У Віцебску пададзеная заяўка яшчэ на адзін пікет 27 ліпеня
На 27 ліпеня ў Віцебску замоўлены пікет салідарнасьці з палітвязьнямі. Заяўку пра гэта ў адміністрацыю Першамайскага раёну накіравалі актывісты Хрыстафор Жаляпаў і Аляксей Гаўруцікаў. У заяве гаворыцца, што мэта пікетаваньня – сьвяткаваньне ўгодкаў прыняцьця Дэклярацыі пра незалежнасьць Беларусі і патрабаваньне неадкладнага вызваленьня і рэабілітацыі палітвязьняў. Мерапрыемства плянуецца ў вызначаным уладамі месцы – у Парку імя 30-годзьдзя ВЛКСМ.
Жыхары Віцебшчыны скардзяцца ў пракуратуру і праз Інтэрнэт
У пракуратуру Віцебскай вобласьці за першае паўгодзьдзе паступіла 60 электронных зваротаў грамадзян, паведаміла намесьніца начальніка арганізацыйна-кантрольнага аддзелу ведамства Сьвятлана Зайцава. Паводле ейных слоў, усяго за першае паўгодзьдзе ў ворганы пракуратуры вобласьці паступіла каля 4,7 тыс. пісьмовых зваротаў. На асабістым прыёме супрацоўнікамі прынятыя 2,9 тыс. чалавек, зь іх 441 - па месцы жыхарства і працы.
Леанід Аўтухоў: Трэба вызначыць адзінага кандыдата ў прэзыдэнты
Напярэдадні 22-ай гадавіны абвяшчэньня незалежнасьці Рэспублікі Беларусь, „Дыялёг” вырашыў даведацца, якія мерапрыемствы на гэты дзень плянуе абласны кіраўнік партыі БНФ Леанід Аўтухоў.
Апазыцыя плянуе адзначыць 27 ліпеня масавымі акцыямі
Актывісты апазыцыйных партыяў падалі ў раённыя адміністрацыі Віцебску заявы на правядзеньне масавых мерапрыемстваў. У адміністрацыю Чыгуначнага раёну зьвярнуўся абласны кіраўнік партыі БНФ Леанід Аўтухоў, які заявіў пра правядзеньне мітынгу, прысьвечанага 22-й гадавіне абвяшчэньня незалежнасьці Рэспублікі Беларусь. А сябра КХП-БНФ Ян Дзяржаўцаў хоча зладзіць у Кастрычніцкім раёне пікет, мэта якога – давесьці да ведама грамадзян інфармацыю пра небясьпеку, якую нясе для незалежнасьці Беларусі разьмяшчэньне на тэрыторыі краіны расейскіх ваенных баз.
Пятра Іванова пазбавілі права абскардзіць судовае рашэньне
Пётар Іваноў абскарджваў пастанову судзьдзі суду Першамайскага раёну Віцебску Натальлі Караблінай аб прыцягненьні яго да адміністрацыйнай адказнасьці. Скарга была прынятая. Празь некаторы час Пётар Іваноў атрымаў паведамленьне пра дзень і час разгляду яго скаргі ў абласным судзе. Якое ж было яго зьдзіўленьне, калі, прыйшоўшы ў прызначаны дзень у суд, ён даведаўся, што яго скарга разглядацца ня будзе – ані ў гэты дзень, ані ў які-небудзь іншы.
Мясьніковіч раскрытыкаваў Косінца
16 ліпеня пад старшынствам прэм’ер-міністра Міхаіла Мясьніковіча ў Віцебску прайшло выязное паседжаньне Прэзыдыюму Савету Міністраў Беларусі па пытаньні выкананьня Віцебскім аблвыканкамам прагнозных паказчыкаў сацыяльна-эканамічнага разьвіцьця. Паводле слоў прэм’ера, у Віцебскай вобласьці насьпелі некаторыя праблемныя пытаньні. У прыватнасьці, у рэгіёне адзначаюцца самыя нізкія тэмпы ўводу жытла па краіне, па выніках пяці месяцаў ня выкананыя дзьве траціны асноўных паказчыкаў сацыяльна-эканамічнага разьвіцьця.
Мясьніковіч падчас наведваньня ААТ “КІМ”: Нельга вечна жыць за чужы кошт
Трыкатажнае прадпрыемства ААТ “КІМ” (Віцебск) можа быць далучанае да віцебскага ААТ “Сьвітанак”. Пра гэта заявіў прэм’ер-міністар Міхаіл Мясьніковіч 16 ліпеня падчас наведваньня віцебскага прадпрыемства. Зараз ААТ “КІМ” зьяўляецца стратным і ўстойліва неплацежаздольным з-за фактычнага поўнага зносу абсталяваньня, нізкіх аб’ёмаў вытворчасьці, значных даўгавых абавязальніцтваў і недахопу абаротных сродкаў, што не дазваляе своечасова закупляць сыравіну, фарбавальнікі, хімікаты, разьлічыцца за энэргарэсурсы.
Андрэй Гайдукоў абскардзіў прысуд
Прызнаны вінаватым у спробах устанавіць кантакты з замежнымі спэцслужбамі Андрэй Гайдукоў абскардзіў прысуд Віцебскага абласнога суду, скаргу плянуюць накіраваць у Вярхоўны суд пры канцы наступнага тыдня. “Касацыйная скарга Гайдукова паступіла. У цяперашні час мы знаёмім зь ёй дзяржаўнага абвінаваўцу”, - паведамілі агенцтву “Інтэрфакс-Захад” у Віцебскім абласным судзе.
Леанід Гаравы: Трэба вырашаць лякальныя пытаньні з прыцэлам на прэзыдэнцкую кампанію
Жыхар Гарадка, што пад Віцебскам, Леанід Гаравы, актывіст руху «За свабоду», сябра «Беларускай асацыяцыі журналістаў», вядомы шмат каму са сваіх землякоў сваёй грамадзкай дзейнасьцю. Спадар Леанід мае вялікі досьвед удзелу ў выбарах: калісьці ён быў сябрам выбарчай камісіі, пасьля ўдзельнічаў у шмат якіх выбарчых кампаніях як назіральнік.
Віцебскі абласны суд разгледзеў скаргу Антаніны Піванос
Віцебская актывістка Антаніна Піванос працягвае змагацца за тое, каб дзяржаўныя ворганы Беларусі пачалі выконваць рашэньне Камітэту па правох чалавека ААН, прынятае ў адносінах да яе. Цяпер справу разглядаў абласны суд, куды яны накіравала касацыйную скаргу на пастанову суду Чыгуначнага раёну. Аднак пераканаць судзьдзяў абласнога суду не ўдалося: яны пакінулі рашэньне суду першай інстанцыю ў сіле.