Апошнія допісы Ціны Палынскай у сацыяльных сетках датаваныя 19 траўня мінулага года. Падобна, што ў той самы дзень жанчын  затрымалі: пасля гэтага знаёмыя звярнулі ўвагу на тое, што з ёй і яе старэйшай дачкой знікла сувязь. Затрыманне адбылося ў Полацку, Ціну Палынскую і  Маргарыту Рабіновіч да сада трымалі  ў віцебскім СІЗА-2.

Павел Севярынец распавёў пра катаванні за кратамі. Экс-палітзняволены, вызвалены 13 снежня 2025 г. і прымусова дэпартаваны з Беларусі, напісаў  у Фэйсбуку: "З Мікалаем Статкевічам ня "здарыўся інсульт". Мікалая Статкевіча давялі да інсульта". І прыгадаў выпадак з уласнага турэмнага досведу, калі лекары на Акрэсціна "чакалі", пакуль у яго забаляць суставы.

Aбвесткі  пра продаж з аўкцыёну дзвюх доляў у садовым доміку ў СТ «Хімік-1» каля  Наваполацка з’явіліся на сайце «БелЮрЗабеспячэння» ў жніўні мінулага году. Поводле інфармацыі на сайце гандлёвай пляцоўкі, адна палова  пабудовы належыць актывісту Андрэю Зуеву, другая - ягонай жонцы Таццяне. У 2024 годзе  Андрэй Зуеў быў завочна асуджаны да 7 з паловай гадоў зняволення ў калоніі ва ўмовах узмоцненага рэжыму  і да вялікіх матэрыяльных выплат. Зараз ён жыве ў вымушанай эміграцыі.

Пра гэта ў інтэрв’ю агенцыі «РИА-Новости» заявіла прэс-сакратарка Лукашэнкі Наталля Эйсмант. Па яе словах, Лукашэнка станоўча адрэагаваў на просьбы сваякоў, якія хацелі забраць яго дадому, каб працягнуць рэабілітацыю пасля інсульту. Эйсмант дадала таксама, што пра інсульт, які здарыўся ў Мікалая Статкевіча, Лукашэнку паведамілі адразу, і што ен асабіста распарадзіўся перавесці зняволенага ў шпіталь, “где была обеспечена вся необходимая и своевременная помощь”.