкі з турэмнымі малюнкамі, дзейнасць праекту працягваецца ўжо некалькі месяцаў. І сярод апошніх паштовак – творчасць віцяблянкі Яны Пінчук, якой пагражае вялікі тэрмін зняволення за грамадзянскую актыўнасць.