У Полацку судзяць мужчыну за «акт тэрарызму» ў дачыненні ўдзельнікаў аўтапрабегу «За адзіную Беларусь»
14 снежня суд Полацкага раёну працягнуў разбор крымінальнай справы па абвінавачванні Руслана Слуцкага ў замаху на прывядзенне ў непрыдатнасць чыгуначных шляхоў зносін (ч. 1 арт. 14, ч. 1 арт. 309 КК), а таксама ў акце тэрарызму (ч. 1 арт. 289 КК). Справу разглядае суддзя Андрэй Дзергачоў і два народныя засядацелі, дзяржаўнае абвінавачванне падтрымлівае Таццяна Шабека.
Суд можа скараціць тэрмін лячэння ад алкагалізму ў ЛПП для 10 жанчын
Лячэбна-працоўны прафілакторый №9 упраўлення Дэпартаменту па выкананні пакаранняў МУС па Віцебскай вобласці звярнуўся ў суд Кастрычніцкага раёну Віцебску з прапановай скараціць тэрмін лячэння ад алкагольнай залежнасці дзесяці жанчынам. Раней усім ім судамі быў прызначаны стандартны тэрмін лячэння 12 месяцаў, прадугледжаны Законам «Аб парадку і ўмовах накіравання грамадзян у лячэбна-працоўныя прафілакторыі і ўмовах знаходжання ў іх».
Жоўтыя біркі, кайданкі, татальны кантроль: як ціснуць на «палітычных» у СІЗА і калоніях
У месцах зняволення па ўсёй Беларусі па палітычных матывах цяпер утрымліваюцца сотні беларусаў і беларусак. Акрамя збіцця, катаванняў і сістэматычных парушэнняў правоў зняволеных, апошнія паўгады беларускія ўлады масава выкарыстоўваюць «прафілактычныя ўлікі» як дадатковы спосаб ціску на іх. На дадзены момант у СІЗА і папраўчых калоніях «палітычных» ставяць на два ўлікі: «як асобаў, схільных да экстрэмізму і іншых дэструктыўных дзеянняў» і «як асобаў, схільных да захопу закладнікаў, нападу на адміністрацыю і хуліганскіх праяваў».
Прысуд палітвязню Сяргею Іванову набыў законную моц: тры гады калоніі
10 снежня 2021 году калегія па крымінальных справах Віцебскага абласнога суду ў складзе старшыні – суддзі Дзяніса Губанава, суддзяў Святланы Івановай і Ларысы Сініцынай разгледзела апеляцыйную скаргу асуджанага і прызнанага праваабаронцамі палітвязнем Сяргея Іванова. Калегія не знайшла з боку суду першай інстанцыі парушэнняў матэрыяльнага і працэсуальнага законаў. І прыняла рашэнне скаргу палітвязня пакінуць без задавальнення, а рашэнне суду Віцебскага раёну – без зменаў.
Суд Наваполацку прысудзіў удзельніку пратэстаў 4 годы пазбаўлення волі
10 снежня суд Наваполацку вынес абвінаваўчы прысуд у дачыненні 35-гадовага жыхара гэтага гораду. Суд палічыў даказаным, што навапалачанін у жніўні 2020 годау ўдзельнічаў у сутычках з міліцыяй і ўжыў гвалт у дачыненні супрацоўніка МУС - прычыніў траўмы галавы, паламаў нос.
Віцебскія ўлады прыступілі да ліквідацыі ўстановы «Рэдакцыя газеты «Віцебская трыбуна»
27 жніўня 2021 году адміністрацыя Чыгуначнага раёну Віцебску пачала ліквідацыю прыватнай выдавецкай ўстановы «Рэдакцыя газеты «Віцебская трыбуна». Аб прычынах і законных падставах ліквідацыі ўлады не паведамляюць. Цягам 17 гадоў, паводле нейкіх дзіўных бюракратычных законаў, рэдакцыя «Віцебскай трыбуны» не была закрытая. І толькі зараз, калі ў краіне адбываецца татальнае знішчэнне незалежных СМІ і сектара недзяржаўных грамадскіх арганізацый, улады ўспомнілі і пра «Віцебскую трыбуну».
Дзень правоў чалавека: заява высокага прадстаўніка Жазэпа Барэля ад імя Еўрапейскага Звязу
Штогод 10 снежня мы адзначаем прыняцце ў 1948 годзе Усеагульнай дэкларацыі правоў чалавека. Тэма гэтага года "Зніжэнне няроўнасці, прасоўванне правоў чалавека" асабліва важная, паколькі пандэмія і яе сацыяльна-эканамічныя наступствы аказваюць усё больш негатыўнае ўздзеянне на правы чалавека, дэмакратыю і вяршэнства права, у тым ліку на грамадзянскую прастору. Яны яшчэ больш пагаршаюць няроўнасць, якая існавала раней, узмацняюць ціск на асоб, якія знаходзяцца ва ўразлівым становішчы, і кідаюць выклік правам чалавека ва ўсім свеце.
Суд прызнаў банкрутам аб'яднанне вытворцаў ільновалакна Віцебскай вобласці
Эканамічны суд Віцебскай вобласці прызнаў ААТ «Віцебскабллён» банкрутам і вынес рашэнне аб яго ліквідацыі. Агульны сход акцыянераў даўжніка сам ініцыяваў зварот у суд для пачатку афіцыйнага скасавання вытворчага аб'яднання. Запазычанасці аб'яднання складаюць 627 тыс. рублёў. Пра гэта піша statuspro.by.
Гарадзенскія памежнікі патлумачылі праваабаронцу Паўлу Левінаву сітуацыю з «уцекачамі»
У самы разгар міграцыйнага крызісу праваабаронца Павел Левінаў звярнуўся да Генеральнага пракурора Рэспублікі Беларусь з патрабаваннем умяшацца ў сітуацыю і пакараць вінаватых за развязаную беларускімі ўладамі канфліктную сітуацыю на беларуска-польскай і беларускай-літоўскай участках мяжы. Аднак Генеральная пракуратура ўхілілася ад дачы прававой ацэнкі сітуацыі, а на заяўленыя патрабаванні спыніць беззаконне Левінаў атрымаў адказ з гарадзенскай памежнай вайсковай часткі.
«Гэта грабеж». У бацькоў актывіста Андрэя Кулакова канфіскавалі маёмасць і грошы
Супрацоўнікі аддзелу прымусовага выканання Першамайскага раёну Віцебску 3 снежня арыштавалі і адабралі маёмасць і грошы бацькоў віцебскага актывіста Андрэя Кулакова – уладальніка легендарнага «Жывемабіля». Канфіскацыю правялі ў межах выканаўчага дакументу з патрабаваннем спагнаць з Кулакова 1160 рублёў штрафу, прысуджаных яму за «начны пікет» у верасні 2020 году. Андрэй Кулакоў, які знаходзіцца зараз за межамі краіны, назваў арышт маёмасці ягоных бацькоў рабаваннем.