На Віцебшчыне назіраецца мінімальная беспрацоўе, але ёсць нюансы
Паводле інфармацыі Камітэта па працы, занятасці і сацыяльнай абароне Віцебскага аблвыканкама на рэгіянальным рынку працы выглядае наступным чынам: колькасць свабодных вакансій вагаецца каля 11 тыс., а беспрацоўных зарэгістравана толькі 798.
Чатыром пастаўскім актывістам прысудзілі “хатнюю хімію”
Суд над імі адбыўся ў Мінску. Пастаўчан судзілі паводле ч. 1 арт. 342 Крымінальнага кодэкса (арганізацыя або актыўны ўдзел у групавых дзеяннях, якія груба парушаюць грамадскі парадак). Іх справу разглядаў суддзя Міхаіл Макарэвіч.
Былога юрысконсульта «Нафтана» Аляксандра Капшуля на 15 гадоў пазбавілі волі
У Гомелі 17 лютага абвясцілі прысуд дзесяці абвінавачаным па крымінальнай справе «Рабочага руху». Сярод іх былы юрысконсульт «Нафтана» Аляксандр Капшуль, дапамагаў прадпрыемству выйграваць спрэчкі з іншымі кампаніямі, цяпер жа ён абвінавачваецца ў здрадзе дзяржаве — за дапамогу завадчанам. Паўтара месяца ён трымаў галадоўку ў ізалятары.
Кнігу "Зэкамерон" палітвязня Максіма Знака прэзентавалі ў Варшаве
У Музеі Вольнай Беларусі 16 лютага прайшла прэзентацыя двух выданняў, рэалізаваных праваабарончым цэнтрам "Вясна": навуковае даследванне Таццяны Астроўскай “Культура і супраціў” і расказы Максіма Знака “Зэкамерон”. На сустрэчу прыйшло больш за 50 беларусаў Варшавы, якія змаглі атрымаць кнігі ў падарунак.
«Патрыёты Беларусі» распачалі сваю дзейнасць у Наваполацку са спаборніцтваў па стральбе
Наваполацкая гарадская арганізацыя РГА «Патриоты Беларуси» была створана ў чэрвені мінулага году. На ўстаноўчым сходзе было абвешчана, што структура «ставіць перад сабою мэту пабудовы незалежнай, моцнай, стабільнай і квітнеючай краіны». Працаваць дзеля гэтай мэты ў Наваполацку пагадзіліся каля 100 чалавек – менавіта столькі чальцоў мае гарадская арганізацыя. І першай самастойнай імпрэзай, ініцыяванай наваполацкімі «патрыётамі Беларусі», стала спаборніцтва па кулявой стральбе з малакаліберных вінтовак.
За заклікі да санкцый суд пазбавіў волі вядомага лекара-трансплантолага
Суддзя Віцебскага абласнога суда Яўген Буруноў 16 лютага вынес прысуд медыку Аляксею Аляксейчыку, згодна якога асуджаны прывядзе у калоніі 2,5 годы ва ўмовах агульнага рэжыму. Мужчыну прызналі вінаватым у рамках ч. 3 арт. 361 (Заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь) КК. Судовы працэс праходзіў у закрытым рэжыме.
У аршанскай калоніі палітвязень Павел Вінаградаў вылечыўся ад сухотаў
У сярэдзіне лютага 2023 года Павел вылечыўся ад сухотаў і быў накіраваны назад у ваўкавыскую папраўчаю калонію №11 для далейшага адбывання пакарання ў выглядзі пазбаўлення волі цягам пяці гадоў ва ўмовах агульнага рэжыму.
У Мінску судзяць чатырох пастаўскіх актывістаў
Іх затрымалі за фота з пратэстаў у Мінску. На ім яны стаяць на дарозе падчас акцыі пратэсту ў 2020 годзе.
У Глыбоцкім раёне ўлады правялі ўстаноўчы сход па стварэнні палітычнай партыі «БЕЛАЯ РУСЬ»
Як піша раённая газета “Веснік Глыбоччыны”, на сходзе было разгледжана пытанне аб правядзенні ўстаноўчага сходу па стварэнні гэтай праўладнай партыі, абраны старшыня і сакратар устаноўчага сходу і вылучаны дэлегаты на ўстаноўчы з'езд па стварэнні палітычнай партыі.
Браслаўскія ўлады хваляцца новымі працоўнымі месцамі, а на самой справе занятых у эканоміцы стала менш
Як піша раённая газета “Браславская звезда”, за тры першыя кварталы 2022 года ў Браслаўскім раёне на новаствораныя працоўныя месцы за кошт адкрыцця новых прадпрыемстваў і вытворчасцей працаўладкавана 53 чалавекі, або аж 176,6% да плана. У прыватных структурах пры гэтым створаны рабочыя месцы для 22 чалавек, яшчэ 31 браслаўчанін прыняты на работу за кошт пашырэння ўжо існуючых вытворчасцей. Такія звесткі на сесіі райсавета агучыў старшыня райвыканкама Вячаслаў Грышчанка.